«اۆتونوميالى رايوننىڭ <ەكولوگيالىق ورتانى بۇلدىرگەن پارتيا، ۇكىمەت باسشىكادرلارىنىڭ جاۋاپكەرشىلىگىن قۋزاستىرۋ ءادىسىن (سىناق)> اتقارۋ جونىندەگى ەرەجەسى» باسىپ تاراتىلدى
ەكولوگيالىق ورتانى ءبۇلدىرۋ جاۋاپكەرشىلىگىن ومىرلىك قۋزاستىرۋ ءتۇزىمى اتقارىلادى
2017.03.27 15:48 كەلۋ قاينارى : شينجياڭ گازەتى
ءتىلشىمىز ۋاڭ يايۇن 24 - ناۋرىزدا ۇرىمجىدەن حابارلايدى. تاياۋدا اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى «اۆتونوميالى رايوننىڭ <ەكولوگيالىق ورتانى بۇلدىرگەن پارتيا، ۇكىمەت باسشى كادرلارىنىڭ جاۋاپكەرشىلىگىن قۋزاستىرۋ ءادىسىن (سىناق)> اتقارۋ جونىندەگى ەرەجەسىن» (قىسقارتىلىپ «ەرەجە» دەلىنەدى) باسىپ تاراتتى. «ەرەجە» جالپى 23 تارماققا ءبولىنىپ، وندا ەكولوگيالىق ورتانى ءبۇلدىرۋ جاۋاپكەرشىلىگىن قۋزاستىرۋداعى جاۋاپتى سۋبيەكت، سونداي - اق جاۋاپكەرشىلىكتى قۋزاستىرۋ ءتارتىبى ايقىن بەلگىلەنگەن.
«ەرەجەنى» ورتالىق باسىپ تاراتقان «ەكولوگيالىق ورتانى بۇلدىرگەن پارتيا، ۇكىمەت باسشى كادرلارىنىڭ جاۋاپكەرشىلىگىن قۋزاستىرۋ ءادىسى (سىناق)» سياقتى پارتيا ىشىندەگى قاتىستى ەرەجە - قاعيدالار مەن مەملەكەتتىڭ زاڭ - بەلگىلەمەلەرىن نەگىز ەتىپ، شينجياڭنىڭ ءىس جۇزىندىك جاعدايمەن ۇشتاستىرىپ بەلگىلەگەن.
«ەرەجەنىڭ» 5 - تارماعىنان 8 - تارماعىنا دەيىن جاۋاپكەرشىلىگىن قۋزاستىرۋعا ساياتىن 25 ءتۇرلى جايت، جەرگىلىكتى ورىنداعى پارتيا، ۇكىمەت نەگىزگى باسشىلارىنا قاراتىلعان 8 ءتۇرلى، جەرگىلىكتى ورىنداعى پارتيا، ۇكىمەتتەردىڭ قاتىستى باسشىلارىنا قاراتىلعان 5 ءتۇرلى، اۆتونوميالى رايون، ايماق (وبلىس، قالا)، اۋدان (قالا، رايون) ۇكىمەتتەرىنىڭ (اكىمشىلىك مەكەمە) قاتىستى قىزمەت تاراۋلارىنىڭ باسشىلارىنا قاراتىلعان 7 ءتۇرلى جايت بەلگىلەنگەن.
«ەرەجەدە» بىلاي دەپ بەلگىلەندى: ەنەرگيانى سارىپ ەتۋ، قورشاعان ورتانى قورعاۋ، ەكولوگيالىق ونىمدىلىك سياقتى احۋالداردى قىزمەت ناتيجەسىن باعالاۋدىڭ ماڭىزدى مازمۇنى ەتۋ قاجەت، ەكولوگيالىق ورتا مەن بايلىقتى اۋىر دارەجەدە ءبۇلدىرۋ جاۋاپكەرشىلىگىن ارقالاعان كادرلاردى وسىرۋگە نەمەسە باسقالاي ماڭىزدى مىندەتكە تاعايىنداۋعا بولمايدى. مۇنان تىس، ەكولوگيالىق ورتانى ءبۇلدىرۋ ارەكەتىنەن تۋىلعان زارداپ پەن ىقپالىنىڭ اۋىر - جەڭىلدىگىنە قاراتا جاۋاپكەرشىلىگى قۋزاستىرىلادى: زاردابى ءبىرشاما جەڭىلدەرىنە ەسكەرتۋ بەرۋ، اشىق كەشىرىم سۇراۋعا بۇيىرۋ؛ زاردابى ءبىرشاما اۋىرلارىنىڭ قىزمەت ورنىن الماستىرۋ، كىنانى ءوز موينىنا الىپ جۇمىستان بوساۋ سياقتى جازالارمەن ۇيىمدىق جاقتان ءبىر جايلى ەتۋ؛ زاردابى ەرەكشە اۋىرلارىنا جۇمىستان بوساۋعا بۇيىرۋ، مىندەتىنەن قالدىرۋ، دارەجەسىن تومەندەتۋ سياقتى جازالارمەن ۇيىمدىق جاقتان ءبىر جايلى ەتۋ. سونىمەن بىرگە، پارتيا تارتىبىنە، اكىمشىلىك تارتىپكە قايشى كەلگەندەرىنە پارتيا ءتارتىبى، اكىمشىلىك ءتارتىپ جازاسىن بەرۋ. ۇيىمدىق جاقتان ءبىر جايلى ەتۋ مەن پارتيا ءتارتىبى، اكىمشىلىك ءتارتىپ جازاسىن جەكە - جەكە قولدانۋعا دا، تەڭ قولدانۋعا دا بولادى. جاۋاپكەرشىلىك قۋزاستىرىلاتىن وبيەكتى قىلمىسقا شاتىلسا، دەر كەزىندە ءادىليا ورگاندارىنىڭ زاڭ بويىنشا ءبىر جايلى ەتۋىنە تاپسىرىلادى.
«ەرەجەدە» بىلاي دەپ بەلگىلەندى: ەكولوگيالىق ورتانى ءبۇلدىرۋ جاۋاپكەرشىلىگىن ومىرلىك قۋزاستىرۋ ءتۇزىمى اتقارىلادى. عىلمي دامۋ تالابىنا قايشى كەلىپ، ەكولوگيالىق ورتا مەن بايلىقتى اۋىر دارەجەدە بۇلدىرگەن جاۋاپتى ادامنىڭ جاۋاپكەرشىلىگى قىزمەت ورنىن اۋستىرعانىنا، مىندەتىنىڭ وسىرىلگەنىنە نەمەسە پەنسياعا شىققانىنا قارالماستان، ءسوز جوق، قاتاڭ قۋزاستىرىلادى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
