شينجياڭدىق بوكسشى توقتاربەك تاڭاتقان ۇلى پاريجدا بوكس جارىسىنا قاتىناسادى

7 – ايدىڭ 26 – كۇنى اشىلۋ سالتى بولاتىن پاريج وليمپيادا سپورت جارىسىنا دا ساناۋلى ۋاقىت قالدى، جۇڭگو ۋاكىلدەر ۇيىرمەسىندەگى شينجياڭدىق 5 سپورتشى دا بارلىق دايىندىقتارىن ىستەپ، وليمپيادا سپورت جارىسىنا ساقاداي ساي بولدى.

7 – ايدىڭ 4 – كۇنى، جۇڭگو بوكس كومانداسى پاريجعا جەتتى، ولار دۋۆەرگە توتە تارتتى، بۇل جەر جۇڭگو ۋاكىلدەر ۇيىرمەسىنىڭ وليمپيادا سپورت جارىسى الدىنداعى جاتتىعۋ لاگەرىنىڭ ءبىرى، پاريجدەن شامامەن 200 كيلومەتر قاشىقتىقتا.

7 – ايدىڭ 27 – كۇنى، وليمپيادا سپورت جارىسىنىڭ بوكس جارىسى باستالادى. توقتاربەك تاڭاتقان ۇلى 80 كيلوگرامدىق دارەجە بويىنشا جارىسقا قاتىناسادى، ونىڭ العاشقى جارىسى 7 – ايدىڭ 30 – كۇنى بولادى، بۇل ونىڭ وليمپيادا سپورت جارىسىنا ەكىنشى رەت قاتىناسۋى.

2021 ـ جىلى، توكيو وليمپيادا سپورت جارىسىندا 24 جاستاعى توقتاربەك تاڭاتقان ۇلى تۇڭعىش رەت وليمپيادا سپورت جارىسىنىڭ ساحناسىنا شىقتى. بيىل 27 جاستاعى ول ”جۇڭگو بوكس پاتشاسى“ اتاعىن الدى، سونىمەن بىرگە كاسىپتىك ومىرىندەگى تۇڭعىش ازيا سپورت جارىسىنىڭ التىن مەدالىن الدى.

2022 ـ جىلى، پاريج وليمپيادا سپورت جارىسىنىڭ بوكس نىسانىنىڭ دارەجەسى رەتتەلگەندىكتەن، توقتاربەك تاڭاتقان ۇلى دارەجەسىن 75 كيلوگرامدىق دارەجەدەن 80 كيلوگرامعا جوعارىلاتتى. 80 كيلوگرامدىق دارەجە بۇرىنعى 75 كيلوگرام مەن 81 كيلوگرامدىق ەكى دارەجەدەگى بوكسشىلاردى بىرىكتىردى، بۇل الەمدەگى قاتىناساتىن بوكسشى سانى ەڭ كوپ، ەڭ قيان – كەسكى دارەجەگە جاتادى.

كەلۋ قاينارى: حالىق تورابى