پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسى شاڭحاي، حۋبەي، حىبەيدە ۇگىت - لەكسيا جاسادى (پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ)

«حالىق گازەتى»، 7 – ايدىڭ 28 - كۇنى شاڭحاي (ءتىلشى جۇي يۇنپىڭ). پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسى 7 – ايدىڭ 28 - كۇنى شاڭحايدا ۇگىت - لەكسيا جاسادى، ورتالىق ۇگىت - لەكسيا ۇيىرمەسىنىڭ مۇشەسى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، شاڭحاي قالالىق پارتكومنىڭ شۋجيى چىن جينيڭ ۇگىت - لەكسيادان بايانداما جاسادى.

بايانداما جاساۋ ماجىلىسىندە چىن جينيڭ باس شۋجي شي جينپيڭنىڭ پارتيا 20 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن جانە جالپى ءماجىلىستىڭ «قاۋلىسىن» ۇيرەنۋدى، دايەكتىلەندىرۋدى ارقاۋ ەتىپ، جالپى ءماجىلىستىڭ نەگىزگى تاقىرىبىن، باستى جەتىستىكتەرىن جانە كەلەلى ورنالاستىرۋلارىن تەرەڭ تۇسىنۋدەن پارتيا 20 - كەزەكتى ورتالىق كوميتەتىنىڭ ەكىنشى جالپى ماجىلىسىنەن بەرى پارتيا مەن مەملەكەت ىستەرىندە قول جەتكەن كەلەلى تابىستاردى جەتە تانىپ، رەفورمانى ونان ارى جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ داۋىرلىك استارى، تاريحي ورنى، بورىش ـ مىندەتى جانە كەلەلى پرينسيبى، كەلەلى ماسەلەسى، كەلەلى شاراسى سياقتى جاقتاردا پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحى جونىندە جان ـ جاقتى ۇگىت ـ لەكسيا جاسادى جانە ىشكەرىلەي تۇسىنىك جاسادى. ول بىلاي دەپ باسا دارىپتەدى: شاڭحاي باس شۋجي شي جينپيڭ تاپسىرعان كەلەلى رەفورما مىندەتتەرىن كورنەكتى ورىنعا قويىپ، كەلەلى مەملەكەتتىك ستراتەگيانىڭ جەتەكشىلىك رولىن كورنەكتىلەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا باستاماشىلدىق، جەتەكشىلىك جانە ۇلگىلىك رولىن تولىق ساۋلەلەندىرۋگە قۇلشىنۋى كەرەك.

چىن جينيڭ تاعى شاڭحاي ۇيىسۋ قۋاتى ينجەنەرياسى مۇراجايىنا كەلىپ، الەۋمەتتىك اۋماق، كاسىپورىن، مەكتەپتەردىڭ نەگىزگى ساتى ءبىرىنشى شەبىندەگى ۋاكىلدەرمەن پىكىر اۋىستىرىپ، پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ جونىندە كوپشىلىكپەن اسەرلەرىن اقتارىلا اڭگىمەلەپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋ، جالپى بارىستىق حالىق دەموكراتياسىن ءامالياتتا ايگىلەۋ سياقتى كوپشىلىك كوڭىل ءبولىپ وتىرعان تاقىرىپتار توڭىرەگىندە سۇراۋلارعا جاۋاپ قايتاردى.

«حالىق گازەتى»، 7 – ايدىڭ 28 – كۇنى، ۋحان (ءتىلشى ۋ جۇن). پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت ـ لەكسيا ۇيىرمەسىنىڭ بايانداما ءماجىلىسى 7 - ايدىڭ 27 - كۇنى حۋبەي ولكەسىنىڭ ۋحان قالاسىندا وتكىزىلدى. ورتالىق ۇگىت ـ لەكسيا ۇيىرمەسىنىڭ مۇشەسى، جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى مەڭگەرۋشىسىنىڭ ۇنەمىلىك ىستەرگە جاۋاپتى ورىنباسارى مىڭ شياڭفىڭ ۇگىت ـ لەكسيا بايانداماسىن جاسادى. نەگىزگى جانە بولىمشە ءماجىلىس الاڭدارىنان 17 مىڭنان استام ادام قاتىناستى.

بايانداما جاساۋ ماجىلىسىندە مىڭ شياڭفىڭ باس شۋجي شي جينپيڭنىڭ پارتيا 20 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە سويلەگەن ماڭىزدى ءسوزى مەن جالپى ءماجىلىستىڭ «قاۋلىسىن» تىعىز ارقاۋ ەتىپ، جاندى دا ناقتى مىسالداردان، ناقتى ساندى مالىمەتتەردەن پايدالانىپ، ”جالپى ءماجىلىستىڭ كەلەلى ءمانىن تەرەڭ تانۋ، يگەرۋ“، ”كەلەلى جەتىستىكتەردى تەرەڭ تانۋ، يگەرۋ“، ”جالپى ءماجىلىستىڭ جاۋھارى مەن ءمانىن تەرەڭ تانۋ“ ، ”كەلەلى رەفورما شارالارىن ىشكەرىلەي تانۋ، يگەرۋ“، ”جالپى ءماجىلىس رۋحىن دايەكتىلەندىرۋدى، تياناقتاندىرۋدى ويداعىداي يگەرۋدىڭ نەگىزگى تالاپتارىن تەرەڭ تانۋ“ سىندى 5 جاقتان پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحى جونىندە جۇيەلى بايىمداۋ جانە تەرەڭ تۇسىنىك جاسادى. ول ۇگىت ـ لەكسياسىندا مىنانى ءبىلدىردى: 300 دەن استام رەفورما شاراسى دامۋدىڭ قاجەتىنە ۇيلەسىپ، بۇقارانىڭ تىلەگىنە سايكەسىپ، حاۋىپ ـ قاتەر مەن سىن ـ سايىسقا جاۋاپ قايتارىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ بارلىق جاعىن قامتىپ، رەفورمانى اناعۇرلىم جاپپاي تەرەڭدەتۋدىڭ جالپى كورىنىستىك كارتاسىن قالىپتاستىردى.

7 – ايدىڭ 28 ـ كۇنى مىڭ شياڭفىڭ شياڭياڭ قالاسى شياڭچىڭ رايونى تانشيحۋ الەۋمەتتىك اۋماعى تانشيشين تۇرعىندار شاعىن رايونىنا بارىپ ۇگىت ـ لەكسيا جاسادى ءارى نەگىزگى ساتىداعى بۇقارانىڭ ۋاكىلدەرىمەن پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ، سونداي ـ اق پارتيا قۇرىلىسى ارقىلى نەگىزگى ساتىنى باسقارۋ، جۇمىسقا ورنالاستىرۋ، زەينەتكەرلىك، حالىقتىق كاسىپورىنداردىڭ دامۋى سياقتى تاقىرىپتار جونىندە پىكىر اۋىستىردى، ناق مايدان دۋمانعا بولەندى.

«حالىق گازەتى»، 7 – ايدىڭ 28 – كۇنى، شىجياجۋاڭ (ءتىلشى ما چىن). پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت ـ لەكسيا ۇيىرمەسى 7 - ايدىڭ 27 - كۇنىنەن 7 – ايدىڭ 28 - كۇنىنە دەيىن حىبەيدە ۇگىت ـ لەكسيا جاسادى. ورتالىق ۇگىت ـ لەكسيا ۇيىرمەسىنىڭ مۇشەسى، ساۋدا مينيسترلىگى پارتيا باسشىلىق گرۋپپاسىنىڭ شۋجيى، مينيستر ۋاڭ ۋىنتاۋ 7 - ايدىڭ 28 ـ كۇنى ۇگىت ـ لەكسيا بايانداماسىن جاسادى، حىبەي ولكەسىنىڭ نەگىزگى ءماجىلىس الاڭى مەن بولىمشە ءماجىلىس الاڭدارىندا 166 مىڭ ادام بايانداما جاساۋ ماجىلىسىنە قاتىناستى.

بايانداما جاساۋ ماجىلىسىندە ۋاڭ ۋىنتاۋ رەفورمانى اناعۇرلىم جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ داۋىرلىك استارىن، تاريحي ورنىن جانە بورىش ـ مىندەتتەرىن ىشكەرىلەي بايىمداپ، رەفورمانى اناعۇرلىم جاپپاي تەرەڭدەتۋدىڭ جەتەكشى يدەياسىن، باس نىساناسىن جانە كەلەلى پرينسيبىن ىشكەرىلەي بايىمداپ، جالپى ءماجىلىستىڭ «قاۋلىسىندا» العا قويىلعان ماڭىزدى رەفورما جاساۋ، جاڭالىق اشۋ شارالارى جونىندە ءتۇيىندى تۇسىنىك جاسادى. ول ۇگىت ـ لەكسياسىندا مىنانى ءبىلدىردى: رەفورما جاساپ، ەسىك اشۋ − پارتيا مەن حالىق ىستەرىنىڭ ارشىندى قاداممەن داۋىرگە ىلەسۋىندەگى ماڭىزدى اسىل. ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، رەفورما جاساپ، ەسىك اشۋ تۋىن بيىك ۇستاپ، جالپى ءماجىلىس رۋحىن دايەكتىلەندىرۋدى، تياناقتاندىرۋدى بار كۇشپەن ويداعىداي يگەرىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قۇلشىنا كۇرەس جۇرگىزۋىمىز كەرەك.

7 - ايدىڭ 27 ـ كۇنى تۇستەن كەيىن ۋاڭ ۋىنتاۋ حىبەي شيۇڭ ـ ان جاڭا رايونىندا، شىجياجۋاڭ قالاسىندا نەگىزگى ساتىنىڭ ءبىرىنشى شەبىندەگى كادرلار مەن بۇقاراعا پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇگىتتەدى ءارى كوپشىلىكپەن پىكىر اۋىستىردى.

كەلۋ قاينارى: حالىق تورابى