جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى بەيجيڭدە وتكىزىلدى

ورتالىق كوميتەت ساياسي بيۋروسى ءماجىلىستى باسقاردى، ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى

جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسىن» قاراپ ماقۇلدادى. شي جينپيڭ «قاۋلى (تالقى نۇسقا)» جونىندە جالپى ماجىلىسكە تۇسىنىك جاسادى.

جالپى ءماجىلىس مىناعان ۇندەدى: بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، رەفورما جۇرگىزىپ، ەسىك اشۋ تۋىن بيىك ۇستاپ، زەيىن - زەردەنى، كۇش - قۋاتتى شوعىرلاندىرىپ، قايراتتانا العا ۇمتىلىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قۇلشىنا كۇرەس جۇرگىزەيىك

جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى 2024 - جىلى 7 - ايدىڭ 15 - كۇنىنەن 18 - كۇنىنە دەيىن بەيجيڭدە اشىلدى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى 2024 - جىلى 7 - ايدىڭ 15 - كۇنىنەن 18 - كۇنىنە دەيىن بەيجيڭدە اشىلدى. جالپى ءماجىلىستى ورتالىق كوميتەتتىڭ ساياسي بيۋروسى باسقاردى.

سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

جالپى ءماجىلىس مىنالاردى اتاپ كورسەتتى: رەفورمانى اناعۇرلىم جاپپاي تەرەڭدەتۋدىڭ باس نىساناسى − جۇڭگوشا سوتسياليستىك ءتۇزىمدى ۇزدىكسىز كەمەلدەندىرىپ جانە دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ. 2035 - جىلعا بارعاندا، جوعارى دەڭگەيدەگى سوتسياليستىك بازار ەكونوميكاسى ءتۇزىلىسىن جاپپاي ورناتىپ، جۇڭگوشا سوتسياليستىك ءتۇزىمدى اناعۇرلىم كەمەلدەندىرىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى نەگىزىنەن جۇزەگە اسىرىپ، سوتسياليستىك وسىزامانداندىرۋدى نەگىزىنەن جۇزەگە اسىرىپ، وسى عاسىردىڭ ورتا شەنىندە جاپپاي سوتسياليستىك وسىزاماندانعان قۇدىرەتتى مەملەكەت قۇرۋعا بەرىك نەگىز قالاۋ. نازاردى جوعارى دەڭگەيدەگى سوتسياليستىك بازار ەكونوميكاسى ءتۇزىلىسىن قالىپتاستىرۋعا شوعىرلاندىرىپ، نازاردى جالپى بارىستىق حالىق دەموكراتياسىن دامىتۋعا شوعىرلاندىرىپ، نازاردى مادەنيەتتە قۇدىرەتتى سوتسياليستىك مەملەكەت قۇرۋعا شوعىرلاندىرىپ، نازاردى حالىقتىڭ تۇرمىس ساپاسىن جوعارىلاتۋعا شوعىرلاندىرىپ، نازاردى كورىكتى جۇڭگو قۇرۋعا شوعىرلاندىرىپ، نازاردى اناعۇرلىم جوعارى دەڭگەيدەگى تىنىش جۇڭگو قۇرۋعا شوعىرلاندىرىپ، نازاردى پارتيانىڭ باسشىلىق دەڭگەيى مەن ۇزاق ۋاقىت بيلىك جۇرگىزۋ قابىلەتىن جوعارىلاتۋعا شوعىرلاندىرىپ، رەفورمانى ۇزدىكسىز العا ىلگەرىلەتۋ كەرەك. 2029 - جىلى جۇڭحۋا حالىق رەسپۋبليكاسى قۇرىلعاندىعىنىڭ 80 جىلدىعى كەزىندە وسى قاۋلىدا العا قويىلعان رەفورما مىندەتتەرىن ورىنداپ بولۋ كەرەك

شينحۋا اگەنتتىگى، 7 - ايدىڭ 18 – كۇنى، بەيجيڭ. جۇڭگو كوممۋنيستىك پارتياسى 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ مازمۇنداماسى

(جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە 2024 - جىلى 7 - ايدىڭ 18 - كۇنى ماقۇلداندى)

جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى 2024 - جىلى 7 - ايدىڭ 15 - كۇنىنەن 18 - كۇنىنە دەيىن بەيجيڭدە اشىلدى.

بۇل رەتكى جالپى ماجىلىسكە ورتالىق كوميتەتتىڭ مۇشەلەرىنەن 199 ادام، ورتالىق كوميتەتتىڭ كانديدات مۇشەلەرىنەن 165 ادام قاتىناستى. ورتالىق ءتارتىپ تەكسەرۋ كوميتەتى تۇراقتى كوميتەتىنىڭ مۇشەلەرى مەن قاتىستى جاقتارداعى جاۋاپتى جولداستار ماجىلىسكە كەڭەسشى رەتىندە قاتىناستى. پارتيا 20 - قۇرىلتايى ۋاكىلدەرى اراسىنداعى نەگىزگى ساتىداعى ءبىر ءبولىم جولداستار مەن مامان - وقىمىستىلار دا ماجىلىسكە كەڭەسشى رەتىندە قاتىناستى.

جالپى ءماجىلىستى ورتالىق كوميتەتتىڭ ساياسي بيۋروسى باسقاردى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.

جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسىن» قاراپ ماقۇلدادى. شي جينپيڭ «قاۋلى (تالقى نۇسقا)» جونىندە جالپى ماجىلىسكە تۇسىنىك جاسادى.

جالپى ءماجىلىس ورتالىق كوميتەت ساياسي بيۋروسىنىڭ پارتيا 20 - كەزەكتى ورتالىق كوميتەتىنىڭ ەكىنشى جالپى ماجىلىسىنەن بەرگى قىزمەتتەرىن تولىق تۇراقتاندىردى. ءبىر اۋىزدان بىلاي دەپ قارادى: قاتاڭ دا كۇردەلى حالىقارالىق ورتا مەن ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى الدىندا ورتالىق كوميتەت ساياسي بيۋروسى پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءبىرىنشى، ەكىنشى جالپى ماجىلىستەرىنىڭ رۋحىن مۇقيات تياناقتاندىرىپ، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس ەسكەرىپ، دامۋ جانە حاۋىپسىزدىكتى ءبىر تۇتاس ەسكەرىپ، جوعارى ساپالى دامۋدى كۇش سالا ىلگەرىلەتىپ، رەفورمانى جاپپاي تەرەڭدەتۋدى اناعۇرلىم ىلگەرىلەتىپ جانە جوسپارلاپ، سوتسياليستىك دەموكراتيا جانە زاڭمەن باسقارۋ قۇرىلىسىن تىڭعىلىقتى ىلگەرىلەتىپ، ۇگىت، يدەيا، مادەنيەت قىزمەتىن ۇزدىكسىز كۇشەيتىپ، حالىق تۇرمىسىن قامتاماسىز ەتۋ مەن ەكولوگيالىق ورتانى قورعاۋدى شىن مانىندە تىڭعىلىقتى يگەرىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن باتىل قورعاپ، مەملەكەت قورعانىسى مەن ارميا قۇرىلىسىن پارمەندى ىلگەرىلەتىپ، شياڭگاڭ، اۋمىن قىزمەتىن جانە تايۋان جونىندەگى قىزمەتتەردى جالعاستى ىلگەرىلەتىپ، جۇڭگوشا ءىرى ەلدىك ديپلوماتيانى ىشكەرىلەي ىلگەرىلەتىپ، پارتيانى جاپپاي قاتاڭ باسقارۋدى بۇلجىتپاي ىلگەرىلەتىپ، ەكونوميكانىڭ قايتا ورلەۋىن، جاقسارۋعا بەت الۋىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋعا نىق قادام تاستادى.

جالپى ءماجىلىس جاڭا داۋىردەن بەرگى رەفورمانى جاپپاي تەرەڭدەتۋدىڭ تابىستى امالياتى مەن ۇلى جەتىستىگىنە جوعارى باعا بەرىپ، رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ماسەلەلەرىن زەرتتەدى، قازىرگى جانە بۇدان بىلايعى ءبىر مەزگىل − جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتەتىن شەشۋشى مەزگىل دەپ قارادى. جۇڭگو ۇلگىسىندەگى وسىزامانداندىرۋ رەفورما جۇرگىزىپ، ەسىك اشۋ بارىسىندا ۇزدىكسىز العا ىلگەرىلەيدى ءارى رەفورما جۇرگىزىپ، ەسىك اشۋ بارىسىندا كەڭ ءورىس اشاتىنى ءسوزسىز. قىم - قۋىت، كۇردەلى حالىقارالىق جانە ەلى ءىشى جاعدايى الدىندا، جاڭا كەزەكتى عىلىم - تەحنيكا توڭكەرىسى مەن شارۋاشىلىق وزگەرىسى الدىندا، حالىق بۇقاراسىنىڭ تىڭ تىلەگى الدىندا، ءسوز جوق، سانالىلىقپەن رەفورمانى اناعۇرلىم كورنەكتى ورىنعا قويىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز ارقاۋ ەتىپ، رەفورمانى اناعۇرلىم جاپپاي تەرەڭدەتۋ كەرەك.

جالپى ءماجىلىس مىنالاردى باسا دارىپتەدى: رەفورمانى اناعۇرلىم جاپپاي تەرەڭدەتۋدە، ءسوز جوق، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلىمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ءبىرقىدىرۋ جاڭا يدەياسىن، جاڭا كوزقاراسىن، جاڭا تۇجىرىمىن ىشكەرىلەي ۇيرەنىپ جانە دايەكتىلەندىرىپ، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ، ناقتى ءىس ىستەۋگە تاباندى بولىپ، قوعامدىق وندىرگىش كۇشتەردى اناعۇرلىم ازات ەتىپ جانە ونى دامىتىپ، قوعامنىڭ ومىرشەڭدىگىن اناعۇرلىم تاسقىنداتىپ جانە كۇشەيتىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس ەسكەرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ەكونوميكالىق ءتۇزىلىس رەفورماسىن جەتەكشى ەتىپ، قوعامنىڭ ادىلدىگىن، تۋراشىلدىعىن جەبەۋدى، حالىقتىڭ قۇت - ىرىسىن ارتتىرۋدى شىعار ءتۇيىن جانە تابان تىرەر تياناق ەتىپ، جۇيەلى دە شوعىرلى بولۋعا اناعۇرلىم باسا ءمان بەرىپ، ءتۇيىندى كورنەكتىلەندىرۋگە اناعۇرلىم باسا ءمان بەرىپ، رەفورمانىڭ ناقتى ونىمدىلىگىنە اناعۇرلىم باسا ءمان بەرىپ، وندىرىستىك قاتىناس پەن وندىرگىش كۇشتەردىڭ، قوندىرما مەن بازيستىڭ، مەملەكەتتى باسقارۋ مەن قوعامدىق دامۋدىڭ اناعۇرلىم ويداعىداي سايكەسۋىن ىلگەرىلەتىپ، جۇڭگو ۇلگىسىندەگى وسىزامانداندىرۋعا قۇدىرەتتى قوزعاۋشى كۇش جانە تۇزىمدىك كەپىل ازىرلەۋ كەرەك.

جالپى ءماجىلىس مىنالاردى اتاپ كورسەتتى: رەفورمانى اناعۇرلىم جاپپاي تەرەڭدەتۋدىڭ باس نىساناسى − جۇڭگوشا سوتسياليستىك ءتۇزىمدى ۇزدىكسىز كەمەلدەندىرىپ جانە دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ. 2035 - جىلعا بارعاندا، جوعارى دەڭگەيدەگى سوتسياليستىك بازار ەكونوميكاسى ءتۇزىلىسىن جاپپاي ورناتىپ، جۇڭگوشا سوتسياليستىك ءتۇزىمدى اناعۇرلىم كەمەلدەندىرىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى نەگىزىنەن جۇزەگە اسىرىپ، سوتسياليستىك وسىزامانداندىرۋدى نەگىزىنەن جۇزەگە اسىرىپ، وسى عاسىردىڭ ورتا شەنىندە جاپپاي سوتسياليستىك وسىزاماندانعان قۇدىرەتتى مەملەكەت قۇرۋعا بەرىك نەگىز قالاۋ. نازاردى جوعارى دەڭگەيدەگى سوتسياليستىك بازار ەكونوميكاسى ءتۇزىلىسىن قالىپتاستىرۋعا شوعىرلاندىرىپ، نازاردى جالپى بارىستىق حالىق دەموكراتياسىن دامىتۋعا شوعىرلاندىرىپ، نازاردى مادەنيەتتە قۇدىرەتتى سوتسياليستىك مەملەكەت قۇرۋعا شوعىرلاندىرىپ، نازاردى حالىقتىڭ تۇرمىس ساپاسىن جوعارىلاتۋعا شوعىرلاندىرىپ، نازاردى كورىكتى جۇڭگو قۇرۋعا شوعىرلاندىرىپ، نازاردى اناعۇرلىم جوعارى دەڭگەيدەگى تىنىش جۇڭگو قۇرۋعا شوعىرلاندىرىپ، نازاردى پارتيانىڭ باسشىلىق دەڭگەيى مەن ۇزاق ۋاقىت بيلىك جۇرگىزۋ قابىلەتىن جوعارىلاتۋعا شوعىرلاندىرىپ، رەفورمانى ۇزدىكسىز العا ىلگەرىلەتۋ كەرەك. 2029 - جىلى جۇڭحۋا حالىق رەسپۋبليكاسى قۇرىلعاندىعىنىڭ 80 جىلدىعى كەزىندە وسى قاۋلىدا العا قويىلعان رەفورما مىندەتتەرىن ورىنداپ بولۋ كەرەك.

جالپى ءماجىلىس مىنالاردى باسا دارىپتەدى: رەفورمانى اناعۇرلىم جاپپاي تەرەڭدەتۋدە رەفورما جۇرگىزىپ، ەسىك اشقاننان بەرگى، اسىرەسە، جاڭا داۋىردەگى رەفورمانى جاپپاي تەرەڭدەتۋدەگى قۇندى تاجىريبەلەردى قورىتىندىلاپ جانە ونى قولدانىپ، پارتيانىڭ جالپى بەتتىك باسشىلىعىنا تاباندى بولۋ، حالىقتى وزەك ەتۋگە تاباندى بولۋ، تۋراشىلدىقتان اينىماي، جاڭالىق اشۋعا تاباندى بولۋ، ءتۇزىم قۇرىلىسىن نەگىزگى جەلى ەتۋگە تاباندى بولۋ، مەملەكەتتى جاپپاي زاڭمەن باسقارۋعا تاباندى بولۋ، جۇيە كوزقاراسىنا تاباندى بولۋ سىندى پرينسيپتەردى دايەكتىلەندىرۋ كەرەك.

جالپى ءماجىلىس رەفورمانى اناعۇرلىم جاپپاي تەرەڭدەتۋ جونىندە جۇيەلى ورنالاستىرۋ جاساپ، جوعارى دەڭگەيدەگى سوتسياليستىك بازار ەكونوميكاسى ءتۇزىلىسىن قۇرۋدى، ەكونوميكانىڭ جوعارى ساپالى دامۋىن جەبەيتىن ءتۇزىلىس، مەحانيزمدى اقاۋسىزداندىرۋدى، جالپى بەتتىك جاڭالىق اشۋدى قولدايتىن ءتۇزىلىس، مەحانيزم ورناتۋدى، ماكرولىق ەكونوميكانى باسقارۋ جۇيەسىن اقاۋسىزداندىرۋدى، قالا مەن اۋىلدىڭ توعىسا دامۋ ءتۇزىلىس، مەحانيزمىن كەمەلدەندىرۋدى، جوعارى دەڭگەيدەگى سىرتقا ەسىك اشۋ ءتۇزىلىس، مەحانيزمىن كەمەلدەندىرۋدى، جالپى بارىستىق حالىق دەموكراتياسى ءتۇزىمى جۇيەسىن اقاۋسىزداندىرۋدى، جۇڭگوشا سوتسياليستىك زاڭمەن باسقارۋ جۇيەسىن كەمەلدەندىرۋدى، مادەنيەت ءتۇزىلىس، مەحانيزم رەفورماسىن تەرەڭدەتۋدى، حالىق تۇرمىسىن قامتاماسىز ەتۋ جانە جاقسارتۋ ءتۇزىمى جۇيەسىن اقاۋسىزداندىرۋدى، ەكولوگيالىق وركەنيەت ءتۇزىلىس رەفورماسىن تەرەڭدەتۋدى، مەملەكەت حاۋىپسىزدىگى جۇيەسى مەن قۋاتىن وسىزامانداندىرۋدى ىلگەرىلەتۋدى، مەملەكەت قورعانىسى مەن ارميا رەفورماسىن ۇزدىكسىز تەرەڭدەتۋدى، پارتيانىڭ رەفورمانى اناعۇرلىم جاپپاي تەرەڭدەتۋدەگى، جۇڭگو ۇلگىسىندەگى وسىزامانداندىرۋدى ىلگەرىلەتۋدەگى باسشىلىق دەڭگەيىن جوعارىلاتۋدى باسا دارىپتەدى.

جالپى ءماجىلىس مىنالاردى ورتاعا قويدى: جوعارى دەڭگەيدەگى سوتسياليستىك بازار ەكونوميكاسى ءتۇزىلىسى − جۇڭگو ۇلگىسىندەگى وسىزامانداندىرۋدىڭ ماڭىزدى كەپىلى. ءسوز جوق، بازار مەحانيزمىنىڭ رولىن اناعۇرلىم ويداعىداي ساۋلەلەندىرىپ، اناعۇرلىم ءادىل، اناعۇرلىم جاندى بازار ورتاسىن قالىپتاستىرىپ، بايلىقتى ىڭعايلاۋ ونىمدىلىگىنىڭ ەڭ ساپالى بولۋىن جانە تيىمدىلىگىنىڭ ەڭ زور بولۋىن جۇزەگە اسىرىپ، ”ەركىنە جىبەرە“ دە، ”باسقارا“ دا الاتىن بولۋ، بازار ءتارتىبىن اناعۇرلىم ويداعىداي ساقتاپ، بازاردىڭ جەتەرسىزدىگىن اناعۇرلىم ويداعىداي تولىقتاپ، حالىق شارۋاشىلىعىنىڭ اينالىمىن ىركىلىسسىزدەندىرىپ، تۇتاس قوعامنىڭ ىشكى قوزعاۋشى كۇشى مەن جاڭالىق اشۋ ومىرشەڭدىگىن تاسقىنداتۋ كەرەك. جالپىلىق مەنشىكتەگى شارۋاشىلىقتى تاباندىلىقپەن بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تاباندىلىقپەن دەم بەرىپ، قولداپ، جەتەكتەپ، ءتۇرلى مەنشىكتەگى شارۋاشىلىقتىڭ ءوندىرىس ماڭىزدى فاكتورلارىنان زاڭ بويىنشا تەڭ پايدالانۋىنا، بازار باسەكەسىنە ادىلدىكپەن ات سالىسۋىنا، زاڭنىڭ تەڭ دارەجەدە قورعاۋىندا بولۋىنا كەپىلدىك ەتىپ، ءتۇرلى مەنشىكتەگى شارۋاشىلىقتىڭ ءبىرىنىڭ ارتىقشىلىعىمەن ءبىرىن تولىقتاۋىن، بىرگە دامۋىن جەبەۋ كەرەك. بۇكىل ەل بويىنشا ءبىر تۇتاس ءىرى بازار قالىپتاستىرىپ، بازار ەكونوميكاسىنىڭ نەگىزدىك ءتۇزىمىن كەمەلدەندىرۋ كەرەك.

جالپى ءماجىلىس مىنالاردى ورتاعا قويدى: جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋداعى ماڭداي الدى مىندەت. ءسوز جوق، رەفورماعا جاڭا دامۋ ۇستانىمى ارقىلى جەتەكشىلىك ەتىپ، جاڭا دامۋ كەزەڭىن تياناق ەتىپ، ۇسىنىم جاعىنداعى قۇرىلىمدىق رەفورمانى تەرەڭدەتىپ، جوعارى ساپالى دامۋدى ىلگەرىلەتۋدى ىنتالاندىرۋ - تەجەۋ مەحانيزمىن كەمەلدەندىرىپ، دامۋدىڭ تىڭ قوزعاۋشى كۇشىن، تىڭ باسىمدىعىن قالىپتاستىرۋ كەرەك. جاڭاشا وندىرگىش كۇشتەردى جەرگىلىكتى جاعدايعا قاراي دامىتۋ ءتۇزىلىس، مەحانيزمىن اقاۋسىزداندىرۋ، تۇلعالىق شارۋاشىلىق پەن سيفرلى شارۋاشىلىقتىڭ ىشكەرىلەي توعىسۋىن جەبەۋ ءتۇزىمىن اقاۋسىزداندىرۋ، قىزمەت وتەۋ كاسىبىن دامىتۋدىڭ ءتۇزىلىس، مەحانيزمىن كەمەلدەندىرۋ، وسىزاماندانعان نەگىزدىك قۇرىلعىلار قۇرىلىسىنىڭ ءتۇزىلىس، مەحانيزمىن اقاۋسىزداندىرۋ، شارۋاشىلىق تىزبەگى مەن ۇسىنىم تىزبەگىنىڭ سەرپىمدىلىگى مەن حاۋىپسىزدىك دەڭگەيىن جوعارىلاتۋ ءتۇزىمىن اقاۋسىزداندىرۋ كەرەك.

جالپى ءماجىلىس مىنالاردى ورتاعا قويدى: وقۋ - اعارتۋ، عىلىم - تەحنيكا، دارىندىلار − جۇڭگو ۇلگىسىندەگى وسىزامانداندىرۋدىڭ نەگىزدىك، ستراتەگيالىق تىرەگى. ءسوز جوق، مەملەكەتتى عىلىم - تەحنيكا، وقۋ - اعارتۋ ارقىلى كوركەيتۋ ستراتەگياسىن، مەملەكەتتى دارىندىلار ارقىلى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋدى جەبەۋ ستراتەگياسىن ىشكەرىلەي اتقارىپ، وقۋ - اعارتۋ، عىلىم - تەحنيكا، دارىندىلار جاعىنداعى ءتۇزىلىس، مەحانيزمدى ءبىر تۇلعالاندىرۋ رەفورماسىن ءبىر تۇتاس ىلگەرىلەتىپ، بۇكىل مەملەكەت بولىپ جۇمىلۋ جاڭاشا ءتۇزىلىسىن اقاۋسىزداندىرىپ، مەملەكەتتىڭ جاڭالىق اشۋ جۇيەسىنىڭ جالپى تۇلعالىق ونىمدىلىگىن ارتتىرۋ كەرەك. وقۋ - اعارتۋدىڭ جالپىلىق رەفورماسىن تەرەڭدەتۋ، عىلىم - تەحنيكا ءتۇزىلىسى رەفورماسىن تەرەڭدەتۋ، دارىندىلاردى جەتىلدىرۋ ءتۇزىلىس، مەحانيزمى رەفورماسىن تەرەڭدەتۋ كەرەك.

جالپى ءماجىلىس مىنالاردى ورتاعا قويدى: ماكرولىق تىزگىندەۋدىڭ عىلىميلىعى، ۇكىمەتتىڭ ۇتىمدى باسقارۋى − سوتسياليستىك بازار ەكونوميكاسى ءتۇزىلىسىنىڭ ارتىقشىلىعىن ساۋلەلەندىرۋدىڭ ىشكى تالابى. ءسوز جوق، ماكرولىق تىزگىندەۋ ءتۇزىمى جۇيەسىن كەمەلدەندىرىپ، قازىنا - سالىق، فينانس سياقتى ءتۇيىندى سالالارداعى رەفورمانى ءبىر تۇتاس ىلگەرىلەتىپ، ماكرولىق ساياسات بەتالىسىنىڭ بىردەيلىگىن كۇشەيتۋ كەرەك. مەملەكەتتىڭ ستراتەگيالىق پلان جۇيەسى مەن ساياساتتى ءبىر تۇتاس سايكەستىرۋ مەحانيزمىن كەمەلدەندىرۋ، قازىنا - سالىق ءتۇزىلىسى رەفورماسىن تەرەڭدەتۋ، فينانس ءتۇزىلىسى رەفورماسىن تەرەڭدەتۋ، وڭىرلىك سايكەسە دامۋ ستراتەگياسىن اتقارۋ مەحانيزمىن كەمەلدەندىرۋ كەرەك.

جالپى ءماجىلىس مىنالاردى ورتاعا قويدى: قالا مەن اۋىلدىڭ توعىسا دامۋى − جۇڭگو ۇلگىسىندەگى وسىزامانداندىرۋدىڭ تابيعي تالابى. ءسوز جوق، جاڭاشا ونەركاسىپتەندىرۋدى، جاڭاشا قالا - قالاشىقتاندىرۋدى جانە اۋىل - قىستاقتى جاپپاي كوركەيتۋدى ءبىر تۇتاس جوسپارلاپ، قالا - اۋىل پلانىن، قۇرىلىسىن، باسقارۋدى توعىستىرۋ دەڭگەيىن جاپپاي جوعارىلاتىپ، قالا - اۋىل ماڭىزدى فاكتورلارىنىڭ تەڭ تۇرعىدا ايىرباسقا ءتۇسۋىن، قوس باعىتتا اۋىسۋىن جەبەپ، قالا مەن اۋىل پارقىن ازايتىپ، قالا مەن اۋىلدىڭ بىرگە گۇلدەنۋىن، دامۋىن جەبەۋ كەرەك. جاڭاشا قالا - قالاشىقتاندىرۋ ءتۇزىلىس، مەحانيزمىن اقاۋسىزداندىرۋ جانە ىلگەرىلەتۋ، اۋىل - قىستاقتىڭ نەگىزگى تيجارات ءتۇزىمىن بەكەمدەۋ جانە كەمەلدەندىرۋ، اۋىل شارۋاشىلىعىن كۇشەيتۋدى، شارۋالارعا تيىمدىلىك جەتكىزۋدى، شارۋالاردى بايىتۋدى قولداۋ ءتۇزىمىن كەمەلدەندىرۋ، جەر ءتۇزىمى رەفورماسىن تەرەڭدەتۋ كەرەك.

جالپى ءماجىلىس مىنالاردى ورتاعا قويدى: ەسىك اشۋ − جۇڭگو ۇلگىسىندەگى وسىزامانداندىرۋدىڭ ايقىن بەلگىسى. ءسوز جوق، سىرتقا ەسىك اشۋ سىندى نەگىزگى مەملەكەت ساياساتىنا تاباندى بولىپ، ەسىك اشۋ ارقىلى رەفورمانى جەبەۋگە تاباندى بولىپ، ەلىمىزدىڭ وراسان زور كولەمدەگى بازار باسىمدىعىنا سۇيەنىپ، حالىقارالىق سەلبەستىكتى كەڭەيتۋ بارىسىندا ەسىك اشۋ قابىلەتىن جوعارىلاتىپ، اناعۇرلىم جوعارى دەڭگەيدەگى اشىق ەكونوميكالىق جاڭا ء تۇزىلىس ورناتۋ كەرەك. تۇزىمدىك ەسىك اشۋدى ورنىقتى كەڭەيتۋ، سىرتقى ساۋدا ءتۇزىلىسى رەفورماسىن تەرەڭدەتۋ، شەتەل ساۋداگەرلەرىنىڭ قارجى قوسۋى مەن شەتەلگە قارجى قوسۋدى باسقارۋ ءتۇزىلىسى رەفورماسىن تەرەڭدەتۋ، وڭىرلىك ەسىك اشۋ ورنالاسىمىن ساپالىلاندىرۋ، ”ءبىر بەلدەۋ، ءبىر جولدى“ جوعارى ساپامەن بىرگە گۇلدەندىرۋ مەحانيزمىن كەمەلدەندىرۋ جانە ىلگەرىلەتۋ كەرەك.

جالپى ءماجىلىس مىنالاردى ورتاعا قويدى: جالپى بارىستىق حالىق دەموكراتياسىن دامىتۋ − جۇڭگو ۇلگىسىندەگى وسىزامانداندىرۋدىڭ ماندىك تالابى. ءسوز جوق، جۇڭگوشا سوتسياليستىك ساياسي دامۋ جولىمەن اۋىتقىماي ءجۇرىپ، ەلىمىزدىڭ ءتۇبىرلى ساياسي تۇزىمىنە، نەگىزگى ساياسي تۇزىمىنە، ماڭىزدى ساياسي تۇزىمىنە تاباندى بولىپ جانە ونى كەمەلدەندىرىپ، ءارقايسى جىكتەردەگى دەموكراتيا فورماسىن بايىتىپ، حالىقتىڭ وزىنە - ءوزى قوجايىن بولۋىن مەملەكەتتىڭ ساياسي تۇرمىسى مەن قوعامدىق تۇرمىسىنىڭ ءارقايسى جاقتارىندا ناقتى، شىنايى ايگىلەۋ كەرەك. حالىقتىڭ وزىنە - ءوزى قوجايىن بولۋ ءتۇزىمى قۇرىلىسىن كۇشەيتۋ، ءماسليحاتتىق دەموكراتيا مەحانيزمىن اقاۋسىزداندىرۋ، نەگىزگى ساتىنىڭ دەموكراتيالىق ءتۇزىمىن اقاۋسىزداندىرۋ، زور بىرلىكساپ قىزمەت جۇيەسىن كەمەلدەندىرۋ كەرەك.

جالپى ءماجىلىس مىنالاردى ورتاعا قويدى: زاڭمەن باسقارۋ − جۇڭگو ۇلگىسىندەگى وسىزامانداندىرۋدىڭ ماڭىزدى كەپىلى. ءسوز جوق، نەگىزگى زاڭنىڭ اتقارىلۋىن جاپپاي دايەكتىلەندىرىپ، نەگىزگى زاڭنىڭ بەدەلىن قورعاپ، زاڭ شىعارۋ، زاڭ اتقارۋ، ءادىليا جۇرگىزۋ، زاڭعا بويسۇنۋ بۋىندارىنداعى رەفورمانى سايكەستى ىلگەرىلەتىپ، زاڭ الدىندا بارلىق ادامنىڭ تەرەزەسى تەڭ بولۋدى قامتاماسىز ەتۋ مەحانيزمىن اقاۋسىزداندىرىپ، سوتسياليستىك زاڭمەن باسقارۋ رۋحىن اسقاقتاتىپ، قوعامنىڭ ادىلدىگىن، تۋراشىلدىعىن قورعاپ، مەملەكەتتىڭ ءارقايسى جاقتاعى قىزمەتىن زاڭمەن باسقارۋدى جاپپاي ىلگەرىلەتۋ كەرەك. زاڭ شىعارۋ سالاسىنداعى رەفورمانى تەرەڭدەتۋ، اكىمشىلىكتى زاڭ بويىنشا جۇرگىزۋدى ىشكەرىلەي ىلگەرىلەتۋ، زاڭدى ءادىل اتقارۋ، ءادىليانى ءادىل جۇرگىزۋ ءتۇزىلىس، مەحانيزمىن اقاۋسىزداندىرۋ، زاڭمەن باسقارىلاتىن قوعام قۇرىلىسى مەحانيزمىن كەمەلدەندىرۋ جانە ىلگەرىلەتۋ، شەتەلگە ساياتىن زاڭمەن باسقارۋ قۇرىلىسىن كۇشەيتۋ كەرەك.

جالپى ءماجىلىس مىنالاردى ورتاعا قويدى: جۇڭگو ۇلگىسىندەگى وسىزامانداندىرۋ − ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزامانداندىرۋ. ءسوز جوق، مادەنيەت سەنىمىن كۇشەيتىپ، سوتسياليستىك وزىق مادەنيەتتى دامىتىپ، توڭكەرىستىك مادەنيەتتى ساۋلەلەندىرىپ، جۇڭحۋانىڭ تاڭداۋلى ءداستۇرلى مادەنيەتىن جالعاستىرىپ، ينفورماتسيا تەحنيكاسىنىڭ قارىشتاپ دامۋ جاڭا جاعدايىنا جەدەل ۇيلەسىپ، زور كولەمدەگى تاڭداۋلى مادەنيەت دارىندىلار قوسىنىن جەتىلدىرىپ جانە قالىپتاستىرىپ، تۇتاس ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىك كۇشىن تاسقىنداتۋ كەرەك. يدەولوگيا قىزمەتى جاۋاپكەرشىلىك ءتۇزىمىن كەمەلدەندىرۋ، مادەنيەتتىك قىزمەت وتەۋ مەن مادەنيەت ونىمدەرى ۇسىنىمى مەحانيزمىن ساپالىلاندىرۋ، ينتەرنەتتى جان - جاقتى باسقارۋ جۇيەسىن اقاۋسىزداندىرۋ، اناعۇرلىم ونىمدىلىككە يە حالىقارالىق تاراتۋ جۇيەسىن ورناتۋ كەرەك.

جالپى ءماجىلىس مىنالاردى ورتاعا قويدى: دامۋ بارىسىندا حالىق تۇرمىسىن قامتاماسىز ەتۋ جانە جاقسارتۋ − جۇڭگو ۇلگىسىندەگى وسىزامانداندىرۋدىڭ كەلەلى مىندەتى. ءسوز جوق، بار كۇشىمىزدى سالىپ ءىس تىندىرۋعا، شاماعا قاراي ءىس ىستەۋگە تاباندى بولىپ، نەگىزگى الەۋمەتتىك قىزمەت وتەۋ ءتۇزىمى جۇيەسىن كەمەلدەندىرىپ، جالپىعا ءتيىمدى، نەگىزدىك، تولىق قامتاماسىز ەتىلگەن حالىق تۇرمىسى قۇرىلىسىن كۇشەيتىپ، حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن ويداعىداي شەشىپ، حالىقتىڭ تاماشا تۇرمىسقا تالپىنىسىن ۇزدىكسىز قاناعاتتاندىرۋ كەرەك. كىرىس ءبولىسى ءتۇزىمىن كەمەلدەندىرۋ، جۇمىستانۋدى الدىمەن ويلاستىرۋ ساياساتىن كەمەلدەندىرۋ، قوعامدىق قامتاماسىزداندىرۋ جۇيەسىن اقاۋسىزداندىرۋ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋ، حالىق سانىنىڭ دامۋىن قولداۋ جانە قىزمەت وتەۋ جۇيەسىن اقاۋسىزداندىرۋ كەرەك.

جالپى ءماجىلىس مىنالاردى ورتاعا قويدى: جۇڭگو ۇلگىسىندەگى وسىزامانداندىرۋ − ادام مەن تابيعات جاراسىمدى، قاتار ءومىر سۇرەتىن وسىزامانداندىرۋ. ءسوز جوق، ەكولوگيالىق وركەنيەت ءتۇزىمى جۇيەسىن كەمەلدەندىرىپ، كومىر قىشقىل گازىنىڭ شىعارىلۋىن تومەندەتۋدى، لاستانۋدى ازايتۋدى، جاسىلدانۋدى ۇلعايتۋدى، ەكونوميكانى ارتتىرۋدى سايكەستى ىلگەرىلەتىپ، كليمات وزگەرىسىنە بەلسەنە توتەپ بەرىپ، تۇنىق سۋ، جاسىل تاۋ − باعالى بايلىق ۇستانىمىن تياناقتاندىرۋدىڭ ءتۇزىلىس، مەحانيزمىن جەدەل كەمەلدەندىرۋ كەرەك. ەكولوگيالىق وركەنيەتتىڭ نەگىزدىك ءتۇزىلىسىن كەمەلدەندىرۋ، ەكولوگيالىق ورتانى وڭاۋ جۇيەسىن اقاۋسىزداندىرۋ، جاسىل، تومەن كومىر قىشقىل گازدى دامۋ مەحانيزمىن اقاۋسىزداندىرۋ كەرەك.

جالپى ءماجىلىس مىنالاردى ورتاعا قويدى: مەملەكەت حاۋىپسىزدىگى − جۇڭگو ۇلگىسىندەگى وسىزامانداندىرۋدىڭ ورنىقتى، باياندى بولۋىنىڭ ماڭىزدى نەگىزى. ءسوز جوق، جالپى تۇلعالىق مەملەكەت حاۋىپسىزدىگى كوزقاراسىن جاپپاي دايەكتىلەندىرىپ، مەملەكەت حاۋىپسىزدىگىن قورعاۋ ءتۇزىلىس، مەحانيزمىن كەمەلدەندىرىپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ۇتىمدى ىقپالداستىعىن جۇزەگە اسىرىپ، مەملەكەتتىڭ باياندى تىنىشتىعىن شىنايى قامتاماسىز ەتۋ كەرەك. مەملەكەت حاۋىپسىزدىگى جۇيەسىن اقاۋسىزداندىرۋ، الەۋمەتتىك حاۋىپسىزدىكتى باسقارۋ مەحانيزمىن كەمەلدەندىرۋ، قوعامدىق باسقارۋ جۇيەسىن اقاۋسىزداندىرۋ، شەتەلگە ساياتىن مەملەكەت حاۋىپسىزدىگى مەحانيزمىن كەمەلدەندىرۋ كەرەك.

جالپى ءماجىلىس مىنالاردى ورتاعا قويدى: مەملەكەت قورعانىسى مەن ارميانى وسىزامانداندىرۋ − جۇڭگو ۇلگىسىندەگى وسىزامانداندىرۋدىڭ ماڭىزدى قۇرامداس بولىگى. ءسوز جوق، پارتيانىڭ حالىق ارمياسىنا شارتسىز باسشىلىعىنا تاباندى بولىپ، ارميانى رەفورما ارقىلى قۇدىرەتتەندىرۋ ستراتەگياسىن ىشكەرىلەي اتقارىپ، ارميا قۇرىلعاندىعىنىڭ 100 جىلدىعى كۇرەس نىساناسىن ۋاعىندا جۇزەگە اسىرۋعا، مەملەكەت قورعانىسى مەن ارميانى وسىزامانداندىرۋدى نەگىزىنەن جۇزەگە اسىرۋعا پارمەندى كەپىلدىك ازىرلەۋ كەرەك. حالىق ارمياسىنىڭ باسشىلىق ەتۋ - باسقارۋ ءتۇزىلىس، مەحانيزمىن كەمەلدەندىرۋ، بىرلەسىپ سوعىس جۇرگىزۋ جۇيەسى رەفورماسىن تەرەڭدەتۋ، قاراستىلىعىن ارميادان جەرگىلىكتى جەرگە، جەرگىلىكتى جەردەن ارمياعا اۋىستىرۋ رەفورماسىن تەرەڭدەتۋ كەرەك.

جالپى ءماجىلىس مىنالاردى باسا دارىپتەدى: پارتيانىڭ باسشىلىعى − رەفورمانى اناعۇرلىم جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ءتۇبىرلى كەپىلى. ءسوز جوق، ”ەكىنى تۇراقتاندىرۋدىڭ“ شەشۋشى ءمانىن تەرەڭ ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋدىڭ وسكەلەڭ سانالىلىعىن ساقتاپ، رەفورما رۋحى مەن قاتاڭ ولشەم ارقىلى پارتيانى باسقارۋعا، پارتيانى جونگە سالۋعا تاباندى بولىپ، پارتيانىڭ وزىنە - ءوزى توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرىپ، پارتيانىڭ ءوزىن - ءوزى كىرشىكسىزدەندىرۋىن، ءوزىن - ءوزى كەمەلدەندىرۋىن، ءوزىن - ءوزى جاڭارتۋىن، ءوز دەڭگەيىن جوعارىلاتۋىن ۇزدىكسىز ىلگەرىلەتىپ، پارتيانى باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيىتقىسى ەتۋگە شىنايى كەپىلدىك ەتۋ كەرەك. پارتيا ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋگە بولعان ورتالىقتانعان ءبىر تۇتاس باسشىلىعىنا تاباندى بولۋ، پارتيا قۇرىلىسى ءتۇزىمى رەفورماسىن تەرەڭدەتۋ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋ، رەفورمانى تياناقتاندىرۋدى شەگە قاعۋ رۋحىمەن ويداعىداي يگەرۋ كەرەك.

جالپى ءماجىلىس مىنالاردى باسا دارىپتەدى: جۇڭگو ۇلگىسىندەگى وسىزامانداندىرۋ − بەيبىت دامۋ جولىمەن جۇرەتىن وسىزامانداندىرۋ. ءسوز جوق، دەربەس، وزىنە - ءوزى قوجايىن بولۋ سىندى بەيبىت ديپلوماتيالىق ساياساتتى باتىل اتقارىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتىپ، بۇكىل ادامزاتقا ورتاق قۇندىلىقتى امالياتتا ايگىلەپ، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن تياناقتاندىرىپ، تەڭ، ءتارتىپتى بولعان دۇنيە ءجۇزىنىڭ كوپ ۇيەكتەنۋىن، جالپىعا ءتيىمدى، سيىسىمدى بولعان ەكونوميكانىڭ جاھاندانۋىن دارىپتەپ، سىرتقى ىستەر قىزمەتى مەحانيزمى رەفورماسىن تەرەڭدەتىپ، دۇنيە جۇزىلىك باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ جانە جەتەكشىلىك ەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ كەرەك.

جالپى ءماجىلىس مىنالاردى اتاپ كورسەتتى: جالپى ءماجىلىس رۋحىن ويداعىداي ۇيرەنۋ، ويداعىداي دايەكتىلەندىرۋ − بۇكىل پارتيا، بۇكىل مەملەكەتتىڭ قازىرگى جانە بۇدان بىلايعى ءبىر مەزگىلدەگى كەلەلى ساياسي مىندەتى. جالپى ءماجىلىستىڭ رۋحىن ىشكەرىلەي ۇيرەنىپ جانە ءتۇسىنىپ، رەفورمانى اناعۇرلىم جاپپاي تەرەڭدەتۋدىڭ نەگىزگى تاقىرىبىن، كەلەلى پرينسيبىن، كەلەلى شارالارىن، ءتۇبىرلى كەپىلىن جەتە ءتۇسىنۋ جانە يگەرۋ كەرەك. بۇكىل پارتيا جوعارىدان تومەنگە دەيىن ءبىر نيەت، ءبىر تىلەكپەن «قاۋلىنى» دايەكتىلەندىرۋدى، تياناقتاندىرۋدى ويداعىداي يگەرىپ، رەفورمانى اناعۇرلىم جاپپاي تەرەڭدەتۋدىڭ ستراتەگيالىق ورنالاستىرۋلارىن جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۇدىرەتتى كۇشىنە اينالدىرۋ كەرەك.

جالپى ءماجىلىس قازىرگى جاعدايعا جانە مىندەتتەرگە تالداۋ جاساپ، تۇتاس جىلداعى ەكونوميكالىق، قوعامدىق دامۋ نىساناسىن جۇزەگە اسىرۋعا بۇلجىماي تاباندى بولۋدى دارىپتەدى. پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرى مەن ورنالاستىرۋلارىنا نەگىزدەلىپ، ماكرولىق ساياساتتى ويداعىداي دايەكتىلەندىرىپ، ىشكى سۇرانىمدى بەلسەنە كەڭەيتىپ، جەرگىلىكتى جاعدايعا قاراي جاڭاشا وندىرگىش كۇشتى دامىتىپ، سىرتقى ساۋدانىڭ جاڭا قوزعاۋشى كۇشىن جەدەل جەتىلدىرىپ، جاسىل، تومەن كومىر قىشقىل گازدى دامۋدى تىڭعىلىقتى ىلگەرىلەتىپ، حالىق تۇرمىسىن شىنايى قامتاماسىز ەتىپ جانە جاقسارتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ جانە كەڭەيتۋ كەرەك. ”14 - بەسجىلدىق“ پلاننىڭ تياناقتانۋ احۋالىن قورىتىندىلاپ جانە باعالاپ، ”15 - بەسجىلدىق“ پلاننىڭ الدىڭعى مەرزىمدىك جوسپارلاۋ قىزمەتىن شىن مانىندە ويداعىداي ىستەۋ كەرەك.

جالپى ءماجىلىس مىنالاردى اتاپ كورسەتتى: دامۋ مەن حاۋىپسىزدىكتى ءبىر تۇتاس ويداعىداي ەسكەرىپ، ءۇي - جاي شارۋاشىلىعى، جەرگىلىكتى ۇكىمەتتەردىڭ قارىزى، ورتاشا، شاعىن فينانس قۇرىلىمدارى سياقتى ءتۇيىندى سالالارعا تونەتىن حاۋىپ - قاتەردەن ساقتانۋدىڭ جانە ونى جويۋدىڭ ءتۇرلى شارالارىن ويداعىداي تياناقتاندىرىپ، ءوندىرىس حاۋىپسىزدىگى جاۋاپكەرشىلىگىن قاتاڭ تياناقتاندىرىپ، تابيعي اپاتتاردى، اسىرەسە، تاسقىن - سەل اپاتىن باقىلاۋ - تەكسەرۋ، ساقتانۋ - تىزگىندەۋ شارالارىن كەمەلدەندىرىپ، قوعامدىق حاۋىپسىزدىككە تونەتىن حاۋىپ - قاتەردەن ساقتانۋ - تىزگىندەۋ تورىن بەكەمدەپ، قوعامنىڭ ورنىقتىلىعىن شىن مانىندە قورعاۋ كەرەك. قوعامدىق پىكىر جەتەكشىلىگىن كۇشەيتىپ، يدەولوگياعا تونەتىن حاۋىپ - قاتەردەن ءونىمدى ساقتانۋ جانە ونى جويۋ كەرەك. سىرتقى حاۋىپ - قاتەر مەن سىن - سايىسقا ۇتىمدى توتەپ بەرىپ، دۇنيە جۇزىلىك باسقارۋ جۇيەسىنە جەتەكشىلىك ەتىپ، ءتيىمدى سىرتقى ورتانى ىرىقتىلىقپەن قالىپتاستىرۋ كەرەك.

جالپى ءماجىلىس مىنالاردى باسا دارىپتەدى: جالپى ءماجىلىستىڭ رۋحىن ۇيرەنۋمەن، ۇگىتتەۋمەن، دايەكتىلەندىرۋمەن ۇشتاستىرىپ، پارتيانىڭ جاڭالىق اشۋ نازارياسىمەن قارۋلانۋدى ويداعىداي يگەرىپ، بۇكىل پارتيانىڭ ماركسيزمدىك دەڭگەيىن جانە وسىزامانداندىرۋ قۇرىلىسى قابىلەتىن جوعارىلاتۋ كەرەك. پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، ستيلدى شىنايى وڭاپ، فورماشىلدىق، تورەشىلدىك دەرتىن جويىپ، نەگىزگى ساتىنىڭ اۋىرتپالىعىن ۇزدىكسىز جەڭىلدەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، ارالاپ تەكسەرۋ قىزمەتىن تىڭعىلىقتى ويداعىداي ىستەۋ كەرەك. نەگىزگى تاقىرىپتىق تاربيەنىڭ جەتىستىكتەرىن بەكەمدەۋ جانە ونى كەڭەيتۋ، پارتيا ءتارتىبى جونىندەگى ۇيرەنۋ تاربيەسىن تەرەڭدەتۋ، پارتيانىڭ ىنتىماعىن، بىرلىگىن قورعاۋ، پارتيانىڭ جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن ۇزدىكسىز كۇشەيتۋ كەرەك.

جالپى ءماجىلىس پارتيا ۋستاۆىنداعى بەلگىلەمەلەر بويىنشا، ورتالىق كوميتەتتىڭ كانديدات مۇشەلەرى ديڭ شياڭچۇن، يۇي ليجۇن، يۇي جيحۇڭداردى ورتالىق كوميتەتتىڭ مۇشەلىگىنە تولىقتاۋدى ۇيعاردى.

جالپى ءماجىلىس چين گاڭ جولداستىڭ قىزمەتتەن بوساۋ ءوتىنىشىن قابىلداپ، چين گاڭ جولداستى ورتالىق كوميتەتتىڭ مۇشەلىگى مىندەتىنەن بوساتتى.

جالپى ءماجىلىس جۇڭگو كوممۋنيستىك پارتياسى ورتالىق اسكەري ىستەر كوميتەتىنىڭ لي شاڭفۋ، لي يۇيچاۋ، سۇن جينميڭداردىڭ تارتىپكە، زاڭعا اۋىر قايشىلىق جاساۋ ماسەلەلەرى جونىندەگى تەكسەرۋ بايانداماسىن قاراپ جانە ماقۇلداپ، ورتالىق كوميتەت ساياسي بيۋروسىنىڭ بۇدان بۇرىن ۇيعارعان لي شاڭفۋدى، لي يۇيچاۋدى، سۇن جينميڭدى پارتيادان ايداۋ جازاسىن تۇراقتاندىردى.

جالپى ءماجىلىس مىناعان ۇندەدى: بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، رەفورما جۇرگىزىپ، ەسىك اشۋ تۋىن بيىك ۇستاپ، زەيىن - زەردەنى، كۇش - قۋاتتى شوعىرلاندىرىپ، قايراتتانا العا ۇمتىلىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قۇلشىنا كۇرەس جۇرگىزەيىك!

كەلۋ قاينارى: حالىق تورابى