ەكى تاراۋ اۆتوموبيلدى كەرەكتەن قالدىرىپ، جاڭاسىنا اۋىستىرۋعا بەرىلەتىن قوسىمشا قاراجات ولشەمىن جوعارىلاتتى 

جۇڭگو اقپارات تورابىنىڭ 7 – ايدىڭ 25 – كۇنى بەرگەن حابارى. مەملەكەتتىك دامۋ – رەفورما كوميتەتى تورابىنىڭ حابارلاۋىنشا، مەملەكەتتىك دامۋ – رەفورما كوميتەتى مەن قازىنا مينيسترلىگى «جابدىقتاردى كەڭ كولەمدى جاڭالاۋعا جانە تۇتىنۋ بۇيىمدارىنىڭ كونەسىن جاڭاسىنا اۋىستىرۋعا قولداۋ كورسەتۋدى ارتتىرۋ جونىندەگى ءبىرقانشا شارا» ۇقتىرۋىن جاريالاپ، 300 ميلليارد يۋان اينالاسىندا ۇزاق مەرزىمدىك ەرەكشە زايوم قاراجاتىن تاراتىپ، جابدىقتاردى كەڭ كولەمدى جاڭالاۋ مەن تۇتىنۋ بۇيىمدارىنىڭ كونەسىن جاڭاسىنا اۋىستىرۋعا قولداۋ كورسەتۋدى ارتتىرادى.

ۇقتىرۋدا اۆتوموبيلدى كەرەكتەن قالدىرىپ، جاڭاسىنا اۋىستىرۋعا بەرىلەتىن قوسىمشا قاراجات ولشەمىن جوعارىلاتۋ ورتاعا قويىلعان. «اۆتوموبيلدىڭ كونەسىن جاڭاسىنا اۋىستىرۋعا قوسىمشا قاراجات بەرۋ تۋرالى اتقارىلاتىن ناقتى ەرەجە» نەگىزىندە، جەكە تۇتىنۋشىلار كەرەكتەن قالدىرعان مەملەكەتتىك 3 – كەزەڭدەگى ولشەم مەن ودان تومەنگى ولشەمدەگى جانارمايمەن جۇرەتىن كولىكتىك اۆتوموبيلدەردى نەمەسە 2018 – جىلى 4 – ايدىڭ 30 – كۇنىنەن بۇرىن (سول كۇندى قامتيدى) تىركەۋگە الدىرىپ تىزىمدەتكەن جاڭا ەنەرگيالى كولىكتىك اۆتوموبيلدەردى كەرەكتەن قالدىرعان ءارى «اۆتوموبيل ساتىپ الۋ باجىسى ازايتىلاتىن نەمەسە كەشىرىم ەتىلەتىن جاڭا ەنەرگيالى اۆتوموبيل تيپتەرىنىڭ تىزىمدىگىنە» ەنگىزىلگەن جاڭا ەنەرگيالى اۆتوموبيلدى نەمەسە ىعىستىرۋ مولشەرى 2.0 ليتردەن تومەن جانارمايمەن جۇرەتىن كولىكتىك اۆتوموبيلدەردى ساتىپ العان تۇتىنۋشىلارعا بەرىلەتىن قوسىمشا قاراجات ولشەمى جوعارىلاتىلادى: جاڭا ەنەرگيالى كولىكتىك اۆتوموبيل ساتىپ الۋشىلارعا بەرىلەتىن قوسىمشا قاراجات 20 مىڭ يۋان، ىعىستىرۋ مولشەرى 2.0 ليتردەن تومەن جانارمايمەن جۇرەتىن كولىكتىك اۆتوموبيلدەردى ساتىپ الۋشىلارعا بەرىلەتىن قوسىمشا قاراجات 15 مىڭ يۋان. «اۆتوموبيلدىڭ كونەسىن جاڭاسىنا اۋىستىرعاندارعا قوسىمشا قاراجات بەرۋ جونىندەگى اتقارىلاتىن ناقتى ەرەجە» تاراتىلعان كۇننەن باستاپ قوسىمشا قاراجات الۋعا ءوتىنىش بەرگەن تۇتىنۋشىلارعا وسى ۇقتىرۋ بويىنشا قوسىمشا قاراجات بەرىلەدى. تۇتىنۋشىلار وسى ۇقتىرۋداعى ولشەم بويىنشا قوسىمشا قاراجات الۋعا ءوتىنىش بەرگەندە، كەرەكتەن قالدىراتىن سايكەستى اۆتوموبيل وسى ۇقتىرۋ شىعارىلعان كۇننەن بۇرىن ءوزىنىڭ اتىنا قوندىرىلعان بولۋى كەرەك.

كەلۋ قاينارى: حالىق تورابى