8000نان استام كەدەي ەگىنشى - مالشى ورمان قورعاۋشىعا اينالدى
2017.03.27 15:41 كەلۋ قاينارى : شينجياڭ گازەتى
شينحۋا اگەنتتىگىنىڭ 23 - ناۋرىزدا ۇرىمجىدەن بەرگەن حابارى. وسىدان 3 ايدىڭ الدىندا، يۇنۇس مامەت ەگىنشى بولاتىن، ال قازىر ول «كاسىپ اۋىستىرىپ» ەكولوگيالىق ورمان قورعاۋشىسىنا اينالدى.
يۇنۇس مامەت قازىر ارايماق قىستاعىنا جاقىن جەردەگى ەكولوگيالىق الەۋمەتتىك يگىلىك ورمانىندا ىستەيتىن بولدى. كەلپىن اۋداندىق ورمان مەكەمەسىنىڭ تالابىنا ساي، ول ءار كۇنى وسى ءبىر شارشى كيلومەتر كەلەتىن باسقارۋ اۋماعىندا از دەگەندە 2 رەت بارىپ - كەلىپ تەكسەرۋ جۇرگىزىپ، اعاشتاردى ۇرلاپ كەسۋ جانە ورمان رايونىندا تىڭ اشۋ سياقتى زاڭعا قايشى ارەكەتتەردىڭ الدىن الادى.
يۇنۇسپەن بىرگە 1 - توپتا «كاسىپ اۋىستىرىپ» ەكولوگيالىق ورمان قورعاۋشىسى بولعانداردان تاعى 8000نان استام كەدەي ەگىنشى - مالشى بار. بىلتىر ناۋرىزدان باستاپ، ولار رەسمي جۇمىسقا شىعىپ، تارىم ويپاتى مەن جوڭعار ويپاتىنا ورنالاسقان الەۋمەتتىك يگىلىك ورمانداردى قورعاۋعا جاۋاپتى بولدى.
قيىر شالعايداعى ارايماق قىستاعى تيانشان تاۋىنىڭ ەتەگىنە، تارىم ويپاتىنىڭ جيەگىنە ورنالاسقان. بۇل جەر كەلپىن اۋدانىنداعى كەدەيلىك ەڭ اۋىر قىستاقتاردىڭ ءبىرى، سۋى تاپشى، جەرى از، قاتىناسى قولايسىز قىستاق. ال 5 جان سانى بار يۇنۇستىڭ ءۇيى وسى قىستاقتاعى ەڭ كەدەي وتباسى، ءبىر مۋ ءبيدايلىعى، 2 مۋ جەمىس باعى بار، ولاردىڭ جىلدىق كىرىسى تىم ماردىمسىز بولاتىن. ەگىن ەگۋدەن تىس يۇنۇستە اقشا تابار باسقا ونەر جوق ەدى، ايەلى توسەك تارتىپ اۋىرعالى ۇزاق ۋاقىت بولعان، بۇل جاعداي وتباسىنىڭ كەدەيلىك كۇيىن ونان ارمان مۇشكىلدەندىرە ءتۇستى.
جاڭا سالاۋاتقا يە بولعاننان كەيىن، بيىل يۇنۇس وتباسىنىڭ كەدەيلىكتەن قۇتىلۋىنان ءۇمىت بايقالدى: الەۋمەتتىك يگىلىك ورماندى قورعاۋعا جىلىنا بەرىلەتىن 10 مىڭ يۋاندىق قوسىمشا قاراجات بۇل وتباسى جونىنەن بۇرىن بولىپ كورىلمەگەن كىرىس «كوزى» ەدى.
اۆتونوميالى رايوندىق ورمان شارۋاشىلىعى مەڭگەرمەسىنىڭ تانىستىرۋىنشا، العاشقى تاڭداپ شاقىرىلعان 8145 ەكولوگيالىق ورمان قورعاۋشىنىڭ بارلىعى اۆتونوميالى رايوننىڭ 27 كەدەي اۋدانىنداعى ارحيۆ تۇرعىزىلىپ، كارتچكا بەرىلگەن كەدەي ەگىنشى - مالشىلاردان تاڭدالىپتى، ولار قىزمەتكە شىققاننان كەيىن، 35 مىڭ ادامدى دالمە - ءدال كەدەيلىكتەن قۇتىلدىرۋعا بولادى ەكەن. سونىمەن بىرگە، بۇل شارا جەر - جەردەگى الەۋمەتتىك يگىلىك ورمان قورعاۋشىلارى جەتىسپەۋدەي قيىنشىلىقتى دا جەڭىلدەتەدى.
رايونىمىزدا 100 ميلليون مۋدان استام ءار تۇردەگى الەۋمەتتىك يگىلىك ورمانى بار، ولار، باستىسى، ەكولوگياسى ءالسىز تارىم ويپاتى مەن جوڭعار ويپاتىندا، رايونىمىزداعى كەدەي اۋدان، قالالاردىڭ باسىم كوبى دە ويپاتتارداعى ەكولوگياسىنىڭ ناشارلاۋى ءبىرشاما اۋىر وڭىرلەرگە ورنالاسقان. اۆتونوميالى رايوننىڭ ورنالاستىرۋىنا ساي، بيىل ەكولوگيالىق ورمان قورعاۋشىلار جالعاستى تاڭدالىپ، جەرگىلىكتى ورىنداعى كەدەي شارۋالاردان 10 مىڭنان استام كەدەي ەگىنشى - مالشىنى كاسىپتەندىرەدى.
جاڭادان ورمان بايلىعىن قورعاۋعا كەلگەن بۇل ادامداردىڭ باسقارۋ، قورعاۋ قابىلەتىن ءوسىرۋ ءۇشىن، جەر - جەردەگى ورمان شارۋاشىلىق تاراۋلارى بيىل جىل باسىندا ەكولوگيالىق ورمان قورعاۋشىلاردىڭ قىزمەتكە تۇسۋدەن بۇرىنعى جاتتىقتىرۋ كۋرسىن جەكە - جەكە اشىپ ءارى جەرگىلىكتى ورىننىڭ كاسىپ قۇرىلىمىنا نەگىزدەلىپ، ولارعا قولدانىلمالى شەبەرلىك جاعىندا جاتتىقتىرۋ جۇرگىزدى.
جاتتىقتىرۋدا يۇنۇس قاتىستى كاسىپتىك بىلىمدەردى ۇيرەنىپ قانا قالماستان، جەمىس اعاشتارىن شىرپۋ شەبەرلىگىن دە يگەردى. قىزمەتكە شىققاننان كەيىن، ورماندى ءوڭىردى ارالاپ تەكسەرۋ جاساۋمەن بىرگە، ول كورشىلەرىنىڭ جەمىس اعاشتارىن تەلۋ جانە شىرپۋ جۇمىستارىنا دا قولعابىس ەتەتىن بولدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
