شي جينپيڭ ۆيەتنامنىڭ زۇڭليى فان ميڭجىڭمەن كەزدەستى

6 - ايدىڭ 26 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جازعى داۆوس تالقى مىنبەسىنە قاتىناسۋ ءۇشىن جۇڭگوعا كەلگەن ۆيەتنامنىڭ زۇڭليى فان ميڭجىڭمەن كەزدەستى.

سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن

شينحۋا اگەنتتىگى، 6 - ايدىڭ 26 - كۇنى، بەيجيڭ (ءتىلشى جىڭ ميڭدا). 6 - ايدىڭ 26 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جازعى داۆوس تالقى مىنبەسىنە قاتىناسۋ ءۇشىن جۇڭگوعا كەلگەن ۆيەتنامنىڭ زۇڭليى فان ميڭجىڭمەن كەزدەستى.

شي جينپيڭ فان ميڭجىڭعا باس شۋجي رۋان فۋجۇڭعا جانە مەملەكەت ءتوراعاسى سۋ لينگە ىقىلاستى سالەمىن جەتكىزۋدى تاپسىردى. شي جينپيڭ مىنالاردى اتاپ كورسەتتى: بىلتىر جىل سوڭىندا ۆيەتنامدا ساپاردا بولعان كەزىمدە باس شۋجي رۋان فۋجۇڭمەن بىرگە ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋدى جاريالاپ، ەكى ەل قارىم - قاتىناسىنىڭ جاڭا كەزەڭگە وتۋىنە جەتەكشىلىك ەتتىك. جارتى جىلدان استام ۋاقىتتان بەرى ەكى پارتيانىڭ، ەكى ەلدىڭ جوعارى جىكتەگىلەرىنىڭ بارىس - كەلىسى جيىلەپ، ءار سالاداعى سەلبەستىگى ءساتتى ىلگەرىلەپ، ەكى ەل حالىقتارىنا ناقتى پايدا جەتكىزدى. قازىر دۇنيە جۇزىندەگى 100 جىلدىق وزگەرىس جەدەل قۇبىلىپ، جۇڭگو مەن ۆيەتنامنىڭ ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋىن ساقتاۋى سوتسياليستىك ءتۇزىمنىڭ ابزالدىعىن ايگىلەدى. ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋ ەكى ەلدىڭ وزدەرىنىڭ وسىزامانداندىرۋ قۇرىلىسىنىڭ قاجەتىنە ۇيلەسەدى، ءوڭىردىڭ بەيبىتشىلىگى مەن ورنىقتىلىعىن قورعاۋعا، دۇنيە ءجۇزى سوتسياليزم ىستەرىنىڭ دامۋىن جەبەۋگە ءتيىمدى. جۇڭگو جاق ۆيەتنام جاقپەن ستراتەگيالىق جەتەكشىلىكتى كۇشەيتىپ، ”التىنى اناعۇرلىم ويداعىداي ورىنداۋ“ جالپى تۇلعالىق نىساناسىن ارقاۋ ەتىپ، ىنتىماقتا، دوستىقتا تاباندى بولىپ، ءوزارا قولداۋدى بەكەمدەپ، ءوزارا ءتيىمدى سەلبەستىكتى تەرەڭدەتىپ، وسىزاماندانۋعا قول ۇستاسا قادام تاستاپ، دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا، گۇلدەنۋىنە اناعۇرلىم زور ۇلەس قوسۋدى قالايدى.

شي جينپيڭ مىنالاردى باسا دارىپتەدى: جۇڭگو رەفورمانى جاپپاي تەرەڭدەتۋدە، جۇڭگو ۇلگىسىندەگى وسىزامانداندىرۋدى ىلگەرىلەتۋدە تاباندى بولادى، بۇل ەكى جاقتىڭ ەكونوميكا - ساۋدا، ۇلاستىرۋ - تۇتاستىرۋ، سيفرلى ەكونوميكا سياقتى سالالارداعى سەلبەستىگىن كەڭەيتۋىنە جاڭا وراي اكەلەدى. ەكى جاق جوعارى جىكتەگىلەردىڭ بارىس - كەلىسىن ساقتاپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى بىرگە ىلگەرىلەتىپ، ەكى ەلدىڭ ۇلاستىرۋ - تۇتاستىرۋ دەڭگەيىن جوعارىلاتىپ، ەكى ەلدىڭ ناقتى سەلبەستىگىنىڭ جوعارى ساپالى دامۋىن ىلگەرىلەتۋى كەرەك. جۇڭگو اناعۇرلىم كوپ جۇڭگو كاسىپورىندارىن ۆيەتنامعا ۇسىنىلىمدى ارتتىرۋعا شابىتتاندىرۋدى قالايدى، ۆيەتنامنىڭ جۇڭگو كاسىپورىندارىنا ءادىل، ادىلەتتى، كەمسىتپەيتىن تيجارات - ساۋدا ورتاسىن ازىرلەۋىن ءۇمىت ەتەدى. ەكى جاق ەكى پارتيانىڭ دوستىق بارىس - كەلىسىنىڭ قىزىل بايلىعىنان ويداعىداي پايدالانىپ، شەكارا ولكەلەردىڭ اۋىس - كۇيىستى كۇشەيتۋىنە قولداۋ كورسەتىپ، اۋىل شارۋاشىلىعى، وقۋ - اعارتۋ، ەمدەۋ سياقتى حالىق تۇرمىسى نىساندارىن ويداعىداي اتقارىپ، حالىق اراسى، جاستار سياقتى اۋىس - كۇيىس تۇعىرىنان ويداعىداي پايدالانىپ، جۇڭگو - ۆيەتنام دوستىعىنىڭ حالىق رايى نەگىزىن بەكەمدەۋى كەرەك. ەكى جاق تەڭىزدەگى ماسەلەلەردى ۇيلەسىمدى ءبىر جاقتى ەتىپ، تەڭىزدەگى بىرگە اشۋدى جەدەل ىلگەرىلەتىپ، ءوڭىردىڭ بەيبىتشىلىگى مەن ورنىقتىلىعىن بىرگە قورعاۋى كەرەك.

فان ميڭجىڭ باس شۋجي رۋان فۋجۇڭنىڭ جانە مەملەكەت ءتوراعاسى سۋ ليننىڭ باس شۋجي شي جينپيڭگە دەگەن ىقىلاستى سالەمىن جەتكىزدى، ول بىلاي دەدى: ۆيەتنام مەن جۇڭگو − ءداستۇرلى تاتۋ كورشى دوس ەلدەر، كوممۋنيستىك پارتيانىڭ باسشىلىعىنداعى سوتسياليستىك مەملەكەتتەر. ۆيەتنام جاق جۇڭگونىڭ باس شۋجي شي جينپيڭنىڭ دانىشپان باسشىلىعىندا جان - جاقتى ۇلى تابىستارعا قول جەتكىزگەنىن شىن جۇرەكتەن قۇتتىقتايدى، جۇڭگونىڭ دۇنيە ءجۇزى ەكونوميكاسىنىڭ ارتۋىندا ساۋلەلەندىرگەن ماڭىزدى قوزعالتقىشتىق جانە ورنىقتىرعىش رولىن بەلسەندى باعالايدى. ۆيەتنام جۇڭگونىڭ دامۋىن، قۇدىرەتتەنۋىن، گۇلدەنۋىن قولدايدى، ەكىنشى 100 جىلدىق كۇرەس نىساناسىن ۋاعىندا جۇزەگە اسىرىپ، دۇنيە ءجۇزىنىڭ بەيبىتشىلىگى مەن دامۋى ءۇشىن اناعۇرلىم ماڭىزدى رول اتقارۋىن قالايدى. ۆيەتنام جاق شي جينپيڭ جاڭا ءداۋىر جۇڭگوشا سوتسياليزم يدەياسى ايگىلەگەن تاريحي كوز ايانى، دۇنيە جۇزىلىك كوز ايانى جانە اسقاق ۇلى كۇشتى ايرىقشا القايدى، ءتوراعا شي جينپيڭ العا قويعان جەلىلەس دۇنيە جۇزىلىك باستامالاردى قولدايدى، جۇڭگونىڭ «جالپى بەتتىك جانە العا باسقان تىنىق مۇحيت اتتاعان سەرىكتەستىك قارىم - قاتىناس كەلىسىمىنە» قاتىناسۋىن قولدايدى، ەكونوميكا – ساۋدا، عىلىم - تەحنيكا ماسەلەسىن ساياسيلاندىرۋعا قارسى تۇرادى. ۆيەتنام جاق جۇڭگونىڭ پارتيانى باسقارۋ، مەملەكەتتى باسقارۋ جاڭا نازارياسىنان، جاڭا امالياتىنان، جاڭا جەتىستىكتەرىنەن ۇيرەنىپ جانە ۇلگى الىپ، جۇڭگو جاقپەن بىرگە سوتسياليزم جولىمەن جۇرۋدە تاباندى بولىپ، بىرگە دامۋدى جۇزەگە اسىرۋدى ءۇمىت ەتەدى. جۇڭگو پارتياسى مەن ۇكىمەتىنىڭ ۆيەتنامنىڭ ۇلت تاۋەلسىزدىگى مەن مەملەكەتتىڭ دامۋىن جۇزەگە اسىرۋىنا قاستەرلى كومەك كورسەتكەنىنە العىس ايتامىز. ۆيەتنام جاق جۇڭگو جاقتىڭ تايۋان ماسەلەسىندەگى مايدانىن قولدايدى، ءبىر جۇڭگو پرينسيبىندە تاباندى بولادى، ۆيەتنام مەن جۇڭگونىڭ ستراتەگيالىق ءوزارا سەنىمى مەن ناقتى سەلبەستىگىن تەرەڭدەتىپ، ستراتەگيالىق مانگە يە تاعدىرلاس ورتاق تۇلعانى قۇرۋدى ۆيەتنامنىڭ سىرتقى ساياساتىندا ماڭداي الدى ورىنعا قويادى جانە ستراتەگيالىق تالعامى ەتەدى، سىرتقى دۇنيەنىڭ اراعا ىرىتكى سالۋىنا جانە كەدەرگىسىنە ۇشىرامايدى. باس شۋجي، مەملەكەت ءتوراعاسى شي جينپيڭنىڭ بىلتىر ۆيەتنامدا ءساتتى مەملەكەتتىك ساپاردا بولۋى ۆيەتنام - جۇڭگو قارىم - قاتىناسىن تاريحي بەلەسكە كوتەردى. ۆيەتنام جاق جۇڭگو جاقپەن بىرگە وسى كەزەكتى ساپاردىڭ ماڭىزدى ناتيجەلەرىن زەيىن قويا تياناقتاندىرىپ، ”التىنى اناعۇرلىم ويداعىداي ورىنداۋ“ جالپى جوسپارى بويىنشا، ساياسي جاقتا ءوزارا سەنىمدى ۇزدىكسىز كۇشەيتىپ، ناقتى سەلبەستىكتى تەرەڭدەتىپ، جاستاردى اۋىس – كۇيىس جاساۋعا شابىتتاندىرىپ، حالىق رايى نەگىزىن بەكەمدەپ، كوپ جاق سەلبەستىگىن كۇشەيتىپ، الاۋىزدىقتى ۇيلەسىمدى ءبىر جاقتى ەتىپ، ستراتەگيالىق مانگە يە ۆيەتنام - جۇڭگو تاعدىرلاس ورتاق تۇلعاسىن شىنايى ىلگەرىلەتۋدى قالايدى.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى