قۇرلىق ارمياسى بەلگىلى لۇيى 1 ـ يىڭى 2 ـ ليانىنە داڭقتى اتاق بەردى

شينحۋا اگەنتتىگى، 7 ـ ايدىڭ 9 ـ كۇنى، بەيجيڭ. ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا بۇيرىققا قول قويىپ، قۇرلىق ارمياسى بەلگىلى لۇيى 1 ـ يىڭى 2 ـ ليانىنە ”ۇلگىلى زىمىران زەڭبىرەكشىلەر ليانى“ داڭقتى اتاعىن بەردى.

بۇل ليان 1937 - جىلى قۇرىلىپ، تاشان توسقاۋىل شايقاسى، جينچىڭ شايقاسى، جينمىندى زەڭبىرەكپەن اتقىلاۋ سياقتى شايقاستارعا قاتىناسقان. تاياۋ جىلداردان بەرى وسى ليان شي جينپيڭ ارميانى قۇدىرەتتەندىرۋ يدەياسىمەن ليان قۇرىپ، ادام تاربيەلەۋگە تاباندى بولىپ، تاڭداۋلى ءداستۇردى جالعاستىرىپ، كۇشتى شوعىرلاندىرىپ سوعىسقا دايىندالىپ، شايقاس جۇرگىزىپ، ”تورتتە قۇرىش“شىڭدالعان ليان-دۇيدى سومداپ، كوپتەگەن كەلەلى مىندەتتەردى تابىسپەن ورىندادى.

بۇيرىقتا مىنالار تالاپ ەتىلدى: بۇكىل ارمياداعى اسكەري بولىمدەر ولاردان ۇيرەنىپ، پارتيانىڭ جاسامپاز نازارياسىمەن قارۋلانۋدى ۇزدىكسىز تەرەڭدەتىپ، مۇرات - سەنىمدى بەكەمدەپ، ساياسي ادالدىقتى بەكەمدەپ، پارتيانىڭ سوزىنە قۇلاق اسۋدىڭ، پارتياعا ىلەسۋدىڭ يدەيالىق نەگىزىن بەكەمدەۋى؛ اسكەر جاتتىقتىرۋدى، سوعىسقا دايىندالۋدى مىقتى يگەرىپ، ناقتى سوعىستىق باعىتتامالى جاتتىعۋدى كۇشەيتىپ، سوعىستا جەڭۋ قابىلەتىن جەدەل جوعارىلاتىپ، سوعىس جۇرگىزە الاتىن، جەڭىستى سوعىس جۇرگىزە الاتىن سايلاۋىت قوسىن سومداۋى؛ ىسىلعان ستيلدى شىڭداپ، بىرىنشىدەن، جاپادان قورىقپايتىن، ەكىنشىدەن، ولىمنەن قورىقپايتىن جاۋىنگەرلىك رۋحتى ساۋلەلەندىرىپ، باتىلدىقپەن كۇرەس جۇرگىزەتىن، باتىلدىقپەن ايقىن پوزيتسيا بىلدىرەتىن ەرىك - جىگەردى سومداپ، جاڭا داۋىردەگى توڭكەرىستىك اسكەريلەردىڭ ارىندى جىگەرىن شىڭداۋى كەرەك.

ورتالىق اسكەري ىستەر كوميتەتى بۇكىل ارمياداعى اسكەري بولىمدەر مەن قالىڭ كوماندير - جاۋىنگەرلەر شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، ساياسيدى باسشىلىققا الىپ ارميا قۇرۋعا، رەفورما ارقىلى ارميانى قۇدىرەتتەندىرۋگە، عىلىم - تەحنيكا ارقىلى ارميانى قۇدىرەتتەندىرۋگە، دارىندىلار ارقىلى ارميانى قۇدىرەتتەندىرۋ مەن ارميانى زاڭ بويىنشا جونگە سالۋعا تاباندى بولىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ستراتەگيالىق قابىلەتىن جوعارىلاتىپ، 100 جىلدىق كۇرەس نىساناسىن ۋاعىندا جۇزەگە اسىرۋ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ ءۇشىن قاجىماي - تالماي كۇرەس جۇرگىزۋگە ۇندەدى.

كەلۋ قاينارى: حالىق تورابى