- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ءتىلسىز جاۋ» الدىندا كومەگىن اياماعان اۋىلداستار
2014.01.13 13:23 كەلۋ قاينارى : حالىق تورابى
جاينا جاقسىلىق قىزى، مۇنار شاريعات ۇلى حابارلايدى. 24 - جەلتوقسان كۇنى ءتۇس اۋعان مەزگىل، بۋرىلتوعاي اۋدانى قاراماعاي اۋىلى ويقورا قىستاعىنداعى بىرنەشە اۋىلداستار ءبىر ءۇيدىڭ اۋلاسىنان بۋداقتاعان كوك ءتۇتىندى جول - جونەكەي بايقاپ قالادى دا، ءۇي ىشىندە ءورت كەتكەنىن سەزىپ، جالما - جان ارەكەتكە كىرىسەدى. ولار ءبىر جاعىنان ايقايلاپ ماڭايداعى كورشىلەردى كومەككە شاقىرسا، ءبىر جاعىنان قولدارىنا كاتەل، قۇمىرالار الىپ سۋ شاشىپ ءورت وشىرۋگە كىرىسەدى. جان - جاقتان جيىلعان 20 شاقتى ادام جابال اتتانىسقا كەلىپ، تۇس - تۇستان سۋ شاشىپ ءورت وشىرەدى، ارادا بىرنەشەۋى توبەگە شىعىپ توك سىمدارىن ورتتەن اراشالاپ، بىرنەشەۋى ءۇي ىشىندەگى كەرەك - جاراقتاردى سىرتقا قاراي تاسىپ، وڭاي ورتەنەتىن بۇيىمداردىڭ جالعاستى ورتەنۋىنىڭ الدى الدى. ءسويتىپ، «كوپ تۇكىرسە كول بولار» دەگەندەي، اقپەيىل اۋىلداستاردىڭ ايانباعان كومەگىندە ءورت جارتى ساعاتتان استام ۋاقىتتا تولىق ءوشىرىلىپ بولدى.
ءورت كەتكەن ءۇيدىڭ يەسى قانىمقان: «ۇيگە ءورت كەتكەندە، جولداسىم سىرتقا مال باعىپ كەتكەن ەدى، ۇيدە جالعىز قالعانمىن، پەشكە وتىندى سالىپ جانا باستاعاندا، قوراداعى سيىرعا جەم بەرەيىن دەپ شىعىپ كەتكەمىن. ءۇي ارتىنداعى قورادا ءجۇرىپ ۇيدە ءورت كەتكەنىن مۇلدە بىلمەپپىن، اۋىلداستار دەركەزىندە بايقاپتى، ولار جابىلا كومەك كورسەتپەگەندە، ەندىگى نە بولارىن بىلمەيمىن» دەپ اۋىلداستارىنىڭ كومەگىنە تەبىرەنىپ كوزىنە ىستىق جاس الدى.
ءورت وشىرۋگە باستان - اياق اتسالىسىپ ابىگەر بولعان ويقورا قىستاعىنىڭ پارتيا ياچەيكا شۋجيى بولاتبەك تىلشىگە: «ۇيدەگى پەشتە جاققانى اعاش وتىن ەكەن دە، ونىڭ جالىنى پەشتىڭ ءۇستىن الا ىلىنگەن كورىنىستىڭ اعاش رامكاسىن شالىپ، ونىڭ جالىنى ءۇي توبەسىندەگى كەرەگەلىكتەردى شارپىپ ءورت سودان ۇلعايعان ەكەن. كوپشىلىك دەركەزىندە بايقاپ، دەركەزىندە ارەكەتتەندىكتەن ءورت تىزگىندەلدى. ءورت كەتكەن ءۇيدىڭ ەكونوميكالىق جاعدايى بۇرىننان تىم جاقسى ەمەس ەدى، ەندى مىنە مىناداي جاعدايعا كىرىپتار بولعاندا، اۋىلداستار قول قۋسىرىپ قاراپ تۇرا المايمىز - عوي، قالايدا ولاردىڭ زيانىن تولىقتىرىپ، كوڭىلدەرىن ورنىقتىرۋعا جاقىننان جاردەمدە بولامىز»، - دەدى.
اقپەيىلدىلىك پەن مەيىرباندىق حالقىمىزدىڭ ءون - بويىنا بىتكەن اسىل قاسيەتتەرىنىڭ ءبىرى، مىنەكي، قىسىلتاياڭدا قول ءۇشىن بەرىپ، ءتىلسىز جاۋدى مەيىرباندىلىعىمەن جەڭىپ، سۇرەڭسىز سۋىقتا مەيىرىمىسىز ءورتتىڭ قاھارىندا قالعان اۋىلداسىنىڭ جۇرەگىن مەيىرىمەن جىلىتقان اياۋلى دا ارداقتى اۋىلداستار جاساي بەرسىن، اعايىن! - دەي وتىرىپ، قىستىگۇنگى الاسۇرعان ايازدا، ءتۇرلى حاۋىپسىزدىككە كوڭىل ءبولىپ، اياۋسىز اپاتتاردان، كۇتپەگەن جاعدايلاردان ساقتانۋدى كۇيىنە ەسكەرتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
