جۇيەلى شوعىرلاندىرۋعا اناعۇرلىم ءمان بەرىپ، ءار جاقتاعى رەفورمانىڭ ءوزارا ۇشتاسۋىنا، سايكەسۋىنە، جوعارى ءونىمدى بولۋىنا مۇمكىندىك جاساۋ كەرەك

جۇيەلى كوزقاراسقا تاباندى بولۋ − جاڭا داۋىردە رەفورمانى جاپپاي تەرەڭدەتۋدەگى باعالى تاجىريبە، رەفورمانى ونان ارى جاپپاي تەرەڭدەتۋدە، ءسوز جوق، دايەكتىلەندىرۋگە ءتيىستى كەلەلى پرينسيپ. پارتيا 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسى» جۇيەلى شوعىرلاندىرۋعا اناعۇرلىم ءمان بەرىپ، رەفورمانى جالپى تۇلعالىق جوسپارلاۋدى، جۇيەلى ورنالاستىرۋدى كۇشەيتىپ، ءار جاقتاعى رەفورمانىڭ ءوزارا ۇشتاسۋىنا، سايكەسۋىنە، جوعارى ءونىمدى بولۋىنا مۇمكىندىك جاسادى.

جاڭا داۋىردەگى رەفورما جاساپ، ەسىك اشۋ كوپتەگەن جاڭا مازمۇندار مەن ەرەكشەلىكتەرگە يە، مۇنىڭ ىشىندەگى ەڭ ماڭىزدى ءبىر ءتۇيىن − ءتۇزىم قۇرىلىسىنىڭ سالماعى ءتىپتى دە اۋىر، رەفورمانىڭ جۇيەلىلىگى، ءبىر تۇلعالىلىعى، سايكەسىمدىلىگى جونىندەگى تالاپ ءتىپتى دە كۇشتى. پارتيا 18 ـ قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، وراسان زور ساياسي باتىلدىقپەن جانە اقىل ـ پاراساتپەن رەفورمانى جاپپاي تەرەڭدەتۋدى ىلگەرىلەتىپ، رەفورمانىڭ ءىشىنارالىق ىزدەنۋدەن، مۇز جارىپ، قورشاۋدى بۇزىپ شىعۋدان جۇيەلى شوعىرلاندىرۋعا، جاپپاي تەرەڭدەتۋگە بۇرىلىس جاساۋىن جۇزەگە اسىرىپ، كوپتەگەن سالادا تاريحي وزگەرىس، جۇيەلى قايتا سومداۋ، جالپى تۇلعالىق قايتا قۇرۋدى جۇزەگە اسىردى. پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسىنىڭ ”ءداۋىر بولگىش“ بولۋىنىڭ ماڭىزدى ءبىر جاعى − جۇيەلى كوزقاراسقا تاباندى بولىپ، رەفورمانى جۇيەلى، جالپى تۇلعالىق جوبالاپ ىلگەرىلەتىپ، ەلىمىزدىڭ رەفورما جاساپ، ەسىك اشۋىنىڭ شىت جاڭا جاعدايىن اشقاندىعىندا.

باس شۋجي شي جينپيڭ بىلاي دەپ باسا دارىپتەدى: ”رەفورمانى جوبالاۋدا جانە ىلگەرىلەتۋدە، ءسوز جوق، جۇيەلى كوزقاراسقا، جالپى جاعداي كوزقاراسىنا تاباندى بولىپ، ستراتەگيالىق ويلاۋدى، ديالەكتيكالىق ويلاۋدى كۇشەيتىپ، ماڭىزدى ـ ماڭىزسىزىن، شۇعىل ـ شۇعىل ەمەسىن ايىرىپ، جۇيەلى شوعىرلاندىرۋعا اناعۇرلىم ءمان بەرۋ كەرەك. رەفورما شارالارىن سايكەستىرۋدى كۇشەيتىپ، ءار سالاداعى، ءار جاقتاعى رەفورما شارالارىنىڭ ءبىر باعىتتا كۇش سالۋىن ىلگەرىلەتىپ، جالپى تۇلعالىق ونىمدىلىكتى كۇشەيتۋ كەرەك“. جالپى ءماجىلىس ماقۇلداعان «قاۋلى» ”بەستى ءبىرتۇلعالاندىرۋ“ جالپى تۇلعالىق ورنالاستىرۋىن ءبىرتۇتاس ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ جۇلگەسىندە رەفورمانى ونان ارى جاپپاي تەرەڭدەتۋدى جوسپارلاپ، ەكونوميكالىق ءتۇزىلىس رەفورماسى مەن باسقا دا سالالارداعى رەفورمانى ءبىرتۇتاس جوسپارلاپ ورنالاستىردى، جالپى بەتتىك رەفورماعا، دامۋ مەن حاۋىپسىزدىكتى ءبىرتۇتاس جوسپارلاۋعا ءمان بەرۋ ونىڭ ماڭىزدى ەرەكشەلىگى بولىپ تابىلادى.

مىنانى تەرەڭ تانۋىمىز كەرەك: جالپى بارىستىق حالىق دەموكراتياسىن دامىتۋ − جۇڭگو ۇلگىسىندەگى وسىزامانداندىرۋدىڭ ماندىك تالابى، جۇڭگوشا سوتسياليستىك ساياسي دامۋ جولىمەن بۇلجىماي ءجۇرىپ، حالىقتىڭ وزىنە ـ ءوزى قوجايىن بولۋىن مەملەكەتتىڭ ساياسي ءومىرى مەن قوعامدىق ءومىرىنىڭ ءارقايسى جاعىندا ناقتى ايگىلەگەندە عانا، جاندى دا جالىندى، تىنىش تا ىنتىماقتى ساياسي جاعدايدى بەكەمدەۋگە جانە دامىتۋعا بولادى؛ زاڭمەن باسقارۋ − جۇڭگو ۇلگىسىندەگى وسىزامانداندىرۋدىڭ ماڭىزدى كەپىلى، نەگىزگى زاڭدى جاپپاي دايەكتى اتقارىپ، زاڭ شىعارۋ، زاڭ اتقارۋ، ءادىليا، زاڭعا بويسۇنۋ بۋىندارىنداعى رەفورمانى سايكەستى ىلگەرىلەتىپ، مەملەكەتتىڭ ءار جاقتاعى قىزمەتتەرىن زاڭمەن باسقارۋدى جاپپاي ىلگەرىلەتكەندە عانا، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋعا بولادى؛ جۇڭگو ۇلگىسىندەگى وسىزامانداندىرۋ − زاتتىق وركەنيەت پەن رۋحاني وركەنيەت ءوزارا سايكەسكەن وسىزامانداندىرۋ، مادەنيەت سەنىمىن كۇشەيتىپ، ينفورماتسيا تەحنيكاسىنىڭ جاڭا جاعدايىنا جەدەل ۇيلەسىپ، بۇكىل ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىك كۇشىن تاسقىنداتقاندا عانا، مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە قۇدىرەتتى رۋحاني كۇش قوسۋعا بولادى؛ دامۋ بارىسىندا حالىق تۇرمىسىن قامتاماسىزداندىرۋ جانە جاقسارتۋ جۇڭگو ۇلگىسىندەگى وسىزامانداندىرۋدىڭ كەلەلى مىندەتى، بار كۇشىن سالىپ، شاماعا قاراي ىستەۋگە تاباندى بولىپ، حالىق ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەسىن ويداعىداي شەشىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرعاندا عانا، بىرگە بايۋدى تىڭعىلىقتى ىلگەرىلەتۋگە بولادى؛ جۇڭگو ۇلگىسىندەگى وسىزامانداندىرۋ − ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، ەكولوگيالىق وركەنيەت ءتۇزىمى جۇيەسىن كەمەلدەندىرىپ، كومىر قىشقىل گازىن تومەندەتۋدى، لاستانۋدى ازايتۋدى، جاسىلدىقتى كەڭەيتۋدى، ارتۋدى سايكەستى ىلگەرىلەتىپ، تۇنىق سۋ، جاسىل تاۋ − باعالى بايلىق ۇستانىمىن جەدەل كەمەلدەندىرىپ، تياناقتاندىرعاندا عانا، كورىكتى جۇڭگو قۇرىپ، جاڭا داۋىردەگى ەكولوگيالىق وركەنيەت قۇرىلىسىنىڭ تىڭ داستانىن جازۋعا بولادى.

وسىزاماندانۋدىڭ تاريحي بارىسى دامۋ مەن حاۋىپسىزدىكتىڭ ءبىر تۇلعانىڭ ەكى قاناتى، قوزعاۋشى كۇشتىڭ قوس دوڭگەلەگى ەكەنىن كورسەتتى، ءبىر تۇتاس جوسپارلاپ، تەڭ ءمان بەرىپ، بىرگە ىلگەرىلەتىپ، اۋقىمدىق تەپە - تەڭدىكتى، ءوزارا تيىمدىلىك جەتكىزۋىن جۇزەگە اسىرۋ كەرەك. مىنانى تەرەڭ تانۋ كەرەك: مەملەكەت حاۋىپسىزدىگى − جۇڭگو ۇلگىسىندەگى وسىزامانداندىرۋدىڭ ورنىقتى، باياندى بولۋىنىڭ ماڭىزدى نەگىزى، جالپى تۇلعالىق مەملەكەت حاۋىپسىزدىگى كوزقاراسىن جاپپاي دايەكتىلەندىرىپ، مەملەكەت حاۋىپسىزدىگىن قورعاۋ ءتۇزىلىس، مەحانيزمىن كەمەلدەندىرىپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ءتيىمدى ىقپالداستىعىن جۇزەگە اسىرعاندا عانا، مەملەكەتتىڭ باياندى تىنىشتىعىن شىنايى قامتاماسىزداندىرۋعا بولادى؛ مەملەكەت قورعانىسى مەن ارميانى وسىزامانداندىرۋ − جۇڭگو ۇلگىسىندەگى وسىزامانداندىرۋدىڭ ماڭىزدى قۇرامداس بولەگى، پارتيانىڭ حالىق ارمياسىنا شارتسىز باسشىلىعىنا تاباندى بولىپ، ارميانى رەفورما ارقىلى قۇدىرەتتەندىرۋ ستراتەگياسىن ىشكەرىلەي اتقارعاندا عانا، ارميا قۇرۋدىڭ 100 جىلدىعى كۇرەس نىساناسىن ۋاعىندا جۇزەگە اسىرۋعا، مەملەكەت قورعانىسى مەن ارميانى وسىزامانداندىرۋدى نەگىزىنەن جۇزەگە اسىرۋعا پارمەندى كەپىلدىك ازىرلەۋگە بولادى.

رەفورمانى جاپپاي تەرەڭدەتۋ − تەرەڭ دە جان - جاقتى قوعامدىق وزگەرىس ءارى كۇردەلى جۇيەلى ينجەنەريا. پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز ارقاۋ ەتىپ، رەفورمانى ونان ارى جاپپاي تەرەڭدەتىپ، جۇيەلى كوزقاراس سىندى نەگىزدىك يدەيا مەن قىزمەت ادىسىنەن ويداعىداي پايدالانىپ، جۇيەلى شوعىرلاندىرۋعا اناعۇرلىم ءمان بەرىپ، رەفورمانى ىلگەرىلەتۋدىڭ بىرىككەن كۇشىن قالىپتاستىرىپ، شىنايى يگەرىپ، ناقتى ىستەپ، شەبەرلىكپەن ىستەپ، شەبەرلىكپەن تابىسقا جەتسەك، جۇڭگو ۇلگىسىندەگى وسىزامانداندىرۋ، ءسوز جوق، تولقىن جارا العا ىلگەرىلەپ، نىق قاداممەن الىسقا جەتە الادى.

كەلۋ قاينارى: حالىق تورابى