شي جينپيڭ قازاقستاننىڭ زۇڭتۇڭى توقايەۆپەن بىرگە بەينەەكران تاسىلىمەن جۇڭگو مەن ەۆروپانىڭ كاسپي تەڭىزىن اتتاعان توتە جەدەل تاسىمالىنىڭ اشىلۋ سالتىنا قاتىناستى

سول جەر ۋاقىتى 7 - ايدىڭ 3 - كۇنى تۇستە مەملەكەت ءتوراعاسى شي جينپيڭ قازاقستاننىڭ زۇڭتۇڭى توقايەۆپەن بىرگە استاناداعى زۇڭتۇڭ سارايىندا بەينە ەكران تاسىلىمەن جۇڭگو مەن ەۆروپانىڭ كاسپي تەڭىزىن اتتاعان توتە جەدەل تاسىمالىنىڭ اشىلۋ سالتىنا قاتىناستى (بىرىكتىرىلگەن سۋرەت). سۋرەتتى شينحۋا اگەنتتىگىنىڭ تىلشىلەرى يىن بوگۋ، جاي جيانلان تۇسىرگەن

«حالىق گازەتى»، 7 - ايدىڭ 3 – كۇنى، استانا (تىلشىلەر جاڭ پىڭحۇي، ليۋ شاۋحۋا). سول جەر ۋاقىتى 7 - ايدىڭ 3 - كۇنى تۇستە مەملەكەت ءتوراعاسى شي جينپيڭ قازاقستاننىڭ زۇڭتۇڭى توقايەۆپەن بىرگە استاناداعى زۇڭتۇڭ سارايىندا بەينە ەكران تاسىلىمەن جۇڭگو مەن ەۆروپانىڭ كاسپي تەڭىزىن اتتاعان توتە جەدەل تاسىمالىنىڭ اشىلۋ سالتىنا قاتىناستى.

شي جينپيڭ مەن توقايەۆ جۇڭگو مەن ەۆروپانىڭ كاسپي تەڭىزىنەن تىكە وتەتىن جەدەل تاسىمال نىسانىنىڭ كەسكىنىن كوردى. قازاقستان جاقتىڭ نىسان جاۋاپتىسى ەكى ەلدىڭ مەملەكەت باسشىلارىنا دايىندىق جاعدايىنان مالىمەت بەردى، جۇڭگو جاقتىڭ نىسان جاۋاپتىسى ەكى ەلدىڭ مەملەكەت باسشىلارىن بۇيرىق تۇسىرۋگە ۇسىنىس ەتتى.

ەكى ەلدىڭ مەملەكەت باسشىلارى: ”تاسىمال باستالسىن!“ دەپ بىرگە بۇيرىق ءتۇسىردى.

ەكى ەلدىڭ مەملەكەت باسشىلارى ۇلكەن ەكران ارقىلى اۆتوكولىكتەردىڭ كەمەگە شىعۋى، تيەۋىش قوراپتىڭ كەمەگە تيەلۋى سياقتى ناقتى جاعدايدى كوردى. ناق مايداندا دۋ قول شاپالاق ءۇنى كوتەرىلدى.

بۇل − جۇڭگو جاق اۆتوكولىكتەرىنىڭ تۇڭعىش رەت تاس جول ارقىلى تىكە تاسىمال تاسىلىمەن كاسپي تەڭىزى جاعالاۋىنداعى پورتقا جەتكىزىلۋى، ال جۇڭگودان جولعا شىعىپ، كاسپي تەڭىزىنەن اتتاعان جۇڭگو - ەۆروپا كەزەكشى پويەزى 2 جىل ورنىقتى جۇمىس جۇرگىزدى، بۇل تاس جول، تەمىر جول، اۆياتسيا، قۇبىر تاسىمالى ءبىر تۇلعالانعان كوپ نەگىزدى، ستەرەولدى ۇلاستىرۋ - تۇتاستىرۋ جۇيەسىنىڭ رەسمي قۇرىلعانىن كورسەتەدى.

ساي چي، ۋاڭ ي قاتارلىلار قاتىناستى.

كەلۋ قاينارى: حالىق تورابى