- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق اۋىل-قىستاق قىزمەتى ءماجىلىسى اياقتالدى
2014.01.09 16:21 كەلۋ قاينارى : شينجياڭ حالىق راديو ستانسياسى تورابى
ءبىر جارىم كۇن اشىلعان، اۆتونوميالى رايوندىق پارتكومنىڭ اۋىل-قىستاق قىزمەتى ءماجىلىسى 8-قاڭتار اياقتادى، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءماجىلىسكە قاتىناستى ءارى ماڭىزدى ءسوز سويلەدى.
جاڭ چۇنشيان ديحانداردىڭ كىرىسىن ارتتىرۋ، ديحانداردىڭ تۇرمىسىن جاقسارتۋ جانە باستى اۋىل شارۋاشىلىق ونىمدەرىن ءوندىرۋ، اۋىل شارۋاشىلىعىن باياندى دامىتۋ سياقتى 6 جاقتان عىلىمي تالداۋ جاساپ، شينجياڭنىڭ اۋىل شارۋاشىلىعىنىڭ وسىزاماندانۋىن جەبەۋ، اۋىل شارۋاشىلىعى مەن اۋىل-قىستاق قىزمەتىن ويداعىداي ىستەۋ سىندى ماڭىزدى ماسەلە جونىندە توقتالدى.
جاڭ چۇنشيان بىلاي دەپ اتاپ كورسەتتى: ديقانداردىڭ كىرىسىن ارتتىرىپ، ديقانداردىڭ تۇرمىسىن جاقسارتۋ قوعامنىڭ ورنىقتىلىعى مەن باياندى تىنىشتىعىنىڭ ماڭىزدى نەگىزى، ەگىن، مال شارۋاشىلىعىن وسىزامانداندىرۋدىڭ ماڭىزدى بەلگىسى، جاپپاي دوڭگەلەك داۋلەتتى قوعام قۇرۋدىڭ قاجەتتى تالابى. ءتيىمدى ورتا جاراتۋدى ديقانداردىڭ كىرىسىن ارتتىرۋدىڭ نەگىزى ەتىپ، قالا-قالاشىقتاندىرۋ، جاڭاشا ونەركاسىپتەندىرۋ، اۋىل شارۋاشىلىعىن وسىزامانداندىرۋ، ينفورماتسيالاندىرۋ، عىلىم-تەحنيكالاندىرۋ قۇرىلىسىن جەدەلدەتۋ؛ باسقا سالادا كاسىپتەندىرۋدى ديقانداردىڭ كىرىسىن ارتتىرۋدىڭ شىعار ءتۇيىنى ەتىپ، ەڭبەككۇش شوعىرلانعان كاسىپتى كۇش سالا دامىتىپ، ديقانداردى كاسىپتىك شەبەرلىككە تاربيەلەۋگە وسكەلەڭ ءمان بەرىپ، ديقانداردى باسقا سالادا كاسىپتەندىرۋ جاعىندا قىزمەت وتەۋ قىزمەتىن جاسامپازدىقپەن ويداعىعداي ىستەپ، كاسىپتەنۋ كوزقاراسىنا، وتە-موتە از ۇلت بۇقاراسىنىڭ كاسىپتەنۋ كوزقاراسىنا بۇرىلىس جاساۋعا كۇش سالىپ، ديقانداردىڭ يگىلىك جاراتۋىنا وسكەلەڭ ءمان بەرۋ؛ وسىزامانعى ەگىن، مال شارۋاشىلىعى كاسىبى جۇيەسىن قۇرۋدى ديقانداردىڭ كىرىسىن ارتتىرۋدىڭ ءتۇيىنى ەتىپ، «اتىز باسىنان اس ۇستەلىنە» دەيىنگى جالپى بارىس بويىنشا كاسىپ جۇيەسىن قۇرۋ كەرەك؛ اۋىل شارۋاشىلىعىن كۇشەيتىپ، قولداپ قورعاۋدى كىرىستى ارتتىرۋدىڭ ماڭىزدى كەپىلى ەتىپ، اۆتونوميالى رايوننىڭ «اۋىل شارۋاشىلىق، اۋىل-قىستاق، شارۋالار» جۇمسالىمىن ورنىقتى ارتتىرۋ مەحانيزمىن قۇرىپ جانە كەمەلدەندىرىپ، اۋىل-قىستاقتاعى تومەن كىرىستەگى بۇقارالىق توپ پەن كەدەي رايوندى ديقانداردىڭ كىرىسىن ارتتىرۋدىڭ قىزمەت ءتۇيىنى ەتىپ، كىرىسى تومەن بۇقارالىق توپقا كوبىرەك كوڭىل ءبولىپ، ولاردىڭ كىرىسىن مۇمكىندىكتىڭ بارىنشا ارتتىرىپ، تۇرمىستارىن جاقسارتۋ ءتيىس.
جاڭ چۇنشيان مىنانى باسا دارىپتەدى: استىق حاۋىپسىزدىگىنە كەپىلدىك ەتىپ، استىق ءوندىرىسىن ويداعىداي مىقتى يگەرىپ، استىق بازارىنداعى باعا ورنىقتىلىعىنا، قامداۋدىڭ جەتكىلىكتى بولۋىنا كەپىلدىك ەتۋ كەرەك؛ ماقتا كاسىبىنىڭ ابزال ورنىن بەكەمدەپ، ماقتانىڭ نىسانالى باعا رەفورماسى سىناق ءتۇيىنىن ويداعىداي مىقتى يگەرىپ، ماقتا ءوندىرىسىنىڭ ورنىقتى دامۋىنا، ماقتا بازارىنىڭ ورنىقتى اينالىمىنا، ماقتا ەگۋ ونىمدىلىگىنىڭ ورنىقتى ارتۋىنا كەپىلدىك ەتۋ قاجەت؛ «كوجە-قاتىق» ينجەنەرياسى ونىمدەرىن ءوندىرۋ مەن قامداۋدى ويداعىداي مىقتى يگەرىپ، ءىرى اينالىمعا ءتۇسۋ جۇلگەسىنە تاباندى بولىپ، «كوجە-قاتىق» ينجەنەرياسىنا قالا باستىعى جاۋاپتى بولۋ ءتۇزىمىن ويداعىداي تياناقتاندىرۋ كەرەك؛ ەرەكشە جەمىس اعاشى كاسىبىن ورنىقتى دامىتىپ، ساپانى جوعارىلاتىپ، ونىمدىلىكتى ارتتىرۋ، ءونىم ساپاسىن جاقسارتىپ، دارەجەسىن جوعارىلاتۋ كەرەك؛ شينجياڭنڭ جاسىل ءتۇستى ماركاسىن جاراتىپ، جاسىل ءتۇستى، ورگانيكالى اۋىل شارۋاشىلىق ونىمدەرى بازاسى قۇرىلىسى تەبىنىن ارتتىرىپ، ايگىلى ماركالى اۋىل شارۋاشىلىق ونىمدەرىن كۇش سالا جەتىلدىرۋ ءتيىس. بيڭتۋاننىڭ اۋىل شارۋاشىلىعىن وسىزامانداندىرۋداعى وزىق تاجىريبەلەرىنەن پايدالانىپ، بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتۋ كەرەك. اۋىل شارۋاشىلىعىن وسىزامانداندىرۋدى ويداعىداي جوبالاپ، «جىبەك جولى ەكونوميكالىق بەلدەۋى» قۇرىلىسىنا ۇشتاستىرىپ، حالىقارا مەن ەل ءىشىنىڭ ەكى ابزار، ەكى بايلىعىنان اناعۇرلىم ويداعىداي پايدالانىپ، بايلىق ءبولىسى ونىمدىلىگىن اناعۇرلىم كەڭ كولەمدە جوعارىلاتۋ كەرەك.
جاڭ چۇنشيان مىنانى اتاپ كورسەتتى: اۋىل شارۋاشىلىعىن دامىتۋ فورماسىنا بۇرىلىس جاساۋ اياق الىسىن ءسوزجوق جەدەلدەتىپ، بايلىقتى ۇنەمدەگىش، ورتاسى جاراسىمدى اۋىل شارۋاشىلىعىن بارىنشا دامىتىپ، اۋىل شارۋاشىلىعى بايلىعىن قالپىنا كەلتىرۋگە، جانداندىرۋعا ءمان بەرىپ، اۋىل شارۋاشىلىعىن باياندى دامىتۋدىڭ ءونىمدى مەحانيزىمىن قۇرىپ، رايونىمىزدىڭ ءىس جۇزىندىك جاعدايىنا ۇيلەسەتىن اۋىل شارۋاشىلىعىن باياندى دامىتۋ جولىن تابۋ قاجەت. سۋ ۇنەمدەگىش اۋىل شارۋاشىلىعى جولىمەن جۇرۋگە تاباندى بولىپ، «ءۇش قىزىل سىزىقتان» اۋىتقىماي، زاڭعا قايشى تىڭ يگەرۋ، جەر استى سۋىن اشۋ ارەكەتىن زاڭ بويىنشا قاتاڭ ءبىر جايلى ەتۋ؛ « ەكولوگيالىق ونىمدىلىكتى ماڭداي الدى ورىنعا قويۋ» سىندى ورمان شارۋاشىلىعىن باياندى دامىتۋ جولىمەن جۇرۋدەن جازباي، جابايى حايۋاناتتار مەن وسىمدىكتى، شالشىقتى جەردى، ماڭىزدى سۋ بايلىعى ءوڭىرىن قورعاۋ جانە جارتىلىستىق قورىق قۇرىلىسىن كۇشەيتۋ؛ جاسىل مال شارۋاشىلىعىن دامىتۋ جولىمەن جۇرۋدەن جازباي، ءداستۇرلى مال شارۋاشىلىعىنىڭ وسىزامانعى مال شارۋاشىلىعىنا قاراي دامۋ اياق الىسىن تەزدەتىپ، مال شارۋاشىلىعىن ماڭىزدى تىرەكتى كاسىپكە اينالدىرۋ؛ ورتاسى جاراسىمدى اۋىل شارۋاشىلىعى جولىمەن جۇرۋگە تاباندى بولىپ، حيميالىق تىڭايتقىش پەن ەگىس ءدارىسىن تىزگىندەۋ قىزمەتىن ويداعىداي ىستەۋ قاجەت. جاڭ چۇنشيان تاعى مىنانى اتاپ كورسەتتى: اۋىل-قىستاق رەفورماسىن جاپپاي تەرەڭدەتىپ، ءار جاقتىلى قارىم-قاتىناستى ءسوزجوق ويداعىداي ءبىر جايلى ەتىپ، تۇرلىشە جاعدايدى پارىقتاپ رەفورما جاساۋ جوباسىن بەلگىلەپ، ورتالىقتىڭ ورنالاستىرۋىنا ساي، بەلسەندى دە سايكەستى العا ىلگەرىلەۋ كەرەك. اۋىل-قىستاقتىڭ جەردى كوتەرەگە بەرۋ ساياساتىن كەمەلدەندىرىپ، جاڭاشا اۋىل-قىستاق تيجارات جۇيەسىن قالىپتاستىرىپ، اۋىل-قىستاق فينانس رەفورماسىن تەرەڭدەتۋ كەرەك.
ادامدى نەگىز ەتۋدى وزەك ەتىپ، جاڭاشا قالا-قالاشىقتانۋ اياق الىسىن ىلگەرىلەتىپ، قالاعا كەلىپ قونىستانعان ديقانداردىڭ الاڭسىز تىرشىلىك ەتۋ ماسەلەسىن شىن مانىندە ويداعىداي شەشۋ؛ جاڭاشا اۋىل-قىستاق قۇرىلىسىندا، اۋىل-قىستاق ەرەكشەلىگىن كورنەكتىلەندىرۋ، ەگىس-اتىزى مەن باۋ-باقشانىڭ بەت-بەينەسىن، ۇلتتىق-عۇرىپ ادەتتى ساقتاپ، تاريحي مادەنيەتكە مۇراگەلىك ەتىپ، اۋىل-قىستاق مادەنيەتى مەن كوشپەندى مال شارۋاشىلىعى مادەنيەتىن ساقتاۋعا ءمان بەرۋ؛ قالا مەن اۋىلدى ءبىر تۇلعالاندىرىپ دامىتۋ جۇيەسى مەحانيزىمىن كەمەلدەندىرىپ، الەۋمەتتىك بايلىقتىڭ قالا مەن اۋىلدا ءبىر كەلكى ورنالاسۋ اياق الىسىن ىلگەرىلەتىپ، اۋىل-قىستاقتى حالىق تۇرمىسى قۇرىلىسىنىڭ نەگىزگى ءتۇيىنى ەتۋگە ۇزاق ۋاقىت تاباندى بولىپ، قالا مەن اۋىلدىڭ نەگىزگى الەۋمەتتىك قىزمەت وتەۋ ىستەرىنىڭ ءبىر كەلكى بولۋىن جەدەل ىلگەرىلەتۋ ءتيىس.
جاڭ چۇنشيان مىنانى اتاپ كورسەتتى: قوعامنىڭ ورنىقتىلىعى مەن باياندى تىنشتىعىن ارقاۋ ەتىپ، كورنەكتى ماسەلەنى ءتۇيىن، رەفورما جاساۋ، جاڭالىق جاراتۋدى نەگىز ەتىپ، جۇيەلى رەتتەۋ، زاڭ بويىنشا وڭاۋ يدەياسىن ورناتىپ، ديقانداردىڭ الاڭسىز شارۋاشىلىعىن شالقىتۋىنا، اۋىل-قىستاق قوعامىنىڭ ورنىقتى دا ءتارتىپتى بولۋىنا شىنايى كەپىلدىك ەتۋ كەرەك. اۋىل-قىستاقتا ۇگىت تاربيەسىن كۇشەيتۋگە، اۋىل-قىستاقتىڭ ءدىني ىستەرىن زاڭ بويىنشا باسقارۋعا، اۋىل-قىستاقتىڭ نەگىزگى ساتى پارتيا ۇيىمى قۇرىلىسىنا ءمان بەرىپ، «نەگىزگى ساتى كادرلارىنىڭ جاقسى بولۋ، نەگىزگى ساتى ۇيىمىنىڭ جاقسى ىستەر ىستەۋ» مەحانيزىمىن قۇرۋ جولىن قاراستىرۋ قاجەت.
ءار دارەجەلى پارتكوم اۋىل شارۋاشىلىق، اۋىل-قىستاق قىزمەتىنە جەتەكشىلىك ەتۋدى شىن مانىندە كۇشەيتىپ، مىقتى كادرلار قوسىنىن تاڭداپ، اۋىل شارۋاشىلىعىن باسقارۋدى كۇشەيتىپ، اۋىل شارۋاشىلىعىن مىقتى يگەرىپ، ديقانداردىڭ جاسامپازدىق رۋحىنا قۇرمەت ەتىپ، جۇرەكتىلىكپەن ىستەيتىن، ۇستىنە الاتىن، جاڭالىق جاراتاتىن تاماشا سالت قالىپتاستىرۋ كەرەك.
اۆتونوميالى رايوندىق پارتكومىنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر ءماجىلىستى باسقاردى ءارى ماجىلىستىڭ جانە جاڭ چۇنشيان شۋجيدىڭ ماڭىزدى ءسوزىنىڭ رۋحىن دايەكتى تياناقتاندىرۋ جونىندە ناقتىلى ورنالاستىرۋ جاسادى. ەركىن يمىرباقى، نۇرلان ابىلماجىن ۇلى، چى جۇن، حان يۇڭ، ليۋ لي، حۋاڭ ۋي، شاۋكەت يمين، سۇڭ ايرۇڭ، جۋ حايلۋن، كۇراش ماقسۇت، عانيبات سابكەي ۇلى، لي شۇەجۇن سياقتى كىسىلەر ماجىلىسكە قاتىناستى. اۆتونوميالى رايوندىق حالىق قۇرىلتايىنىڭ، حالىق ۇكىمەتىنىڭ، ساياسي ءماسليحات كەڭەسىنىڭ نەگىزگى باسشىلارى دا ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
