شي جينپيڭ وزبەكستاننىڭ زۇڭتۇڭى ميرزيويەۆپەن كەزدەستى

سول جەر ۋاقىتى 7 - ايدىڭ 3 - كۇنى تۇستەن كەيىن مەملەكەت ءتوراعاسى شي جينپيڭ استانادا شاڭحاي سەلبەستىك ۇيىمىنىڭ باسشىلار ماجىلىسىنە قاتىناسۋدان بۇرىن وزبەكستاننىڭ زۇڭتۇڭى ميرزيويەۆپەن كەزدەستى. سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن

«حالىق گازەتى»، 7 - ايدىڭ 3 – كۇنى، استانا (تىلشىلەر لي چياڭ، يۇي ي – چۇن). سول جەر ۋاقىتى 7 - ايدىڭ 3 - كۇنى تۇستەن كەيىن مەملەكەت ءتوراعاسى شي جينپيڭ استانادا شاڭحاي سەلبەستىك ۇيىمىنىڭ باسشىلار ماجىلىسىنە قاتىناسۋدان بۇرىن وزبەكستاننىڭ زۇڭتۇڭى ميرزيويەۆپەن كەزدەستى.

شي جينپيڭ بىلاي دەپ اتاپ كورسەتتى: بيىل 1 - ايدا ءسىز جۇڭگودا ءساتتى مەملەكەتتىك ساپاردا بولدىڭىز، ءبىز ءبىر اۋىزدان جۇڭگو - وزبەكستان قارىم - قاتىناسىن جاڭا داۋىردەگى بارلىق جاعدايدا بىردەي جان - جاقتى ستراتەگيالىق سەرىكتەستىك قارىم - قاتىناس دەڭگەيىنە كوتەرۋدى، اناعۇرلىم جوعارى باستامادا جۇڭگو - وزبەكستان تاعدىرلاس ورتاق تۇلعاسىن قۇرۋدى ۇيعاردىق، ەكى ەل قارىم - قاتىناسىنىڭ دامۋى جاڭا كەزەڭگە ءوتتى. بيىل − جۇڭحۋا حالىق رەسپۋبليكاسى قۇرىلعانىنىڭ 75 جىلدىعى. جۇڭگو جۇڭگو ۇلگىسىندەگى وسىزامانداندىرۋدى جەدەل ىلگەرىلەتۋدە، وزبەكستان دا ”وزبەكستان − 2030“ ستراتەگياسىن جاپپاي ىلگەرىلەتۋدە. ءبىزدىڭ نىسانامىز وتە ايبىندى ءارى وتە قاراپايىم، اتاپ ايتقاندا، حالىقتى ءتىپتى دە جاقسى تۇرمىسقا كەنەلتۋ. جۇڭگو جاق وزبەكستان جاقپەن بىرگە مەملەكەتتىڭ تاعدىرىن، حالىقتىڭ ىرىس – قۇتىن كوكەيدە ساقتاپ، جۇڭگو - وزبەكستان قارىم - قاتىناسىنىڭ جوعارى ساپالى دامۋىن ىلگەرىلەتۋدى قالايدى.

شي جينپيڭ بىلاي دەپ باسا دارىپتەدى: جۇڭگو جاق وزبەكستاننىڭ مەملەكەتتىڭ تاۋەلسىزدىگىن، يەلىك ۇقىعىن، حاۋىپسىزدىگىن قورعاۋىن باتىل قولدايدى، وزبەكستان جاق سەنىم ارتا الاتىن دوس جانە سەرىك. ەكى جاق ”ءبىر بەلدەۋ، ءبىر جولدى“ بىرگە قۇرۋ سەلبەستىگىن ىشكەرىلەي ىلگەرىلەتىپ، ەكونوميكا - ساۋدا جانە قارجى قوسۋدىڭ ورتا، ۇزاق مەزگىلدىك سەلبەستىك جوباسىن ويداعىداي تياناقتاندىرىپ، جۇڭگو - قىرعىزستان - وزبەكستان تەمىر جول قۇرىلىسى، سونداي - اق فوتوۆولتتىق ەلەكتر، جاڭا ەنەرگيالى اۆتوكولىك سياقتى سالالارداعى سەلبەستىكتى جەدەلدەتىپ، كەدەيلىكتى ازايتۋ، قوعامدىق باسقارۋ سياقتى سەلبەستىكتى ۇزدىكسىز كۇشەيتۋى كەرەك. جۇڭگو جاق ەكى ەلدىڭ جەرگىلىكتى ورىن، ساياحات، وقۋ - اعارتۋ سياقتى سالالارداعى اۋىس - كۇيىسىن كەڭەيتۋدى قولدايدى، وزبەكستاننىڭ نەگىزگى قوناق ەل رەتىندە 7 - كەزەكتى جۇڭگو حالىقارالىق يمپورت كورمەسىنە قاتىناسۋىن قارسى الادى. جۇڭگو جاق وزبەكستان جاقپەن بىرگە جۇڭگو - ورتا ازيا شي - ان باسشىلار ءماجىلىسىنىڭ جەتىستىكتەرىن جەدەل تياناقتاندىرىپ، سايكەسۋدى، سەلبەسۋدى كۇشەيتىپ، شاڭحاي سەلبەستىك ۇيىمىنىڭ باستان - اياق ءار جاقتىڭ ورتاق مۇددەسىنە ۇيلەسەتىن باعىتقا قاراي دامۋىنا كەپىلدىك ەتۋدى قالايدى.

ميرزيويەۆ مىنالاردى ءبىلدىردى: بيىل 1 - ايدا ءبىز بەيجيڭدە ەكى ەل قارىم - قاتىناسىن جاڭا داۋىردەگى بارلىق جاعدايدا بىردەي جان - جاقتى ستراتەگيالىق سەرىكتەستىك قارىم - قاتىناس دەڭگەيىنە كوتەرۋدى بىرگە جاريالاپ، وزبەكستان - جۇڭگو قارىم - قاتىناسىنىڭ جاڭا ءداۋىرىن اشتىق. ءتوراعا شي جينپيڭنىڭ دانىشپان باسشىلىعىندا، جۇڭگو ءتۇرلى حاۋىپ - قاتەر مەن سىن - سايىسقا ءساتتى توتەپ بەرىپ، ەكونوميكا، عىلىم - تەحنيكا سياقتى سالالاردا دۇنيە ءجۇزى بويىنشا وزىق تابىستارعا قول جەتكىزدى، وزبەكستان جاق قۇتتىقتايتىنىن بىلدىرەدى ءارى جۇڭگو كوممۋنيستىك پارتياسى 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ تابىستى بولۋىنا تىلەكتەستىك بىلدىرەدى. وزبەكستان جاق ءبىر جۇڭگو پرينسيبىن باتىل ۇستانادى، ”ءۇش ءتۇرلى كۇشكە“ باتىل سوققى بەرەدى، جۇڭگو جاقپەن بىرگە ءوزارا سەنىمدى دوس جانە سەرىك بولىپ، ۇزدىكسىز ءوزارا قۇرمەت ەتىپ، ءوزارا ءتۇسىنىپ، ءوزارا قولداۋ كورسەتىپ، ءار سالاداعى ناقتى سەلبەستىكتە اناعۇرلىم مول تابىستارعا قول جەتكىزۋدى ىلگەرىلەتۋدى قالايدى. وزبەكستان جاق جۇڭگو جاقپەن جۇڭگو - ورتا ازيا مەحانيزمى، شاڭحاي سەلبەستىك ۇيىمى سياقتى كوپ جاقتى جۇلگەدەگى سايكەسۋدى، سەلبەسۋدى جيىلەتىپ، ءتوراعا شي جينپيڭ العا قويعان دۇنيە جۇزىلىك دامۋ باستاماسىنىڭ، دۇنيە جۇزىلىك حاۋىپسىزدىك باستاماسىنىڭ، دۇنيە جۇزىلىك وركەنيەت باستاماسىنىڭ تياناقتانۋىن ىلگەرىلەتۋدى قالايدى.

ساي چي، ۋاڭ ي قاتارلىلار كەزدەسۋدە بىرگە بولدى.

كەلۋ قاينارى: حالىق تورابى