شي جينپيڭ بەلورۋسسيانىڭ زۇڭتۇڭى لۋكاشەنكومەن كەزدەستى

سول جەر ۋاقىتى 7 - ايدىڭ 4 - كۇنى تۇستەن كەيىن مەملەكەت ءتوراعاسى شي جينپيڭ استانادا شاڭحاي سەلبەستىك ۇيىمىنىڭ باسشىلار ماجىلىسىنە قاتىناسۋ كەزىندە بەلورۋسسيانىڭ زۇڭتۇڭى لۋكاشەنكومەن كەزدەستى. سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن

«حالىق گازەتى»، 7 - ايدىڭ 4 – كۇنى، استانا (تىلشىلەر ليۋ شاۋحۋا، جاڭ پىڭحۇي). سول جەر ۋاقىتى 7 - ايدىڭ 4 - كۇنى تۇستەن كەيىن مەملەكەت ءتوراعاسى شي جينپيڭ استانادا شاڭحاي سەلبەستىك ۇيىمىنىڭ باسشىلار ماجىلىسىنە قاتىناسۋ كەزىندە بەلورۋسسيانىڭ زۇڭتۇڭى لۋكاشەنكومەن كەزدەستى.

شي جينپيڭ بەلورۋسسيانىڭ شاڭحاي سەلبەستىك ۇيىمىنىڭ رەسمي مۇشەسى بولعانىن قۇتتىقتادى. شي جينپيڭ مىنالاردى اتاپ كورسەتتى: 2023 - جىلى زۇڭتۇڭ مىرزا جۇڭگودا ەكى رەت ساپاردا بولدى، ءبىز جۇڭگو مەن بەلورۋسسيانىڭ جالپى بەتتىك ستراتەگيالىق سەرىكتەستىك قارىم - قاتىناسىن دامىتۋدىڭ جاڭا جوباسىن بىرگە جاسادىق. بيىل جىل باسىنان بەرى ەكى ەلدىڭ ءار جىكتەگىلەرى تىعىز بارىس - كەلىس جاساپ، ءبىزدىڭ كەلىسكەن ورتاق تانىمىمىز ءونىمدى تياناقتاندى. ەكى جاقتىڭ بىرگە قۇلشىنۋىندا جۇڭگو، بەلورۋسسيا ەكى ەل قارىم - قاتىناسىنىڭ اقاۋسىز، زور قاداممەن ىلگەرلەيتىنىنە سەنەمىن.

لۋكاشەنكو مىنالاردى ءبىلدىردى: جۇڭگو جاقتىڭ بەلورۋسسيانىڭ شاڭحاي سەلبەستىك ۇيىمىنا رەسمي مۇشە بولۋىن قولداعانىنا العىس ايتامىن، جۇڭگونىڭ شاڭحاي سەلبەستىك ۇيىمىنا كەزەكتى ءتوراعا ەل مىندەتىن وتكىزىپ العانىن قۇتتىقتايمىن. جۇڭگو حالىق ازاتتىق ارمياسى قۇرمەت قاراۋىلىنىڭ كەشەگى بەلورۋسسياداعى ءنومىرى قىزۋ قارسى الىندى، بۇل − بەلورۋسسيا مەن جۇڭگو دوستىعىنىڭ تاعى ءبىر رەت ايگىلەنۋى. بەلورۋسسيا جاق ءتوراعا شي جينپيڭ العا قويعان دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن قولدايدى، جۇڭگو مەن برازيليا بىرگە العا قويعان ۋكراينا داعدارىسىن ساياسي جولمەن شەشۋ جونىندەگى 6 ءتۇرلى ورتاق تانىمدى قولدايدى. بەلورۋسسيا مەن جۇڭگونىڭ كوپ جاقتى سەلبەستىگىن اناعۇرلىم نىعايتۋدى ءۇمىت ەتەمىن.

ساي چي، ۋاڭ ي قاتارلىلار كەزدەسۋدە بىرگە بولدى.

كەلۋ قاينارى: حالىق تورابى