شي جينپيڭ تۇركيانىڭ پرەزيدەنتى ەردوعانمەن كەزدەستى

سول جەر ۋاقىتى 7 - ايدىڭ 4 - كۇنى تۇستەن كەيىن مەملەكەت ءتوراعاسى شي جينپيڭ استانادا شاڭحاي سەلبەستىك ۇيىمىنىڭ باسشىلار ماجىلىسىنە قاتىناسۋ كەزىندە تۇركيانىڭ زۇڭتۇڭى ەردوعانمەن كەزدەستى. سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن

«حالىق گازەتى»، 7 - ايدىڭ 4 – كۇنى، استانا (تىلشىلەر ۋاڭ زى، ۋاڭ جوۋ). سول جەر ۋاقىتى 7 - ايدىڭ 4 - كۇنى تۇستەن كەيىن مەملەكەت ءتوراعاسى شي جينپيڭ استانادا شاڭحاي سەلبەستىك ۇيىمىنىڭ باسشىلار ماجىلىسىنە قاتىناسۋ كەزىندە تۇركيانىڭ زۇڭتۇڭى ەردوعانمەن كەزدەستى.

شي جينپيڭ مىنالاردى اتاپ كورسەتتى: جۇڭگو - تۇركيا قارىم - قاتىناسى ورنىقتى دامۋ جاعدايىن ساقتادى. جۇڭگو مەن تۇركيا − وركەندەپ كەلە جاتقان ءىرى ەلدەر، ”دۇنيە ءجۇزىنىڭ وڭتۇستىگىندەگىلەردىڭ“ مۇشەسى، ءوز ەلدەرىنىڭ دامۋىنا، گۇلدەنۋىنە تالپىنۋ، حالىقارالىق قارىم - قاتىناستى قورعاۋ ولشەمى سياقتى جاقتاردا كەڭ كولەمدى ورتاق تانىمعا يە. ەكى جاق وزەكتى مۇددەنى قورعاپ، ساياسي سەنىمدىلىكتى ۇزدىكسىز بەكەمدەپ، جوعارى دەڭگەيدەگى ءوزارا ءتيىمدى سەلبەستىكتى ىلگەرىلەتىپ، جۇڭگو مەن تۇركيانىڭ ستراتەگيالىق سەلبەستىك قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋى كەرەك.

شي جينپيڭ بىلاي دەپ باسا دارىپتەدى: جۇڭگو جاق تۇركيانىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى، ەكى جاقتى ساۋدانى كەڭەيتۋگە شابىتتاندىرادى، جۇڭگو كاسىپورىندارىنىڭ تۇركياعا قارجى قوسۋدى ارتتىرۋىن قولدايدى، نەگىزدىك قۇرىلعى نىساندارى سەلبەستىگىن ءتارتىپتى ىلگەرىلەتەدى، ءتىپتى دە كوپ جۇڭگو ازاماتتارىن تۇركياعا بارىپ ساياحاتتاۋعا شابىتتاندىرادى. جۇڭگو مەن تۇركيا پالەستينا - يزرايل قاقتىعىسى، ۋكراينا داعدارىسى سياقتى ماسەلەلەردە كوپتەگەن ۇقساس نەمەسە جاقىن كوزقاراستارعا يە، پىكىرلەسۋدى قويۋلاتۋ كەرەك. جۇڭگو جاق تۇركيا جاقپەن بىرلەسكەن مەملەكەتتەر ۇيىمى، 20 ەل توبى سياقتى كوپ جاقتى جۇلگەدە سايكەسۋدى كۇشەيتۋدى قالايدى.

ەردوعان مىنارلاردى ءبىلدىردى: تۇركيا جاق جۇڭگومەن بايلانىستى دامىتۋعا باسا ءمان بەرەدى، ەكى مەملەكەتتىڭ ءارقايسى سالالارداعى ءوزارا مۇددە جەتكىزۋ سەلبەستىگىن ىلگەرىلەتۋگە باتىل كۇش شىعارادى، ءبىر جۇڭگو پرينسيبىندە بەرىك تۇرادى، جۇڭگونىڭ يەلىگىن ۇقىعىنا جانە تەرريتوريا تۇتاستىعىنا قۇرمەت ەتەدى. جۇڭگو − تۇركيانىڭ دۇنيە ءجۇزى مەن ازياداعى ەڭ ماڭىزدى ەكونوميكا - ساۋدا سەلبەستىك سەرىگى. تۇركيا اناعۇرلىم كوپ جۇڭگو كاسىپورىندارىنىڭ تۇركياعا بارىپ قارجى قوسۋىن قارسى الادى، اناعۇرلىم كوپ جۇڭگولىق ساياحاتشىنىڭ تۇركياعا بارىپ ساياحاتتاۋىن قارسى الادى، ەكى جاقتىڭ ”ءبىر بەلدەۋ، ءبىر جولدى“ بىرگە قۇرۋدىڭ تۇركيانىڭ دامۋ ستراتەگياسىمەن ۇشتاسۋىن اناعۇرلىم كۇشەيتىپ، ەكونوميكا - ساۋدا، نەگىزدىك قۇرىلعى، تازا ەنەرگيا سياقتى سالالارداعى سەلبەستىكتى كەڭەيتۋىن ءۇمىت ەتەدى. تۇركيا جاق جۇڭگو جاقتىڭ دۇنيە ءجۇزىنىڭ بەيبىتشىلىگىن جەبەۋگە ماڭىزدى ۇلەس قوسقانىن، جۇيەدەن پالەستينا ماسەلەسىندە ءادىل، تۋراشىل تۇرعى ۇستانعانىن القايدى، جۇڭگو جاقپەن كوپ جاقتى بايلانىستى، سەلبەستىكتى كۇشەيتۋدى ءۇمىت ەتەدى.

ساي چي، ۋاڭ ي قاتارلىلار كەزدەسۋدە بىرگە بولدى.

كەلۋ قاينارى: حالىق تورابى