ەكى تاراۋ: وتباسىلىق ەلەكتر جابدىقتاردىڭ كونەسىن جاڭاسىنا اۋىستىرۋعا قولداۋ كورسەتىلەدى 

جۇڭگو اقپارات تورابىنىڭ 7 – ايدىڭ 25 – كۇنى بەرگەن حابارى. مەملەكەتتىك دامۋ – رەفورما كوميتەتى تورابىنىڭ حابارلاۋىنشا، مەملەكەتتىك دامۋ – رەفورما كوميتەتى مەن قازىنا مينيسترلىگى «جابدىقتاردى كەڭ كولەمدى جاڭالاۋعا جانە تۇتىنۋ بۇيىمدارىنىڭ كونەسىن جاڭاسىنا اۋىستىرۋعا قولداۋ كورسەتۋدى ارتتىرۋ جونىندەگى ءبىرقانشا شارا» ۇقتىرۋىن جاريالاپ، 300 ميلليارد يۋان اينالاسىندا ۇزاق مەرزىمدىك ەرەكشە زايوم قاراجاتىن تاراتىپ، جابدىقتاردى كەڭ كولەمدى جاڭالاۋ مەن تۇتىنۋ بۇيىمدارىنىڭ كونەسىن جاڭاسىنا اۋىستىرۋعا قولداۋ كورسەتۋدى ارتتىرادى.

ۇقتىرۋدا وتباسىلىق ەلەكتر جابدىقتاردىڭ كونەسىن جاڭاسىنا اۋىستىرۋعا قولداۋ كورسەتىلەتىنى ايتىلعان. جەكە تۇتىنۋشىلار 2 – دارەجەدەگى جانە ودان جوعارى دارەجەدەگى ەنەرگيا ۇنەمدەۋ ولشەمىندەگى نەمەسە سۋ ۇنەمدەۋ ولشەمىندەگى مۇزداتقىش، كىر جۋعىش، تەلەۆيزور، اۋا الماستىرعىش، كومپيۋتەر، سۋ ىسىتقىش، وتباسىلىق قازان – وشاق، ماي – ءتۇتىن سورعىش قاتارلى 8 ءتۇرلى وتباسىلىق ەلەكتر جابدىقتاردىڭ كونەسىن جاڭاسىنا اۋىستىرۋعا قوسىمشا قاراجات بەرىلەدى. قوسىمشا قاراجات بەرۋ ولشەمى ءونىمنىڭ ساتىلىم باعاسىنىڭ %15 ىندەي بولادى، 1 – دارەجە نەمەسە ودان جوعارى ەنەرگيا ۇنەمدەۋ نەمەسە سۋ ۇنەمدەۋ ولشەمىندەگى ونىمدەرگە تاعى دا ءونىمنىڭ ساتىلىم باعاسىنىڭ %5 ىندەي مولشەردە قوسالقى قوسىمشا قاراجات بەرىلەدى. ءاربىر تۇتىنۋشى ءار ءتۇرلى ونىمنەن بىرەۋىنە قوسىمشا قاراجات ءوتىنىش ەتۋىنە بولادى، ءاربىر ونىمگە بەرىلگەن قوسىمشا قاراجات سوماسى 2000 يۋاننان اسىپ كەتپەۋى كەرەك. ساۋدا مينيسترلىگى جەر – جەردىڭ ءىس جۇزىندىك جاعدايعا قاراي ءتيىمدى ساياساتتى ۇشتاستىرۋىنا جەتەكشىلىك ەتىپ، ساياساتتىڭ وتپەلى كەزەڭىنىڭ ورنىقتى دا ءتارتىپتى بولۋىنا كەپىلدىك ەتەدى.

كەلۋ قاينارى: حالىق تورابى