بورىش ارقالاۋدى كۇشەيتىپ، وي جەلىسىندە، شارادا جاڭالىق اشىپ، قىزمەتتى تياناقتاندىرۋدى مىقتى يگەرىپ، قۇدىرەتتى، بەرىك وسى زامانعى شەكارا، تەڭىز، اۋە قورعانىسىن قۇلشىنا قۇرۋ كەرەك

شينحۋا اگەنتتىگى، 7 - ايدىڭ 31 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 7 - ايدىڭ 30 - كۇنى تۇستەن كەيىن وسى زامانعى شەكارا، تەڭىز، اۋە قورعانىسى قۇرىلىسىن ىلگەرىلەتۋ جونىندە 16 ـ رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا ماڭىزدى ءسوز سويلەپ بىلاي دەپ باسا دارىپتەدى: وسى زامانعى شەكارا، تەڭىز، اۋە قورعانىسى قۇرىلىسىن ىلگەرىلەتۋ − مەملەكەت قورعانىسى مەن ارميانى وسىزامانداندىرۋدىڭ ىشكى تالابى، جوعارى دەڭگەيلى حاۋىپسىزدىك ارقىلى جوعارى ساپالى دامۋدى قامتاماسىزداندىرۋدا بولۋعا ءتيىستى مازمۇن، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە ماڭىزدى مانگە يە. جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، مەملەكەت حاۋىپسىزدىگى ستراتەگياسى مەن اسكەري ىستەر ستراتەگياسىنىڭ جالپى جاعدايىن تياناق ەتىپ، ەل ءىشى، حالىقارا سىندى ەكى جالپى جاعدايدى ءبىر تۇتاس جوسپارلاپ، شەكارا، تەڭىز، اۋە قورعانىسىنىڭ جاڭا جاعدايىن، جاڭا ەرەكشەلىگىن، جاڭا تالابىن يگەرىپ، بورىش پەن جاۋاپكەرشىلىكتى كۇشەيتىپ، وي جەلىسىندە، شارادا جاڭالىق اشىپ، قىزمەتتى تياناقتاندىرۋدى مىقتى يگەرىپ، قۇدىرەتتى، بەرىك وسى زامانعى شەكارا، تەڭىز، اۋە قورعانىسىن قۇلشىنا قۇرۋ كەرەك.

ورتالىق كوميتەت ساياسي بيۋروسىنىڭ وسى رەتكى توپتىق ۇيرەنۋى 1 - تامىز ارميا مەرەكەسى قارساڭىندا وتكىزىلدى. شي جينپيڭ پارتيا ورتالىق كوميتەتى مەن ورتالىق اسكەري ىستەر كوميتەتى اتىنان حالىق ازاتتىق ارمياسىنىڭ بارلىق كوماندير - جاۋىنگەرلەرىنىڭ، قارۋلى ساقشى بولىمدەرىنىڭ كوماندير - جاۋىنگەرلەرىنىڭ، ارميانىڭ اكىمشىلىك قىزمەتكەرلەرىنىڭ، زاپاستاعى حالىق جاساقتارىنىڭ مەرەكەسىن قۇتتىقتادى.

ورتالىق اسكەري ىستەر كوميتەتىنىڭ بىرىككەن شتابىنداعى حۋاڭ جيجۇڭ جولداس وسى زامانعى شەكارا، تەڭىز، اۋە قورعانىسى قۇرىلىسىن ىلگەرىلەتۋ ماسەلەسى جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى تالقى جۇرگىزدى.

شي جينپيڭ تۇسىنىك پەن تالقىنى تىڭداعاننان كەيىن ماڭىزدى ءسوز سويلەدى. ول مىنالاردى اتاپ كورسەتتى: شەكارا، تەڭىز، اۋە قورعانىسى − مەملەكەتتىڭ يەلىك ۇقىعىنىڭ ماڭىزدى بەلگىسى، مەملەكەت حاۋىپسىزدىگىنىڭ ماڭىزدى قاقپاسى، مەملەكەت دامۋىنىڭ ماڭىزدى كەپىلى، پارتيامىز ەجەلدەن ايرىقشا ءمان بەرىپ كەلەدى. پارتيانىڭ 18 - قۇرىلتايىنان بەرى پارتيا ورتالىق كوميتەتى شەكارا، تەڭىز، اۋە قورعانىسى قۇرىلىسىن ەل باسقارۋداعى ماڭىزدى ورىنعا قويۋعا تاباندى بولىپ، پارتيا، ۇكىمەت، ارميا، ساقشى، حالىقتىڭ كۇش بىرىكتىرىپ شەكارانى بەكەمدەپ، قورعانىستى نىعايتۋىن كۇشەيتىپ، شەكارا، تەڭىز، اۋە قورعانىسىنا باسشىلىق ەتۋ، باسقارۋ ءتۇزىلىسى، كۇش قۇرىلىمى، ساياسات - ءتۇزىم سياقتى ءبىر قىدىرۋ كەلەلى رەفورمالارعا باسشىلىق ەتىپ جانە ونى اتقارىپ، شەكارا، تەڭىز، اۋە قورعانىسىنىڭ ءبىر قىدىرۋ كەلەلى ارەكەتتەرىنە قولباسشىلىق ەتىپ، ەلىمىزدىڭ تەرريتوريا يەلىك ۇقىعى مەن تەڭىز - مۇحيت ۇقىق - مۇددەسىن پارمەندى قورعادى، مەملەكەتتىڭ حاۋىپسىزدىگى مەن دامۋ ستراتەگياسىنىڭ ىرىقتىلىعىن قورعادى. ەلىمىزدىڭ شەكارا، تەڭىز، اۋە قورعانىسى قۇرىلىسىندا تاريحي تابىستارعا قول جەتكىزىپ، جاڭا باستامادا تۇرمىز.

شي جينپيڭ مىنالاردى باسا دارىپتەدى: قازىر دۇنيە ءجۇزىنىڭ 100 جىلدىق وزگەرىس جاعدايى جەدەل قۇبىلىپ، ەلىمىزدىڭ شەكارا، تەڭىز، اۋە قورعانىسىنىڭ مازمۇنى مەن كولەمىندە تەرەڭ وزگەرىستەر تۋىلىپ، ىقپال فاكتورلارى اناعۇرلىم كۇردەلى بولىپ، شەكارا، تەڭىز، اۋە قورعانىسى قۇرىلىسى جاڭا وراي مەن سىن ـ سايىسقا ءدوپ كەلىپ وتىر. جۇيەلى كوزقاراسقا تاباندى بولىپ، جالپى جاعدايدى ءبىر تۇتاس جوسپارلاۋدى كۇشەيتىپ، وتاندى قورعاۋ، شەكارانى قورعاۋ جالپى تۇلعالىق قابىلەتىن جوعارىلاتۋ كەرەك. شەكارا، تەڭىز، اۋە قورعانىسى قۇرىلىسى مەن شەكارا، تەڭىز جاعالاۋىنداعى وڭىرلەردىڭ ەكونوميكالىق، قوعامدىق دامۋىن سايكەستى ىلگەرىلەتىپ، نەگىزدىك قۇرىلعىلاردى ۇلاستىرۋدى، تۇتاستىرۋدى جانە بىرگە قۇرۋدى، بىرگە پايدالانۋدى كۇشەيتىپ، حاۋىپسىزدىكتى ءونىمدى قورعاي الاتىن ءارى دامۋعا پارمەندى تىرەك بولا الاتىن شەكارا، تەڭىز، اۋە قورعانىسى قۇرىلىسى جاعدايىن قالىپتاستىرۋ كەرەك. عىلىم ـ تەحنيكالىق قۋاتتى كۇشەيتىپ، شەكارا، تەڭىز، اۋە قورعانىسىنىڭ جاڭاشا ءتاسىلى مەن شارت ـ جاعدايى قۇرىلىسىن كۇشەيتىپ، شەكارا، تەڭىز، اۋە قورعانىسىنىڭ سترەولدى، زەردەلى باسقارۋ ـ مەڭگەرۋ جۇيەسىن ورناتۋ كەرەك. قاتىستى ەلدەرمەن تاتۋ كورشىلىك دوستىقتى جانە ناقتى سەلبەستىكتى كۇشەيتىپ، شەكارا، تەڭىز، اۋە قورعانىسى قۇرىلىسىنا تاماشا توڭىرەكتىك ورتا ازىرلەۋ كەرەك.

شي جينپيڭ مىنالاردى اتاپ كورسەتتى: پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن مۇقيات دايەكتىلەندىرىپ، شەكارا، تەڭىز، اۋە قورعانىسىنداعى كەلەلى ماسەلەلەردى زەرتتەۋدى تەرەڭدەتىپ، قازىرگى رەفورما جەتىستىكتەرىن بەكەمدەپ جانە جوعارىلاتىپ، بەلگىلەنگەن رەفورما مىندەتتەرىنىڭ تياناقتانۋىن مىقتى يگەرىپ، كەيىنگى رەفورما جوسپارىن كۇشەيتىپ، شەكارا، تەڭىز، اۋە قورعانىسى قۇرىلىسىنىڭ جاڭالىق اشا دامۋىن ىلگەرىلەتۋ كەرەك. ءبىر جاعىنان جۇمىس جۇرگىزۋگە، ءبىر جاعىنان رەفورما جاساۋعا، ءبىر جاعىنان كەمەلدەندىرۋگە تاباندى بولىپ، شەكارا، تەڭىز قورعانىسىنا باسشىلىق ەتۋ، باسقارۋ ءتۇزىلىسىن ساپالىلاندىرىپ، ارميا مەن جەرگىلىكتى ورىندى اتتاعان سايكەستىرۋ مەحانيزمىن كەمەلدەندىرىپ، قاتىستى زاڭ ـ ءتۇزىم قۇرىلىسىن كۇشەيتىپ، شەكارا، تەڭىز قورعانىسىنىڭ ءتۇرلى قىزمەتتەرىنىڭ جۇيەلى، ءتارتىپتى، ىركىلىسسىز، جوعارى ءونىمدى بولۋىنا كەپىلدىك ەتۋ كەرەك. مەملەكەتتىڭ اۋە قاتىناسىن باسقارۋ قىزمەتىن ويداعىداي ىستەپ، تومەن كەڭىستىك ەكونوميكاسىنىڭ اقاۋسىز دامۋىن جەبەۋ كەرەك. اۋە شابۋىلىنان حالىقتىق قورعانۋ قۇرىلىسىنىڭ ۇلگىسىن ساپالىلاندىرىپ، وسى زامانعى اۋە شابۋىلىنان حالىقتىق قورعانۋ جۇيەسىن ورناتۋ كەرەك.

شي جينپيڭ بىلاي دەپ باسا دارىپتەدى: شەكارا، تەڭىز، اۋە قورعانىسى ارميا مەن جەرگىلىكتى ورىنداعى كوپتەگەن تاراۋلارعا، كوپتەگەن جىكتەرگە سايادى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتىپ، پارتيا، ۇكىمەت، ارميا، ساقشى، حالىقتىڭ كۇش بىرىكتىرىپ شەكارانى بەكەمدەپ، قورعانىستى بەكەمدەۋ ابزالدىعىن ساۋلەلەندىرىپ، شەكارا، تەڭىز، اۋە قورعانىسى قۇرىلىسىندا ارميا مەن جەرگىلىكتى ورىننىڭ جوباسىن ۇشتاستىرۋدى، مىندەتتى ۇشتاستىرۋدى، بايلىقتى ءبىر تۇتاس جوسپارلاۋدى كۇشەيتىپ، ارميا، ساقشى، حالىقتىڭ بىرلەسىپ قورعانۋىنا قولباسشىلىق ەتۋدى جانە ارەكەت سايكەستىگىن كۇشەيتىپ، ءبىر تۇتاس جۇيە قالىپتاستىرىپ، جۇدىرىقتاي جۇمىلۋ كەرەك. ارميا جەرگىلىكتى ورىندارمەن بەلسەندى، ىرىقتى تۇردە بايلانىس جاساۋى، سايكەسۋى كەرەك، ورتالىق پەن مەملەكەت ورگاندارىنىڭ قاتىستى تاراۋلارى، جەرگىلىكتى پارتكومدار مەن ۇكىمەتتەر مەملەكەت قورعانىسى تانىمىن كۇشەيتىپ، مىندەتىن مۇقيات اتقارىپ، جاۋاپكەرشىلىگىن ادا ەتىپ، مەملەكەت قورعانىسىن قۇرۋ جانە بەكەمدەۋ مىندەتتەرىن قاز ـ قالپىندا ويداعىداي تياناقتاندىرۋى كەرەك.

كەلۋ قاينارى: حالىق تورابى