از ۇلتتاردىڭ مەملەكەتتىك 12 – كەزەكتى ءداستۇرلى دەنە تاربيە سپورت جينالىسىنىڭ ات ۇستىندەگى سپورت تۇرلەرى شينجياڭنىڭ موڭعۇلكۇرە اۋدانىندا باستالدى 

جۇمىسشىلار جۋرنالىنىڭ ءتىلشىسى جوۋ زىيۋان حابارلايدى. 7 – ايدىڭ 8 – كۇنى تۇستەن بۇرىن، از ۇلتتاردىڭ مەملەكەتتىك 12 – كەزەكتى ءداستۇرلى دەنە تاربيە سپورت جينالىسىنىڭ ات ۇستىندەگى سپورت تۇرلەرى شينجياڭ ۇيعۇر اۆتونوميالى رايونى ىلە قازاق اۆتونوميالى وبلىسى موڭعۇلكۇرە اۋدانىندا باستالدى. باستالۋ سالتىندا ”انار گۇلى قۇلپىرا اشىلىپ، جاڭا داۋىردە ارمانعا ۇمتىلدى“ دەگەن تاقىرىپتاعى كوركەمونەر ويىندارى قويىلدى، ”باقىت ءانى“، ”جىبەك جولىنداعى اۋەن“، ”ارمانعا تالپىنىپ ءان شىرقاۋ“ اتتى نومىرلەردە از ۇلتتاردىڭ ارالاسۋ، ىشتەسۋ، توعىسۋ تاريحى قايتالاي ايقىندالىپ، جۇڭحۋا ۇلتىنىڭ ىنتىماقتاسا العا ىلگەرىلەپ، تاماشا مەكەندى بىرگە كوركەيتكەن داۋىرلىك كورىنىسىن ايگىلەدى. تۇلپارلار قۇيعىتىپ، ونەرپازدار ءان شىرقاپ، ءبي بيلەدى، كەڭ – بايتاق ساحارا مەن اسقار تيانشان توعىسىپ، كورىكتى كورىنىس قالىپتاستى.

تانىستىرۋعا قاراعاندا، از ۇلتتاردىڭ مەملەكەتتىك 12 – كەزەكتى ءداستۇرلى دەنە تاربيە سپورت جينالىسى بيىل 11 – ايدا حاينان ولكەسىنىڭ سانيا قالاسىندا وتكىزىلەدى، مۇندا، ات ۇستىندەگى سپورت تۇرلەرى 7 – ايدا شينجياڭداعى موڭعۇلكۇرە اۋدانىندا وتكىزىلەدى. وسى رەتكى ات ۇستىندەگى سپورت تۇرلەرى بويىنشا وتكىزىلگەن جارىس 7 – ايدىڭ 13 – كۇنى اياقتايدى، جەكە – جەكە باسەكەلىك سپورت تۇرلەرى مەن ويىن قويۋ سيپاتىنداعى سپورت تۇرلەرى سىندى ەكى ۇلكەن ءتۇردى قامتيدى. باسەكەلىك سپورت تۇرلەرى ۇلتتىق ات بايگە، ات ۇستىندە ساداق اتۋ، ات ۇستىندە قادا ءىلۋ، جەكەلىك ەكى ءتۇر بويىنشا كوپ سالالى 4 ءتۇر بولىپ بولىنەدى، ويىن قويۋ سيپاتىنداعى سپورت تۇرلەرى باسەكەلىك تۇرلەر، تەحنيكالىق تۇرلەر، ۋنيۆەرسال تۇرلەر سىندى 3 توپقا بولىنەدى. 12 ۋاكىلدەر كومانداسىنداعى جيىنى 229 سپورتشى 276 اتپەن، 16 تۇيەمەن جارىسقا قاتىناسادى، وسى كەزەكتى جارىس اتالعان جارىستىڭ تاريحىنداعى ەڭ كوپ سپورتشى قاتىناسقان جارىس سانالادى.

كەلۋ قاينارى: حالىق تورابى