تولىق كۋرس كاسىپتەرىن رەتتەۋگە سايادى! وقۋ – اعارتۋ مينيسترلىگى ايقىن تۇراقتاندىردى 

«ۇقتىرۋدا» مىنالار ايقىن تۇراقتاندىرىلعان: جوعارى مەكتەپتەردىڭ شوعىرلى تىزبەك، جاساندى زەردە، كۆانت عىلىم – تەحنيكاسى، تىرشىلىك سالاماتتىعى، ەنەرگيا، جاسىل تيپتى تومەن كومىرتەكتى سالالار، شەتەلگە ساياتىن زاڭمەن جونگە سالۋ ىستەرى، حالىقارالىق تاراتۋ، حالىقارالىق ۇيىم، فينانس عىلىم – تەحنيكاسى قاتارلى ءتۇيىندى سالالارداعى قاتىستى كاسىپتەردى ورنالاستىرۋىنا قولداۋ كورسەتىپ، مەملەكەت ستراتەگياسىندىق دارىندىلار مەن شۇعىل قاجەتتى، كەمشىل دارىندىلاردى جەتىلدىرۋ نىساناسىن ورىنداۋ كەرەك.

جوعارى مەكتەپتەردىڭ جاڭاشا تەحنيكالىق عىلىمدار، جاڭاشا مەديتسينا، جاڭاشا اۋىل شارۋاشىلىعى عىلىمى، جاڭاشا قوعامدىق قۇرىلىم قۇرىلىسىن ىشكەرىلەي ورىستەتۋىنە، قازىرگى كاسىپتەردى جاڭعىرتىپ، ايقاسا توعىسقان جاڭا گۇلدەنگەن كاسىپتەردى جەتىلدىرىپ، ەرەكشەلىككە، ابزالدىققا يە كاسىپ شوعىرىن قالىپتاستىرۋىنا قولداۋ كورسەتۋ كەرەك.

«ۇقتىرۋدا» مىنالار تالاپ ەتىلگەن: ولكە دارەجەلى وقۋ – اعارتۋدى اكىمشىلىك جاقتان باسقارۋ تاراۋلارى كاسىپتەردى قوسۋ فورماسىن تەكسەرۋ قىزمەتىن ويداعىداي ىستەۋى، سول جەرگە شۇعىل قاجەت بولىپ وتىرعان كەمشىل كاسىپتەردىڭ، سونداي – اق جۇمىستانۋ مولشەرى تومەن كاسىپتەردىڭ تىزىمدىگىن جولداۋى، كاسىپ قۇرىلىمىن جاقسارتۋدا پايدالاناتىن ماتەريالمەن قامداۋى كەرەك.

مۇنان سىرت، «ۇقتىرۋدا» تاعى مىنالار ورتاعا قويىلعان، جوعارى مەكتەپتەر تولىق كۋرس كاسىپتەرىن ارتتىرۋ، ەكىنشى باكالاۆرلىق عىلىمي اتاق كاسىپتەرىن ارتتىرۋ، كاسىپتەردىڭ اتىن رەتتەۋ، كاسىپتەردىڭ عىلىمي اتاق بەرۋ ءتۇرى مەن ءبىلىم الاتىن جىل شەگىن رەتتەۋ، كاسىپتەردى كۇشىنەن قالدىرۋ، ت.ب. قىزمەتتەردى ورىستەتەتىن بولسا، 2024 – جىلى 7 – ايدىڭ 15 – كۇنىنەن 8 – ايدىڭ 31 – كۇنىنە دەيىن شوعىرلى تۇردە ەستەلىككە الدىرۋى نەمەسە تەكسەرىپ بەكىتۋگە ءوتىنىش بەرۋى كەرەك.

كەلۋ قاينارى: حالىق تورابى