شي جينپيڭ ەۆروپا القالار كەڭەسىنىڭ ءتوراعالىعىنا سايلانعان كوستاعا قۇتتىقتاۋ تەلەگرامماسىن جولدادى

شينحۋا اگەنتتىگى، 7 - ايدىڭ 4 – كۇنى، بەيجيڭ. 7 - ايدىڭ 4 - كۇنى مەملەكەت ءتوراعاسى شي جينپيڭ انتونيو كوستاعا تەلەگرامما جولداپ، ونىڭ ەۆروپا القالار كەڭەسىنىڭ جاڭا كەزەكتى ءتوراعالىعىنا سايلانعانىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو جاق باستان - اياق ەۆروپانى كوپ ۇيەكتى جۇيەنىڭ ماڭىزدى ءبىر ۇيەگى دەپ قاراپ، ەۆروپا وداعىنىڭ حالىقارالىق ىستەردەگى ماڭىزدى رولىنا ايرىقشا ءمان بەرىپ، جۇڭگو مەن ەۆروپانىڭ جان - جاقتى ستراتەگيالىق سەرىكتەستىك قارىم - قاتىناسىن دامىتۋعا كۇش سالىپ كەلەدى. مەن جۇڭگو - ەۆروپا قارىم - قاتىناسىنىڭ دامۋىنا ايرىقشا ءمان بەرەمىن، ءتوراعا مىرزامەن بىرگە قۇلشىنىپ، جۇڭگو مەن ەۆروپانىڭ سەرىكتەستىك ورنىندا تاباندى بولۋىن ىلگەرىلەتىپ، ستراتەگيالىق بايلانىستى تەرەڭدەتىپ، ءوزارا ءتۇسىنىسۋدى جانە ساياسي ءوزارا سەنىمدىلىكتى ارتتىرىپ، كەڭ كولەمدى ورتاق تانىم ۇيىستىرىپ، ءار سالاداعى اۋىس - كۇيىستى، سەلبەستىكتى كەڭەيتىپ، جۇڭگو - ەۆروپا قارىم - قاتىناسىنىڭ اقاۋسىز، ورنىقتى دامۋىن جۇزەگە اسىرىپ، دۇنيە ءجۇزىنىڭ بەيبىتشىلىگى مەن دامۋىنا تىڭ ۇلەس قوسۋدى قالايمىن.

سول كۇنى مەملەكەتتىك كەڭەستىڭ زۇڭليى لي چياڭ كوستاعا قۇتتىقتاۋ تەلەگرامماسىن جولدادى.

كەلۋ قاينارى: حالىق تورابى