جالپى ءماجىلىستىڭ رۋحىن ۇيرەنۋ، ۇگىتتەۋ، دايەكتىلەندىرۋ جاعىندا جاقسى اتويشى بولىپ، ورگان پارتيا قۇرىلىسىنىڭ ساپاسىن جاپپاي جوعارىلاتىپ، ۇلگىلى ورگان قۇرۋ كەرەك

«حالىق گازەتى»، 7 - ايدىڭ 31 - كۇنى، بەيجيڭ (ءتىلشى گىڭ لەي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ورتالىق پەن مەملەكەت ورگاندارىنىڭ پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋى، ورگان پارتيا قۇرىلىسىنىڭ جوعارى ساپالى دامۋىن ىلگەرىلەتۋى جونىندە ماڭىزدى نۇسقاۋ بەرىپ، مىنانى دارىپتەدى: پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ويداعىداي ۇيرەنۋ، ويداعىداي دايەكتىلەندىرۋ − قازىرگى جانە بۇدان بىلايعى ءبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى، ورتالىق پەن مەملەكەت ورگاندارى − پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ”العاشقى ءبىر شاقىرىمى“، جالپى ءماجىلىستىڭ رۋحىن ۇيرەنۋدە، ۇگىتتەۋدە، دايەكتىلەندىرۋدە جاقسى اتويشى بولۋ كەرەك.

شي جينپيڭ بىلاي دەپ باسا دارىپتەدى: جاڭا ءداۋىر، جاڭا جورىقتا پارتيانىڭ جاپپاي باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ جانە ونى كۇشەيتىپ، رەفورمانى اناعۇرلىم جاپپاي تەرەڭدەتۋدىڭ نەگىزگى تاقىرىبىن، كەلەلى پرينسيبىن، كەلەلى شارالارىن، ءتۇبىرلى كەپىلىن تەرەڭ ءتۇسىنىپ جانە يگەرىپ، رەفورمانى اناعۇرلىم جاپپاي تەرەڭدەتۋدە، جۇڭگو ۇلگىسىندەگى وسىزامانداندىرۋدى ىلگەرىلەتۋدە الدا ءجۇرىپ، ۇلگى كورسەتۋ كەرەك. پارتيا ورتالىق كوميتەتىنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىندىك توڭكەرىسى جونىندەگى ماڭىزدى يدەياسىن ىشكەرىلەي دايەكتىلەندىرىپ، ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ءماجىلىسىنىڭ رۋحىن دايەكتى تياناقتاندىرۋدىڭ امالياتتىق تاجىريبەلەرىن ويداعىداي قورىتىندىلاپ جانە پايدالانىپ، پارتيا قۇرىلىسى ءتۇزىمى رەفورماسىن تەرەڭدەتىپ، ”ەكىنى قورعاۋدى“ باستاماشىلدىقپەن ورىنداپ، نازاريامەن قارۋلانۋدى باستاماشىلدىقپەن تەرەڭدەتىپ، نەگىزگى ساتىنىڭ نەگىزىن باستاماشىلدىقپەن بەكەمدەپ، ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋدا باستاماشى بولىپ، ورگان پارتيا قۇرىلىسىنىڭ ساپاسىن جاپپاي جوعارىلاتىپ، ءبىرىنشى شەپتە ويداعىداي ءجۇرىپ، ”ۇشتە ۇلگى بولۋدى“ ويداعىداي ورىنداپ، ۇلگىلى ورگان قۇرۋ كەرەك. ورتالىق پەن مەملەكەت ورگاندارى قىزمەت كوميتەتى مىندەتىن اناعۇرلىم ويداعىداي اتقارىپ، جاۋاپكەرشىلىگىن ادا ەتىپ، دۇرىس جولدان تايماي، جاڭالىق اشىپ، تياناقتاندىرۋدى مىقتى يگەرىپ، جوعارى ساپالى پارتيا قۇرىلىسى ارقىلى جوعارى ساپالى دامۋدى جەبەۋ بارىسىندا جاڭا جاۋاپكەرلىك ارقالاپ، تىڭ ىسكەرلىك كورسەتۋى كەرەك.

ورتالىق پەن مەملەكەت ورگاندارىنىڭ پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ، ورگان پارتيا قۇرىلىسىنىڭ جوعارى ساپالى دامۋىن ىلگەرىلەتۋ اڭگىمە ءماجىلىسى 7 - ايدىڭ 31 ـ كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق پەن مەملەكەت ورگاندارى قىزمەت كوميتەتىنىڭ شۋجيى ساي چي ماجىلىسكە قاتىناسىپ، شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەدى.

ساي چي مىنالاردى اتاپ كورسەتتى: ورتالىق پەن مەملەكەت ورگاندارى ساياسي دەڭگەيدى جوعارىلاتىپ، پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن جانە باس شۋجي شي جينپيڭنىڭ ماڭىزدى نۇسقاۋىنىڭ رۋحىن ءبىر تۇتاس ويداعىداي ۇيرەنىپ، دايەكتىلەندىرىپ، ءۇشىنشى جالپى ءماجىلىستىڭ كەلەلى ءمانىن تەرەڭ تانىپ، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ءبىر قىدىرۋ جاڭا يدەيالارىن، جاڭا كوزقاراستارىن، جاڭا تۇجىرىمدارىن تەرەڭ ءتۇسىنىپ، ءۇشىنشى جالپى ءماجىلىستىڭ «قاۋلىسىنىڭ» باي مازمۇنىن تەرەڭ يگەرىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرۋى كەرەك. بورىشتى، مىندەتتى امالياتتا ايگىلەپ، ساياسي بەتالىستى مىقتاپ يگەرىپ، تۇلعالىق جاۋاپكەرشىلىكتى كۇشەيتىپ، رەفورمانى تياناقتاندىرۋدى مىقتاپ يگەرىپ، عىلمي ادىسكە تاباندى بولىپ، ءار دارەجەلى پارتيا ۇيىمدارى مەن پارتيا مۇشەلەرىنىڭ، كادرلاردىڭ رەفورمانى يگەرۋ، دامۋدى جەبەۋ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، كۇشتى جاۋاپكەرشىلىكپەن ءۇشىنشى جالپى ءماجىلىستىڭ رۋحىن ويداعىداي دايەكتىلەندىرۋ، تياناقتاندىرۋ كەرەك.

ساي چي سوڭعى جىلداردان بەرى ءارقايسى تاراۋلاردىڭ باس شۋجي شي جينپيڭنىڭ ورگان پارتيا قۇرىلىسى جونىندەگى ماڭىزدى ءسوزى مەن ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرۋدەگى ادىستەرى مەن ناتيجەلەرىن تولىق تۇراقتاندىرىپ، مىنالاردى باسا دارىپتەدى: ورتالىق پەن مەملەكەت ورگاندارىنداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار ساياسي ادالدىقتى كۇشەيتىپ، ساياسي قابىلەتتى جوعارىلاتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ امالياتتا ايگىلەۋدىڭ ءبىرىنشى شەبىندە ويداعىداي ءجۇرۋى كەرەك. قىزمەت جاۋاپكەرشىلىگىن تۇراقتاندىرۋدى مىقتاپ ارقاۋ ەتىپ، نازاريامەن قارۋلانۋدى تەرەڭدەتىپ، ۇيرەنۋ ارقىلى رۋحتى سومداۋ، ۇيرەنۋ ارقىلى اقىل ـ پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ باياندى مەحانيزمىن اقاۋسىزداندىرىپ، جاس كادرلاردى تاربيەلەۋدى، جەتەكتەۋدى كۇشەيتۋ؛ ولقىلىقتاردى تولىقتاۋدى، ءالسىز بۋىنداردى كۇشەيتۋدى ساپانى جوعارىلاتۋمەن، فۋنكتسيانى كۇشەيتۋمەن قاتار جۇرگىزۋگە تاباندى بولىپ، نەگىزگى ساتىنىڭ نەگىزىن بەكەمدەۋ؛ ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، فورماشىلدىقتان، تورەشىلدىكتەن ساقتانۋ جانە ونى باسقارۋ ءتۇزىم، مەحانيزمىن اقاۋسىزداندىرىپ، ۇنەمىلىك جانە شوعىرلى ءوزارا ۇشتاستىرىلعان ءتارتىپ تاربيەسى مەحانيزمىن ورناتۋ؛ ورگان پارتيا قۇرىلىسىنىڭ جاۋاپكەرشىلىگىن قاتاڭ تياناقتاندىرىپ، ءتۇزىمنىڭ قاتاڭ تەجەمىن ونان ارى كۇشەيتىپ، پارتيا قۇرىلىسى ءتۇزىمى رەفورماسىن تەرەڭدەتۋ ارقىلى ورگان پارتيا قۇرىلىسىنىڭ جوعارى ساپالى دامۋىن ىلگەرىلەتىپ، رەفورمانى ونان ارى جاپپاي تەرەڭدەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى كەپىلدىك ازىرلەۋ كەرەك.

ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى ورگانىنىڭ، ورتالىقتىڭ شەتەلدەرمەن بايلانىس جاساۋ ءبولىمىنىڭ، مەملەكەتتىك باس جۇمىسشى ۇيىمىنىڭ، مەملەكەتتىك دامۋ ـ رەفورما كوميتەتىنىڭ، عىلىم ـ تەحنيكا مينيسترلىگىنىڭ، مەملەكەتتىك كەڭەس كەڭسە مەڭگەرمەسىنىڭ جاۋاپتى جولداستارى پىكىر اۋىستىرىپ، ءسوز سويلەدى.

جياڭ شينجى ماجىلىسكە قاتىناستى.

ورتالىق پەن مەملەكەت ورگاندارىنىڭ قاتىستى تاراۋلارى پارتيا باسشىلىق گرۋپپاسىنىڭ (پارتكوم) شۋجيلەرى، ورتالىق پەن مەملەكەت ورگاندارىنىڭ ءارقايسى تاراۋلارى ورگان پارتكومىنىڭ شۋجيلەرى، ۇنەمىلىك ىستەرگە جاۋاپتى ورىنباسار شۋجيلەرى، ورتالىق پەن مەملەكەت ورگاندارى قىزمەت كوميتەتىندەگى جاۋاپتى جولداستار قاتارلىلار ماجىلىسكە قاتىناستى.

كەلۋ قاينارى: حالىق تورابى