تاۋىق باعىپ تابىس تاپقان جەلەكتى
2017.03.17 16:18
رەفورما جاساپ، ەسىك اشقاننان بەرى ەلىمىزدەگى ءار ۇلت حالقى سان - سالالى شارۋاشىلىقپەن شۇعىلدانىپ، كىرىس كوزىن اشىپ، اۋقاتتانۋعا قاراي ويىستى. وسى قاتاردا ۇلتىمىز ازاماتتارى مەن ازاماتشىلارى دا قوعامنىڭ دامۋ بەتالىسىنا بەيىمدەلىپ، بازارعا ويىسىپ، تەحنيكا يگەرىپ، اۋقاتتانۋدىڭ ارنالى جولىن تاپتى. انە سولاردىڭ ءبىرى شاعانتوعاي اۋدانى جيەك قالاشىعى قاراساي قىستاعىنىڭ تۇرعىنى كۇمسگۇل قالدى قىزى.
2012 - جىلى بارلىق تاۋىنىڭ باۋرايىنان ءۇي قۇستارى باعىمشىلىعىمەن كاسىپ كوزىن اشقان كۇمىسگۇل جايىلىمدا تاۋىق باعادى. تاۋىق باعۋ باسقالار ءۇشىن تاڭعالارلىق ءىس ەمەس سياقتانعانىمەن، الايدا، سارى اتانعا سان مارتە جۇگىن ارتىپ، بارلىق پەن مايلىنى ات تۇياعىمەن توزدىرىپ، مال سوڭىندا جۇرگەن جاندار ءۇشىن تىڭ كاسىپ. مىنە وسى ءبىر تىڭ سالاعا سۇرلەۋ سالىپ، ءۇي قۇستارى باعىمشىلىعىن جەتى جىل بويى جالعاستىرىپ كەلگەن كۇمىسگۇلدىڭ تاباندىلىعى ونى تابىستىڭ تورىنە باستادى.
«كىرىسى مول، شىعىنى تومەن جاقسى كاسىپ بولعان سوڭ تاباندىلىقپەن جالعاستىرىپ كەلەمىن. ءۇي قۇستارى باعىمشىلىق كووپەراتيۆىمىز العاش قۇرىلعان 2012 - جىلدىڭ وزىندە 5 مىڭ تاۋىق باعىپ، 150 مىڭ يۋان تازا كىرىس كىرگىزدىم، قويناۋى قۇت بارلىقتا قۇرت - قۇمىرىسقا، شەگىرتكە سىندى ءتۇرلى جاندىكتەر مەن ءدارى ءشوپ مول بولعاندىقتان تاۋىقتىڭ جەتىلۋى تەز، اۋرۋعا قارسىلىق قۋاتى كۇشتى بولادى. قارامايلى، بۇراتالا، قۇلجا، شاۋەشەك، ءۇرىمجى، شىحىزى سياقتى جەرلەردەن ارنايى ىزدەپ كەلىپ، قالاپ الاتىن قاريدارلارىمىزدىڭ قاتارى مول بولعاندىقتان ساۋدامىز دا كۇسەتتەنىپ كەلەدى» دەيدى كاسىپ اشۋ جاعدايىن تىلگە تيەك ەتكەن كۇمىسگۇل.
جىگەرلى ادام جۇرەكتى كەلەدى. ءار ىسكە جۇرەكتىلىكپەن كىرىسە بىلگەن جاننىڭ توككەن تەرى تەككە كەتپەيدى. «كەڭەسپەن بشكەن تون كەلتە بولمايدى» دەگەندەي، جۇبايى بەكبولات تولەۋباي ۇلىمەن اقىلداسىپ، پىكىر بىرلىگىنە كەلگەن كۇمىسگۇل 2016- جىلى ءبىر ميلليون 200 مىڭ يۋان قارجى قوسىپ، جيەك قالاشعىنان 400 كۆادراتتىق قۇرىلىس سالىپ، «شاعانتوعاي اۋدانى تۇيەباس ەت ونىمدەرىن مانەرلەۋ شەكتى سەرىكتىگىن» قۇرىپ، جۇمىسسىز جۇرگەن اۋىلداستارىنان 35 ادامدى جۇمىسقا ورنالاستىرىپ، «تۇيەباس» ماركالى ءۇي قۇستارى ەت ونىمدەرىن قوراپتاپ بازارعا سالادى. ءۇي قۇستارى باعىمشىلىق كووپەراتيۆىنىڭ كولەمىن كەڭەيتىپ، زاۆود قۇرىپ، سەرىكتىك اشقان كۇمىسگۇل قازىرگى شارۋاشىلىعىنىڭ جاعدايىن بىلايشا جەتكىزدى.
«2016-جىلى بارلىق تاۋىنا 30 مىڭ تاۋىق باعىپ، 300 مىڭ يۋانداي تازا پايدا تاپتىم، بيىل 40 مىڭ تاۋىق، 5 مىڭ قاز باعۋدى، سونىمەن بىرگە جۇمىرتقا ونىمدەرىن بازارعا سالۋدى جوسپارلاپ وتىرمىن. بارلىقتاعى باعىمشىلىق ورنىنان كولەمدى قورا - جاي سالدىردىم. جيەك قالاشىعىنان زاۆودتىڭ قۇرىلعى قۇرىلىستارىن كەمەلدەندىرىپ سالىپ، تاۋىق سويۋ، مانەرلەۋ، قوراپتاۋ، ساقتاۋ جۇمستارىن تەحنيكالىق ولشەم بويىنشا جۇيەگە تۇسىردىك. وتكەن جىلى شينجياڭنىڭ ءبىرقانشا ايماق، اۋدان، قالالارىنا بارىپ تاۋىق باعىمشىلىعى سەرىكتىكتەرىن كوردىم، اۋدان، اۋىل دا كاسىبىمە قولداۋ كورسەتىپ، ءبىرقانشا رەت ەلىمىزدىڭ ىشكى ولكەلەرىنە اپارىپ، ولاردىڭ باعىمشىلىق تەحنيكالارىمەن تانستىردى. بۇل مەنىڭ كاسىپ كولەمىمدى كەڭەيتۋىمە جاقسى نەگىز قالادى. بيىل 1- قاڭتاردان باستاپ ەت ونىمدەرىمىزدەن سىرت، شوشىرە، قولدانبا، قۇرت سياقتى قازاقى ونىمدەردى ءوندىرىپ بازارعا سالدىق.
قازىرگە دەيىن بۇل ونىمدەردىڭ ءار قايسىسىنان ءبىر توننادان ءوندىرىپ، ايماققا قاراستى قالا، اۋداندارعا، ءتىپتى، استانامىز بەيجيڭگە دەيىن ساتىلىم كولەمىن كەڭەيتتىك. وسىعان قوسا، ءبىر رەتتە 200 قوناق تاماقتانا الاتىن كولەمدى اشحانا اشىپ، تورە تاباق تاۋىق ەتى، تاۋىق ەتى سورپاسى، شوشىرە، قولدانبا، قۇرت، سارماي سياقتى ەرەكشە تاماق تۇرلەرى مەن ۇلتتىق ونىمدەرىمىزدى ۇستەلگە شىعارىپ، قاريدارلاردى باۋرادىق. كىرىسمىز دە كۇن سايىن ارتىپ كەلەدى» دەدى.
كۇمىسگۇلدىڭ سەرىكتىگىنە جۇمىسقا ورنالاسقان جاينا قوزىقان قىزى بىلاي دەدى: «كۇمىسگۇل، شىنىندا، ەڭبەكشىل، كاسىبىن كەڭەيتۋ ءۇشىن ۇزدىكسىز قۇلشىنىس جاساپ كەلەدى. ايەل زاتى ءۇشىن بۇل وڭاي شارۋا ەمەس، قازىر ايىنا ءبىر مىڭ 200 يۋان ەڭبەكاقى الامىن، قيىنشىلىعىمىز بولسا كۇمىسگۇل ايتقىزباي - اق كومەكتەسەدى. وعان شىنايى راحىمەتىمدى ايتامىن».
كۇمسگۇل ءوزى اۋقاتتانعاندا قيىنشىلىعى بارلارعا كومەك قولىن سوزۋدى ەشقاشان ەسىنەن شىعارماپتى. وتكەن جىلى اۋدان قالاشىنداعى ورتا تازالىعىن ىستەيتىن 20 نەشە قىزمەتكەردىڭ ءار بىرىنە ەكى تاۋىقتان تەگىن بەرسە، كورشىلەس ءبىر قستاقتاعى سالماقتى ناۋقاسقا شالدىققان حانزۋ تۋىسقاننىڭ وتباسىنا 350، ساربۇلاق قىستاعى مەن قاراساي قستاعىنداعى 37 شارۋانىڭ ءار قايسىسىنا 300 دەن تاۋىق بالاپانىن ساتىپ الىپ بەرىپ، جەمىن دايىنداپ باقتىرىپ، كۇزدە بازار باعاسى بويىنشا ءوزى قايتا ساتىپ الىپ، ولاردىڭ وتباسىنىڭ ازدا بولسا ەكونوميكالىق قيىنشىلىعىن شەشسە، اۋدان قالاشىعىنداعى 12 جەتىم بالاعا بىرنەشە رەت كيىم - كەشەك، ازىق - تۇلىك، وقۋ ماتەريالى تاعى باسقا جاقتان 1500 يۋاندىق قۇنعا يە حال سۇراۋ بۇيىمىن ۇسىنعان.
كۇمىسگۇلدىڭ جالىندى جگەرىنە، بەرىك سەنىمىنە، كاسىپ اشۋداعى باتىلدىعى مەن تاباندىلىعىنا، وزگەرلەرگە كومەكتەسۋدى داڭىق سانايتىن وسكەلەڭ رۋحىنا پارتيا، ۇكىمەت تاراۋلارى وڭ باعاسىن بەرىپ، حالقى قولداۋ كورسەتىپ، اۋدان، اۋىل، ايماق جاعىنان سان رەت «كاسىپ كوزىن اشقان جەلەكتى»، « 8- ناۋرىز قىزىلتۋشى» بولىپ ماراپات تورىنەن كورىنىپ كەلەدى. تاۋلە قۇماش ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
