ورتالىق اسكەري ىستەر كوميتەتى شاڭجياڭ اسكەري شەنىنە ءوسىرۋ سالتىن وتكىزدى

ورتالىق اسكەري ىستەر كوميتەتىنىڭ شاڭجياڭ اسكەري شەنىنە ءوسىرۋ سالتى 7 -ايدىڭ 9 – كۇنى بەيجيڭدەگى ”1 – تامىز“ عيماراتىندا وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭجياڭ اسكەري شەنىنە وسىرىلگەن ورتالىق اسكەري ىستەر كوميتەتى ساياسي قىزمەت ءبولىمىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى حى حۇڭجۇنگە بۇيرىق كۋالىگىن تاراتتى.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

شينحۋا اگەنتتىگى، 7 ـ ايدىڭ 9 ـ كۇنى، بەيجيڭ (ءتىلشى مەي چاڭۋەي). ورتالىق اسكەري ىستەر كوميتەتىنىڭ شاڭجياڭ اسكەري شەنىنە ءوسىرۋ سالتى 7 ـ ايدىڭ 9 ـ كۇنى بەيجيڭدەگى 1 ـ تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري شەن ءوسىرۋ سالتىنا قاتىناستى.

تۇستەن كەيىن ساعات 4 مولشەرىندە شەن ءوسىرۋ سالتى ايبىندى جۇڭحۋا حالىق رەسپۋبليكاسىنىڭ مەملەكەت انىمەن باستالدى. ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا ورتالىق اسكەري ىستەر كوميتەتىنىڭ ءتوراعاسى شي جينپيڭ قول قويعان شاڭجياڭ اسكەري شەنىنە ءوسىرۋ بۇيرىعىن وقىدى. ورتالىق اسكەري ىستەر كوميتەتى ءتوراعاسىنىڭ ورىنباسارى حى ۋەيدۇڭ اسكەري شەن ءوسىرۋ سالتىن باسقاردى.

شي جينپيڭ شاڭجياڭ اسكەري شەنىنە وسىرىلگەن ورتالىق اسكەري ىستەر كوميتەتى ساياسي قىزمەت ءبولىمىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى حى حۇڭجۇنگە بۇيرىق كۋالىگىن بەرىپ، قۇتتىقتادى. شاڭجياڭ اسكەري شەنى يىق بەلگىسىن تاققان حى حۇڭجۇن شي جينپيڭگە قۇرمەت ءبىلدىردى، سالتقا قاتىناسقان بارلىق جولداسقا قۇرمەت ءبىلدىردى، بۇكىل زالدان قىزۋ شاپالاق ءۇنى كوتەرىلدى.

شەن ءوسىرۋ سالتى اسقاق جۇڭگو حالىق ازاتتىق ارمياسىنىڭ مارشى ءۇنى ىشىندە اياقتادى.

ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين، اسكەري ىستەر كوميتەتى ورگانىنىڭ ءارقايسى تاراۋلارىنداعى، ارميانىڭ بەيجيڭدە تۇراتىن قاتىستى ورىندارىنداعى نەگىزگى جاۋاپتى جولداستار قاتارلىلار شەن ءوسىرۋ سالتىنا قاتىناستى.

كەلۋ قاينارى: حالىق تورابى