اكەمىزدىڭ ءتالىمىن ۇمىتپايمىز
− «قۇربان اتايدىڭ» ۇلى اكەسىنىڭ وتباسى ءتالىمى تۋرالى اڭگىمەلەدى
ەرىكتى تىلشىلەر ليۋ يافىڭ، لي يكى
2017.03.24 14:01 كەلۋ قاينارى : شينجياڭ گازەتى
10 - ناۋرىز تۇستەن بۇرىن باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى كەزىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا، قۇربان تۇلىمنىڭ ۇرپاقتارىنىڭ قىزمەت، تۇرمىس جاعدايىن ارنايى سۇراستىرىپ، ءوزىنىڭ ىقىلاستى سالەمىن ايتتى.
سول كۇنى مامەتتۇرسىن قۇربان قارامايلى قالاسىنداعى ۇيىندە تەلەۆيزوردان وسى بارىستى كورىپ، ايرىقشا اسەرلەندى.
مامەتتۇرسىن 60 جىلدىڭ الدىندا ەسەكپەن بەيجيڭگە بارىپ ءتوراعا ماۋ زىدۇڭعا العىس ايتپاق بولعان قۇربان تۇلىمنىڭ كەنجە ۇلى. ول كەريا اۋدانى تۋراقاز اۋىلىندا، اكەسىنىڭ جانىندا ءوستى، كەيىن مۇناي قالاسى قارامايلىدا قىزمەت ىستەپ، زەينەتكە شىقتى.
وتكەن 74 جىلدىق ءومىر ساپارىندا مامەتتۇرسىن اكەسىنىڭ «پارتيا مەن مەملەكەتتىڭ شاپاعاتىن ەشقاشان ۇمىتپاڭدار» دەگەن تاپسىرماسىن ءارقاشان كوكەيدە ساقتاپ كەلدى. ەش ۋاقىتتا اكەسىنىڭ ورنى مەن ابىرويىن كولدەنەڭ تارتىپ، ەشقانداي ەرەكشە يگىلىك سۇراپ كورمەگەن مامەتتۇرسىن ورتالاۋ مەكتەپتى تاۋىسقان سوڭ، ەگىنشى، جۇك تاسۋشى، كۇزەتشى بولدى. جالعىز قىزى اينۇرحاندا بۇكىلدەي ءوز قۇلشىنىسىنا سۇيەنىپ، تولىمدى مۇناي جۇمىسشىسى بولىپ ءوستى.
«ءبىز وتباسىمىزبەن قاراپايىم ادامدارمىز، ومىردە بەتىمىز جارىق بولدى. سەبەبى ءبىز اكەمىزدىڭ ءتالىمىن جاتتاپ وستىك، ءارقاشان وتباسىمىزدىڭ ىزگى ءتالىمىن ۇستاندىق»، - دەيدى مامەتتۇرسىن.
«پارتيانى قىزۋ سۇيىڭدەر، ءتوراعا ماۋ زىدۇڭدى ۇمىتپاڭدار، ويتكەنى كومپارتيا، ءتوراعا ماۋ زىدۇڭ ءبىزدى جاقسى كۇنگە جەتكىزدى»
1951 - جىلعا دەيىن قۇربان تۇلىم قىستاقتاعى ءبىر بايدىڭ ۇيىندە جالشى بولىپ ىستەپ، وتباسىنداعى 6 ادامدى اسىراپ كەلدى، سوندا ءبىر كۇن تىنىم تاپپاي ىستەگەندە الاتىن اقىسى ءبىر، ەكى جاپىراق بورمي نان مەن ءبىر ۋىس بورمي ۇن بولاتىن.
1951 - جىلى قىركۇيەكتە «جەر مايىن ازايتۋ، زورەكەرلىككە قارسى تۇرۋ» قيمىلىمەن باستالعان جەر رەفورماسى قىزمەتى وڭتۇستىك شينجياڭدا ورىستەتىلە باستايدى. 1952 - جىلى 10 جاستاعى مامەتتۇرسىننىڭ اۋزى اسقا جارىپ، ءبيداي ۇنىنان پىسىرعان نانعا قولى جەتەدى. اتىزداعى جۇمىستاردى تىندىرعاننان كەيىن، اكەسى كەيدە مامەتتۇرسىن مەن ونىڭ اعا، اپەكەلەرىن جانىنا شاقىرىپ الىپ: «پارتيانى سۇيىڭدەر، ءتوراعا ماۋ زىدۇڭدى ەستەرىڭدە بەرىك ساقتاڭدار، كومپارتيا مەن ءتوراعا ماۋ زىدۇڭ بولماسا مۇنداي جاقسى تۇرمىسقا قولىمىز جەتپەگەن بولار ەدى»، - دەپ ايتىپ وتىراتىن، مىنە بۇل مامەتتۇرسىننىڭ بالا كەزىنەن العان وتباسى تاربيەسى ەدى.
«تىنباي ءبىلىم ۇيرەنۋ كەرەك، ءبىلىمدى ادام جەردە قالمايدى»
1955 - جىلى شينجياڭ ۇيعۇر اۆتونوميالى رايونى قۇرىلىپ، مامەتتۇرسىن وقۋعا تۇسەدى.
«بالام، سەن اعا، اپەكەلەرىڭە قاراعاندا باقىتتىسىڭ. ويتكەنى سەن ەس بىلمەيتىن كەزىڭدە كومپارتيا ءبىزدى ازات ەتتى، وقۋ ورايىنا دا يە بولىپ وتىرسىڭ». قۇربان تۇلىمنىڭ كەنجە ۇلىنا: «تىنباي ءبىلىم ۇيرەن، ءبىلىمدى ادام جەردە قالمايدى، ءبىلىمسىز ادام كوزى بار سوقىرمەن بىردەي. ءبىلىمدى بولعاندا عانا، پارتيا مەن مەملەكەتتىڭ مەيىرىن اقتاۋعا بولادى»، - دەگەن تاربيەسى مامەتتۇرسىننىڭ قۇلشىنا ۇيرەنۋىندەگى قوزعاۋشى كۇشكە اينالادى.
مامەتتۇرسىن ۇزبەي وقىپ ورتالاۋ مەكتەپ ءبىتىرىپ، شالعاي تۋراقاز اۋىلىنداعى زيالىلاردىڭ بىرىنە اينالادى.
اكەسى قۇربان تۇلىم ج ك پ كەريا اۋداندىق كوميتەتتىڭ مۇشەسى، كەريا اۋداندىق توڭكەرىستىك كوميتەتتىڭ ورىنباسار مەڭگەرۋشىسى، حوتان ايماقتىق توڭكەرىستىك كوميتەتتىڭ مۇشەسى، اۆتونوميالى رايوندىق توڭكەرىستىك كوميتەتتىڭ مۇشەسى سياقتى مىندەتتەردى وتەپ، بارعان سايىن قاربالاس بولا تۇسەدى. الايدا اكەسى وعان: «پارتيا مەنى حالىق ءۇشىن ءتىپتى دە جاقسى قىزمەت ەتسىن دەپ وسى ورىندارعا ورنالاستىرىپ وتىر، مۇنىڭ سەنىمەن ەشقانداي قاتىسى جوق، سەن جاي ادامنىڭ بالاسىسىڭ، ۇيرەنۋىڭدى جاقسى ۇيرەن، ەڭبەگىڭدى جاقسى ىستە»، - دەپ ەسكەرتىپ وتىرادى.
ورتالاۋ مەكتەپتى تاۋىسقاننان كەيىن مامەتتۇرسىن اۋىلىنا قايتىپ ەگىنشى بولادى.
«ەڭبەكتى قىزۋ سۇيسەڭ جانە مۇقيات ىستەسەڭ بولعانى، ونىڭ ناتيجەسىن كورەسىڭ ءارى باقىت سەزىمىنە كەنەلەسىڭ»
1975 - جىلى 26 - مامىردا 92 جاستاعى قۇربان تۇلىم الاڭسىز كوز جۇمدى. كوز جۇمۋدان ىلگەرى، ول بالالارىنا: پارتيا مەن مەملەكەتتىڭ شاپاعاتىن ماڭگى ۇمىتپاڭدار، استە مەنىڭ اتىمنان پايدالانىپ ەرەكشەلەنۋشى بولماڭدار!، - دەپ وسيەت ايتتى.
1976 - جىلى قازاندا شينجياڭ مۇناي باسقارۋ مەكەمەسى (قارامايلى قالاسىنداعى) حوتان ايماعىنا بارىپ قىزمەتكەر قابىلداعان كەزدە، كەدەي وتباسىنان شىققان، ورتالاۋ مەكتەپ ماعلۇماتىنا يە مامەتتۇرسىن قارامايلى قالاسىنداعى ءبىر جۇمىسشى بولۋ ورايىنا يە بولدى.
قىزمەتكە قاتىناسقاننان كەيىن، مامەتتۇرسىن اكەسىنىڭ: «ەڭبەكتى قىزۋ سۇيسەڭ جانە مۇقيات ىستەسەڭ بولعانى، ونىڭ ناتيجەسىن كورەسىڭ ءارى باقىت سەزىمىنە كەنەلەسىڭ» دەگەن اقىلىن ەشقاشان ەسىنەن شىعارمادى. سوندىقتان دا مامەتتۇرسىن باسقالارعا ءوزىنىڭ تەگى جايىندا ءلام - مەم دەمەدى ءارى ەڭ جاپالى قىزمەت ورنىنا بارىپ ىستەۋدى ىرىقتىلىقپەن سۇرانىپ، قارامايلى قالالىق استىق مەكەمەسىندە جۇك تاسۋشى بولىپ ىستەدى.
1987 - جىلى، 1989 - جىلى مامەتتۇرسىن 2 رەت «قارامايلى قالالىق استىق مەكەمەسىنىڭ وزات قىزمەتكەرى» داڭقتى اتاعىن ەنشىلەدى
«سەنىمدى، ۋادەگە بەرىك بول، قولىڭنان كەلمەيتىن ىسكە وڭاي - وسپاق ۋادە بەرمە»
كەزىندە شينجياڭ مۇناي باسقارۋ مەكەمەسى قارامايلى قالالىق پارتكومنىڭ ورىنباسار شۋجيى بولعان ۋاڭ جاۋميڭ مەن شينجياڭ مۇناي باسقارۋ مەكەمەسىنىڭ ورىنباسار باستىعى بولعان ۋارىسجان مامەتتۇرسىننىڭ وتباسى جاعدايى مەن قىزمەتتەگى بەينەسىن ۇعىسقاننان كەيىن، وعان حابارلاسىپ، ونىڭ ءوز قابىلەتىن اناعۇرلىم ساۋلەلەندىرە الاتىن قىزمەت ورنىنا الماسۋ ويى بار - جوعىن سۇراستىرادى. وسى كەزدە مامەتتۇرسىننىڭ ەسىنە اكەسىنىڭ «سەنىمدى، ۋادەگە بەرىك بول، قولىڭنان كەلمەيتىن ىسكە وڭاي - وسپاق ۋادە بەرمە» دەگەن اقىلى تۇسەدى.
قارامايلى قالاسىنا كەلگەننەن كەيىن، ءوزىنىڭ ورتالاۋ مەكتەپ ماعلۇماتىنىڭ تاڭسىق ەمەس ەكەندىگىن ءبىلىپ، باسشىلاردىڭ جاقسى نيەتىنەن باس تارتىپ، بۇرىنعى قىزمەت ورنىندا قالا بەرەدى.
«ۋنيۆەرسيتەتتە وقىعاندا بولسىن، الدە كەيىن قىزمەت ىستەگەندە بولسىن، پارتيانىڭ مەيىر - شاپاعاتىن ۇمىتپاۋىڭ، ءوز قابىلەتىڭە سۇيەنىپ تۇرمىس كەشىرۋىڭ كەرەك»
2004 - جىلى مامەتتۇرسىن داڭقپەن پەنسياعا شىعادى. ونىڭ جالعىز قىزى اينۇرحان شينجياڭ اۋىل شارۋاشىلىق ۋنيۆەرسيتەتىنە قابىلدانادى. مامەتتۇرسىن قىزىنا: «ۋنيۆەرسيتەتتە وقىعاندا بولسىن، الدە كەيىن قىزمەت ىستەگەندە بولسىن، پارتيانىڭ مەيىر - شاپاعاتىن ۇمىتپاۋىڭ، ءوز قابىلەتىڭە سۇيەنىپ تۇرمىس كەشىرۋىڭ كەرەك، اتاڭنىڭ اتىن جامىلىپ تيىمدىلىككە يە بولۋىڭا استە بولمايدى!»، - دەپ ەسكەرتەدى.
2009 - جىلى اينۇرحان ۋنيۆەرسيتەت تاۋىسقاننان كەيىن كوڭىلدەگىدەي قىزمەت تابا المايدى. وسىلاي بولا تۇرسا دا، اينۇرحان قاتىستى تاراۋلارعا ءوزىنىڭ كىمنىڭ نەمەرە قىزى ەكەنىن ايتۋ ويىندا بولىپ كورگەن جوق. ءبىراق ۇيرەنۋىن بوساڭسىتپادى. 2013 - جىلى اينۇرحان ۇزدىك ناتيجەمەن جۇڭگو مۇناي، تابيعي گاز توبى شينجياڭ مۇناي الابى سەرىكتەستىگىنە قىزمەتكە قابىلدانىپ، مۇناي الۋ 2 - زاۆودى مۇناي الابى گەولوگيالىق زەرتتەۋ ورنىنىڭ لابورانتى بولادى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
