ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 8 - ءماجىلىسى اشىلدى

«حالىق گازەتى»، 7 - ايدىڭ 23 - كۇنى، بەيجيڭ (ءتىلشى جياڭ جيە)، ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 8 - ءماجىلىسى 7 - ايدىڭ 23 - كۇنى تۇستەن بۇرىن بەيجيڭدە اشىلىپ، جۇڭگو كوممۋنيستىك پارتياسى 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ارناۋلى جەتكىزدى، ۇيرەندى، دايەكتىلەندىردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ اشىلۋ سالتىن باسقاردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ۇسىنىس بويىنشا اشىلۋ سالتىنا قاتىناستى ءارى بايانداما جاسادى.

ۋاڭ حۋنيڭ باسقارىپ ءسوز سويلەگەندە مىنانى ءبىلدىردى: جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ءۇشىنشى جالپى ءماجىلىسى − جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ شەشۋشى مەزگىلىندە اشىلعان توتەنشە ماڭىزدى ءماجىلىس. باس شۋجي شي جينپيڭ جالپى ماجىلىستە ماڭىزدى ءسوز سويلەپ، رەفورمانى ونان ارى جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ كەلەلى ءمانى، جالپى تالابى، ماڭىزدى شاراسى، ءتۇبىرلى كەپىلى سياقتى كەلەلى ماسەلەلەردى تەرەڭ بايىمدادى. جالپى ءماجىلىس ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسى» − جاڭا ءداۋىر، جاڭا جورىقتا رەفورمانى جاپپاي تەرەڭدەتۋدە كەڭدىك پەن تەرەڭدىككە قاراي جورىق جاساۋدى ىلگەرىلەتۋدىڭ جالپى جۇمىلدىرۋى، جالپى ورنالاستىرۋى. باس شۋجي شي جينپيڭنىڭ جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ءۇشىنشى جالپى ماجىلىسىندە سويلەگەن ماڭىزدى ءسوزىنىڭ رۋحى مەن جالپى ءماجىلىستىڭ رۋحىن ىشكەرىلەي ۇيرەنۋ، دايەكتىلەندىرۋ − قازىرگى جانە بۇدان بىلايعى ءبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى. حالىق ساياسي كەڭەسى يدەيا مەن ارەكەتتى باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ءبىر قىدىرۋ جاڭا يدەيالارىمەن، جاڭا كوزقاراستارىمەن، جاڭا تۇجىرىمدارىمەن سانالى تۇردە بىرلىككە كەلتىرىپ، جۇڭگو كوممۋنيستىك پارتياسى 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىمەن، جۇڭگو كوممۋنيستىك پارتياسى ورتالىق كوميتەتىنىڭ رەفورما جونىندەگى كەلەلى شەشىمدەرىمەن، ورنالاستىرۋلارىمەن بىرلىككە كەلتىرىپ، رەفورمانى ونان ارى جاپپاي تەرەڭدەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە اقىل ـ پاراساتى مەن كۇش ـ قۋاتىن ارناۋى كەرەك.

ساي چي بايانداماسىندا مىنانى ءبىلدىردى: جالپى ءماجىلىس رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ماسەلەسىن ءتۇيىندى تۇردە اقىلداستى ءارى قاۋلى شىعاردى، بۇل شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ تاريحي ىرىقتىلىعىن، رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدىڭ كەڭ بولاشاعىن اشۋداعى بەرىك بەكىمدى تولىق ايگىلەدى، كەلەلى دە تەرەڭ مانگە يە.

ساي چي مىنانى ءبىلدىردى: جالپى ءماجىلىس «قاۋلىسى» 2035 - جىلى سوتسياليستىك وسىزامانداندىرۋدى نەگىزىنەن جۇزەگە اسىرۋ نىساناسىن كوزدەپ، الداعى 5 جىلداعى كەلەلى رەفورما شارالارىن ءتۇيىندى تۇردە ورنالاستىردى، بۇل ءارى جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى رەفورمانى جاپپاي تەرەڭدەتۋدىڭ امالياتتىق جالعاسى، ءارى جاڭا ءداۋىر، جاڭا جورىقتا جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ داۋىرلىك جاڭا تاراۋى.

ساي چي مىنانى ءبىلدىردى: رەفورمادا جوبالاۋعا، جوسپارلاۋعا ءمان بەرۋ، دايەكتىلەندىرۋدى، تياناقتاندىرۋدى ءتىپتى دە مىقتى يگەرۋ كەرەك. رەفورمانىڭ تالابىن جەتە ءتۇسىنىپ، ۇيىمدىق باسشىلىقتى كۇشەيتىپ، جالپى تۇلعالىق ىلگەرىلەتۋگە تاباندى بولىپ، ىزدەنىس جاساۋعا، جاڭالىق اشۋعا دەم بەرىپ، ناقتى ونىمدىلىككە قول جەتكىزۋ كەرەك.

اشىلۋ ءماجىلىسى ساياسي كەڭەس 14 ـ كەزەكتى مەملەكەتتىك كوميتەتى ءتوراعالار ءماجىلىسىنىڭ مەملەكەتتىك ساياسي كەڭەستىڭ 2024 ـ جىلدىڭ العاشقى جارتىسىنداعى قىزمەت جاعدايى جونىندەگى بايانداماسىن تىڭدادى. مەملەكەتتىك ساياسي كەڭەس ءتوراعاسىنىڭ ورىنباسارى، قوسىمشا باس حاتشى ۋاڭ دۇڭفىڭ قاتارلىلار قاتىستى كەڭەستىك تاقىرىپتار جونىندە بايانداما جاسادى جانە تۇسىنىك جاسادى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، جياڭ شينجى، جياڭ زوجۇن، حى شۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ماجىلىسكە قاتىناستى.

كەلۋ قاينارى: حالىق تورابى