كابيران پاريج وليمپيادا سپورت جارىسىنا بار كۇشپەن دايىندالۋدا

7 – ايدىڭ 23 – كۇنى، پاريج وليمپيادا سپورت جارىسىنا اتتانۋ الدىندا تۇرعان جۇڭگو بالۋاندار كومانداسى بەيجيڭ وليمپيادا سپورت ورتالىعىندا ەڭ سوڭعى شەشۋشى دايىندىق جاتتىعۋىن جۇرگىزدى. جۇڭگو كومانداسىنداعى شينجياڭدىق پالۋان كابيران ابۇشايمان ۇلى جاتتىقتىرۋشىنىڭ جەتەكشىلىگىندە بار كۇشىن سالىپ جارىسقا دايىندالدى. بۇل ونىڭ وليمپيادا سپورت جارىسىنا تۇڭعىش قاتىناسۋى بولىپ، الدا دۇنيە ءجۇزىنىڭ جەر – جەرىنەن كەلگەن ءار ەلدىڭ ۇزدىك بالۋاندارىمەن بەلدەسىپ، شەشۋشى جەڭىسكە قول جەتكىزۋگە قۇلشىنادى.

پاريج وليمپيادا سپورت جارىسىنىڭ كۇرەس جارىسى 8 – ايدىڭ 5 – كۇنىنەن 11 – كۇنىنە دەيىن وتكىزىلەدى، جۇڭگو بالۋاندار كومانداسىنىڭ 12 بالۋانى جەكە – جەكە ايەلدەر ەركىن كۇرەسى، ەرلەر ەركىن كۇرەسى جانە كلاسسيكالىق كۇرەس ءتۇرى بويىنشا جارىسقا قاتىناسادى. كابيران ەرلەردىڭ ەركىن كۇرەسىنىڭ 97 كيلوگرامدىق سالماق دارەجەسى بويىنشا جارىسقا قاتىناسادى، كابيراننىڭ جارىسى 8 – ايدىڭ 10 – كۇنى تۇستەن كەيىننەن 11 – كۇنى كەشكە دەيىن وتكىزىلەدى.

كەلۋ قاينارى: حالىق تورابى