اۆتونوميالى رايوننىڭ مادەنيەت مۇرالار قىزمەتى ءماجىلىسى اشىلدى
چىن چۋانگو، شوكىرات زاكىر بەكىتپە جازدى
2017.03.24 13:58 كەلۋ قاينارى : شينجياڭ گازەتى
ءتىلشىمىز ساۋ شينليڭ، ياۋ تۇڭ 22 - ناۋرىزدا ۇرىمجىدەن حابارلايدى. 22 - ناۋرىز تۇستەن بۇرىن اۆتونوميالى رايون بۇكىل رايوننىڭ مادەنيەت مۇرالار قىزمەتى ءماجىلىسىن اشىپ، باس شۋجي شي جينپيڭنىڭ مادەنيەت مۇرالار جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، مەملەكەتتىك مادەنيەت مۇرالار قىزمەتى ءماجىلىسىنىڭ رۋحىن دايەكتىلەندىرىپ، اۆتونوميالى رايونىمىزدىڭ مادەنيەت مۇرالار قىزمەتىن اقىلداسىپ ورنالاستىردى.
اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر بەكىتپە جازدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن باس شۋجي شي جينپيڭنىڭ مادەنيەت مۇرالار قىزمەتى جونىندەگى ماڭىزدى نۇسقاۋىنىڭ رۋحىن جانە لي كىچياڭ زۇڭليدىڭ ماڭىزدى بەكىتپەسىنىڭ رۋحىن جەتكىزدى.
چىن چۋانگو بەكىتپەسىندە مىنالاردى باسا دارىپتەدى: باس شۋجي شي جينپيڭنىڭ مادەنيەت مۇرالار قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، لي كىچياڭ زۇڭلي مەن ورىنباسار زۇڭلي ليۋ ياندۇڭنىڭ ورنالاستىرۋلارى مەن تالاپتارى بويىنشا، «قورعاۋدى نەگىز ەتۋ، قۇتقارۋدى ءبىرىنشى ورىنعا قويۋ، ۇيلەسىمدى پايدالانۋ، باسقارۋدى كۇشەيتۋ» قىزمەت باعىتىنا تاباندى بولىپ، اۆتونوميالى رايونىمىزدىڭ مادەنيەت مۇرالار قىزمەتىن تىڭعىلىقتى ورىستەتۋ كەرەك.
چىن چۋانگو مىنالاردى باسا دارىپتەدى: مادەنيەت مۇرالار قىزمەتىن تۇتقا ەتىپ، سوتسياليستىك وزەكتى قۇن كوزقاراسىن باۋلىپ جانە اسقاقتاتىپ، وتانشىلدىق تاربيەنى تەرەڭدەتىپ، بولشەكتەۋشىلىككە قارسى كۇرەستىڭ يدەيا - تاربيەسىن كۇشەيتىپ، مادەنيەت مۇرالاردىڭ «كورىكتى شينجياڭ قۇرىپ، وتان ارمانىن بىرگە جۇزەگە اسىرۋدىڭ» جاندى امالياتى بارىسىندا تاريحي مادەنيەت قۇنىن ايگىلەۋىنە مۇمكىندىك جاساۋ كەرەك. قورعاۋ جۇمىسى دا ساياسي ناتيجە دەيتىن عىلمي كوزقاراستى بەرىك ورناتىپ، تۇرلەر بويىنشا باسقارۋدى، ءدال باسقارۋدى ىلگەرىلەتىپ، مادەنيەت مۇرالارىن قورعاۋ سەرپىنىن كۇشەيتىپ، اسىل مۇرالاردىڭ ۇرپاقتان - ۇرپاققا مۇرا بولىپ، تىڭ شۇعىلا شاشۋىنا مۇمكىندىك جاساۋ كەرەك. مادەنيەت مۇرالاردان ۇيلەسىمدى، لايىقتى پايدالانىپ، جىبەك جولى مادەنيەت مۇرالارىنىڭ شوعىرلانعان جەرى سىندى ابزالدىلىعىنا سۇيەنىپ، وزگەشە تاريحي مادەنيەتتى، وڭىرلىك مادەنيەتتى، ۇلتتىق مادەنيەتتى ايگىلەپ، حالىق بۇقاراسىنىڭ كوپ تۇرلىلەنگەن، جوعارى ساپالى مادەنيەت سۇرانىسىن قاناعاتتاندىرۋ كەرەك. ءار دارەجەلى پارتكوم مەن ۇكىمەت مادەنيەت مۇرالار قىزمەتىنە بارىنشا ءمان بەرىپ، مادەنيەت مۇرالار ءىسىن ەكونوميكالىق، قوعامدىق دامۋدىڭ جالپىلىق جوسپارىنا قامتىپ، مادەنيەت مۇرالار قىزمەتىنە ۇسىنىلىم سەرپىنىن ارتتىرۋ كەرەك. مادەنيەت مۇرالارعا قاتىستى ءار دارەجەلى تاراۋلار ساپانى، قابىلەتتى جانە زاڭ بويىنشا باسقارۋ دەڭگەيىن جوعارىلاتىپ، قوعامدىق كۇشتەردى ات سالىسۋعا كەڭىنەن جۇمىلدىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ ءۇشىن ءتىپتى دە كەسەك ۇلەس قوسۋ كەرەك.
شوكىرات زاكىر بەكىتپەسىندە مىنالاردى اتاپ كورسەتتى: كوپ جىلدان بەرى اۆتونوميالى رايونىمىز مادەنيەت مۇرالاردى قورعاۋ، پايدالانۋ جاعىندا كوپتەگەن تابىستى قىزمەتتەر ورىستەتتى، مادەنيەت مۇرالار ۇكىمەت ءىسىن دەمەپ، ادامدارعا تاربيە بەرۋ، حالىق تۇرمىسىن جاقسارتۋ، دامۋدى ىلگەرىلەتۋ، ۇلتتار ىنتىماعىن جەبەۋ سياقتى جاقتاردا بەلسەندى رول اتقاردى. ءبىز باس شۋجي شي جينپيڭ مەن لي كىچياڭ زۇڭليدىڭ مادەنيەت مۇرالاردى قورعاۋ جونىندەگى ماڭىزدى نۇسقاۋىنىڭ، بەكىتپەسىنىڭ رۋحىن مۇقيات دايەكتىلەندىرىپ، تياناقتاندىرىپ، يدەيالىق تانىمدى جوعارىلاتىپ، شينجياڭ قىزمەتىنىڭ باس نىساناسىن ارقاۋ ەتىپ، ج ك پ اۆتونوميالى رايوندىق 9 - قۇرىلتايىنىڭ رۋحىن دايەكتىلەندىرۋدى، تياناقتاندىرۋدى وراي ەتىپ، ءار دارەجەلى ۇكىمەتتىڭ سۋبيەكتيۆ جاۋاپكەرشىلىگىن ونان ارى تياناقتاندىرىپ، قىزمەت سەرپىنىن ارتتىرىپ، ءبىر تۇتاس جوسپارلاۋعا، قورعاۋدى نەگىز ەتۋگە، ۇيلەسىمدى پايدالانۋعا تاباندى بولىپ، مادەنيەت مۇرالاردى قورعاۋ، باسقارۋ جانە ودان پايدالانۋ دەڭگەيىن جوعارىلاتۋعا قۇلشىنىپ، بۇكىل رايون ەكونوميكاسىنىڭ، قوعامىنىڭ اقاۋسىز دامۋىن جەبەپ، سوتسياليستىك وزەكتى قۇن كوزقاراسىن اسقاقتاتىپ، يدەيا - مادەنيەت شەبىن يەلەپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋ ءۇشىن تىڭ، ءتىپتى دە كەسەك ۇلەس قوسۋىمىز كەرەك.
ەركىن تۇنياز مىنالاردى اتاپ كورسەتتى: مادەنيەت مۇرالار قىزمەتىندە قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، ۇلتتار ىنتىماعى سىندى جان تامىردى ساباقتاستىرۋ، مەملەكەتتىڭ، اۆتونوميالى رايوننىڭ كەلەلى رەفورما، دامۋ ستراتەگيالارىنا سانالى تۇردە قىزمەت كورسەتىپ، مادەنيەت مۇرالاردى قورعاۋ، پايدالانۋ، مادەنيەت مۇرالاردى كورمەگە قويۋ ورەسىن جوعارىلاتۋ، مادەنيەت مۇرالار حالىق بۇقاراسىنا قىزمەت كورسەتۋ كەرەك دەيتىن ماقسات تانىمىن بەرىك ورناتىپ، شينجياڭ ەرەكشەلىگىندەگى مۇراجايلار جۇيەسىن ۇزدىكسىز كەمەلدەندىرۋ، مادەنيەت مۇرالاردىڭ سويلەپ، تاريحتىڭ ءتىل قاتۋىنا مۇمكىندىك جاساۋ كەرەك. ءار دارەجەلى پارتكوم مەن ۇكىمەت، قاتىستى تاراۋلار، اسىرەسە، مادەنيەت مۇرالارعا قاتىستى ءار دارەجەلى تاراۋلار سۋبيەكتيۆ جاۋاپكەرشىلىكتى تياناقتاندىرىپ، ۇسىنىلىم سەرپىنىن ارتتىرىپ، وڭاۋ - رەتتەۋ ورتاسىن جاقسارتىپ، قوسىن قۇرىلىسىن كۇشەيتىپ، اۆتونوميالى رايونىمىزدىڭ مادەنيەت مۇرالار ءىسىنىڭ جاڭا جاعدايىن ۇزدىكسىز اشىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ، پارتيا 19 - قۇرىلتايىنىڭ جەڭىسپەن اشىلۋىن قارسى الۋ ءۇشىن تىڭ، ءتىپتى دە كەسەك ۇلەس قوسۋ كەرەك.
ىلە، تۇرپان، تارباعاتاي، حوتان سياقتى ايماق، وبلىس، قالالاردىڭ قاتىستى جاۋاپتى جولداستارى ماجىلىستە لەبىز ءبىلدىرىپ، تۇرپان تانۋ تۋرالى زەرتتەۋلەر جانە ونىڭ دامۋى، مادەنيەت مۇرالاردى قورعاۋ، مۇراجايلار قۇرىلىسى، الەمدىك مادەنيەت مۇرالار تىزىمىنە ءوتىنىش ەتۋ سياقتى قىزمەت تاجىريبەلەرىن تانىستىردى.
ماجىلىستە تاعى اۆتونوميالى رايونىمىزدىڭ مادەنيەت مۇرالار قىزمەتىنىڭ باستى تابىستارى تانىستىرىلدى. «12 - بەسجىلدىق» جوبا مەزگىلىندە اۆتونوميالى رايونىمىز مادەنيەت مۇرالاردى قورعاۋعا جيىنى 2 ميلليارد يۋاننان استام قارجى سالىپ، مادەنيەت مۇرالاردى قورعاۋ، كورمەگە قويىپ پايدالانۋ، عىلمي زەرتتەۋ، قورشاعان ورتانى وڭاۋ - رەتتەۋ سياقتى ءتۇيىندى قىزمەتتەرگە جۇمساعان؛ ايماق، اۋدان دارەجەلى 30 مۇراجايدى تىڭنان سالعان، وزگەرتىپ سالعان نەمەسە كەڭەيتىپ سالعان، سونىمەن بىرگە، 30دان استام مۇراجايدىڭ كورمە جۇمىستارىن ۇزدىكسىز جوعارىلاتقان. قازىرگە دەيىن شينجياڭدا جىلجىتۋعا بولمايتىن مادەنيەت مۇرا ءتۇيىنى 9500دەن اسىپ، جىلجىتۋعا بولاتىن مادەنيەت مۇرا قورىنىڭ جالپى سانى 450 مىڭنان، مەملەكەت ءتۇيىندى تۇردە قورعايتىن مادەنيەت مۇرا ورنى 110نان، مادەنيەت مۇرالار قورعالاتىن اۆتونوميالى رايون دارەجەلى ورىن 550دەن اسقان.
ءار ايماق، وبلىس، قالانىڭ، اۆتونوميالى رايوندىق مادەنيەت مۇرالاردى باسقارۋ كوميتەتىنە مۇشە ورىنداردىڭ، اۆتونوميالى رايونعا قاراستى مادەنيەت ورىنداردىڭ، مۇراجايلاردىڭ قاتىستى جاۋاپتى جولداستارى ماجىلىسكە قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
