شي جينپيڭ جاۋاپ حات جازىپ، نيڭبو تەكتى شياڭگاڭدىق كاسىپورىنشىلاردى شابىتتاندىردى

جاۋاپ حات

باۋ پەيچيڭ، ساۋ چييۇڭ قاتارلى نيڭبو تەكتى شياڭگاڭدىق كاسىپورىنشىلار:

سالەمەتسىزدەر مە! حاتتارىڭىزدى تاپسىرىپ الدىم. تالاي جىلدان بەرى سىزدەر اعا بۋىنداردىڭ وتاندى ءسۇيۋ، اۋىلدى ءسۇيۋ تاڭداۋلى داستۇرىنە مۇراگەرلىك ەتىپ، بەلسەنە جاڭالىق اشىپ، يگىلىك جاراتىپ، جىلۋ اتاپ، وقۋعا كومەك بەرىپ، اتا مەكەندەرىڭىزدىڭ قۇرىلىسى مەن مەملەكەتتىڭ دامۋىنا ۇلەس قوسىپ، ءىس جۇزىندىك ارەكەتتەرىڭىز ارقىلى ۇرپاقتان ـ ۇرپاققا جالعاسقان وتانشىلدىق سەزىمدەرىڭىزدى، اتا مەكەنگە دەگەن سۇيىسپەنشىلىكتەرىڭىزدى ايگىلەدىڭىزدەر.

جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ بارلىق جۇڭحۋا ۇلاندارىنىڭ زەيىن ـ زەردەنى، كۇش ـ قۋاتتى شوعىرلاندىرىپ، قول ۇستاسا كۇرەس جۇرگىزۋىن قاجەت ەتەدى. سىزدەردىڭ ءوز ارتىقشىلىقتارىڭىزدى ۇزدىكسىز ساۋلەلەندىرىپ، مەملەكەتتىڭ رەفورما جاساپ، ەسىك اشۋ جالپى جاعدايىمەن بەلسەندى، ىرىقتى تۇردە توعىسىپ، جۇڭگو ۇلگىسىندەگى وسىزامانداندىرۋ قۇرىلىسىنا كەرپىش بولىپ قالانىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ ۇلەس قوسۋلارىڭىزدى ءۇمىت ەتەمىن.

شي جينپيڭ 2024 – جىلى 7 – ايدىڭ 30 – كۇنى

(شينحۋا اگەنتتىگى، 8 - ايدىڭ 1 – كۇنى، بەيجيڭ)

شينحۋا اگەنتتىگى، 8 ـ ايدىڭ 1 ـ كۇنى، بەيجيڭ. تاياۋدا مەملەكەت ءتوراعاسى شي جينپيڭ باۋپەيچيڭ، ساۋ چييۇڭ قاتارلى نيڭبو تەكتى شياڭگاڭدىق كاسىپورىنشىلارعا جاۋاپ حات جازىپ، ولاردى شىنايى شابىتتاندىردى.

شي جينپيڭ بىلاي دەپ اتاپ كورسەتتى: تالاي جىلدان بەرى سىزدەر اعا بۋىنداردىڭ وتاندى ءسۇيۋ، اۋىلدى ءسۇيۋ تاڭداۋلى داستۇرىنە مۇراگەرلىك ەتىپ، بەلسەنە جاڭالىق اشىپ، يگىلىك جاراتىپ، جىلۋ اتاپ، وقۋعا كومەك بەرىپ، اتا مەكەندەرىڭىزدىڭ قۇرىلىسى مەن مەملەكەتتىڭ دامۋىنا ۇلەس قوسىپ، ءىس جۇزىندىك ارەكەتتەرىڭىز ارقىلى ۇرپاقتان ـ ۇرپاققا جالعاسقان وتانشىلدىق سەزىمدەرىڭىزدى، اتا مەكەنگە دەگەن سۇيىسپەنشىلىكتەرىڭىزدى ايگىلەدىڭىزدەر.

شي جينپيڭ بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ بارلىق جۇڭحۋا ۇلاندارىنىڭ زەيىن ـ زەردەنى، كۇش ـ قۋاتتى شوعىرلاندىرىپ، قول ۇستاسا كۇرەس جۇرگىزۋىن قاجەت ەتەدى. سىزدەردىڭ ءوز ارتىقشىلىقتارىڭىزدى ۇزدىكسىز ساۋلەلەندىرىپ، مەملەكەتتىڭ رەفورما جاساپ، ەسىك اشۋ جالپى جاعدايىمەن بەلسەندى، ىرىقتى تۇردە توعىسىپ، جۇڭگو ۇلگىسىندەگى وسىزامانداندىرۋ قۇرىلىسىنا كەرپىش بولىپ قالانىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ ۇلەس قوسۋلارىڭىزدى ءۇمىت ەتەمىن (جاۋاپ حاتتىڭ تولىق مازمۇنى بولەك جاريالاندى).

تاياۋ زاماننان بەرى ءبىر توپ نيڭبولىق نيڭبودان شىعىپ، ساۋدا مەن ونەركاسىپتىڭ دامۋىنا ءمان بەرىپ، وتانمەن تىلەكتەس بولىپ، توڭىرەكتىڭ ءتورت بۇرىشىنان كەلگەن ساۋداگەرلەر شوعىرىن بىرتىندەپ قالىپتاستىردى، باۋ يۇيگاڭ، شاۋ ي - فۋ قاتارلى وتاندى، اۋىلدى سۇيەتىن ايگىلى قايراتكەرلەر جارىققا شىعىپ، وتان مەن اتا مەكەننىڭ قۇرىلىسىنا بەلسەندى ۇلەس قوسىپ، ”نيڭبو توبى“ دەپ اتالدى. 1984 - جىلى دىڭ شياۋپيڭ جولداس ”بۇكىل دۇنيە جۇزىندەگى ’نيڭبو توبىن‘ جۇمىلدىرىپ، نيڭبو قالاسىن گۇلدەندىرەيىك“ دەپ نۇسقاۋ بەردى. شي جينپيڭ جىجياڭدا قىزمەت ىستەگەن كەزىندە ”نيڭبو توبىنداعى“ قايراتكەرلەرگە تالاي رەت كوڭىل بولەتىندىگىن ءبىلدىردى ءارى شىنايى ءۇمىت ارتتى. تاياۋدا باۋ پەيچيڭ، ساۋ چييۇڭ قاتارلى شياڭگاڭ ”نيڭبو توبىنىڭ“ ۇرپاقتارى ءتوراعا شي جينپيڭگە حات جازىپ، وزدەرىنىڭ اعا بۋىنداردىڭ تاڭداۋلى داستۇرىنە مۇراگەرلىك ەتۋ، مەملەكەتتىڭ دامۋىنا بەلسەنە قىزمەت وتەۋ سياقتى جاعدايلارىنان مالىمەت بەرىپ، وتاننىڭ وسىزامانداندىرۋ قۇرىلىسىنا ۇزدىكسىز ۇلەس قوسۋ بەكىمىن بىلدىرگەن بولاتىن.

كەلۋ قاينارى: حالىق تورابى