ءبىر كۇندە بۇرعىلاعان تەرەڭدىگى 2006 مەتر بولدى! ەلىمىز قۇرلىقتاعى ەرەكشە تەرەڭ قۇدىقتى بۇرعىلاۋ قارقىنى جاعىندا جاڭا رەكورد جاراتتى

ءتىلشىنىڭ 8 – ايدىڭ 7 – كۇنى جۇڭگو مۇناي سەرىكتەستىگىنەن ۇعىسۋىنشا، تاكلاماكان ءشولىنىڭ جيەگىنە ورنالاسقان ەرەكشە تەرەڭ قۇدىقتى بۇرعىلاۋ مىندەتى اياقتالعان، وسى مەزگىلدە، ەڭ تەز بولعاندا ءبىر كۇندە جەر استىنا قاراي 2006 مەتر تەرەڭدىكتە بۇرعىلاپ، ەلىمىزدىڭ قۇرلىقتاعى ەرەكشە قۇدىقتى بۇرعىلاۋ مىندەتىندەگى كۇندىك بۇرعىلاۋ قارقىنىندا رەكورد جاراتقان، بۇل ەلىمىزدىڭ ەرەكشە تەرەڭ قۇدىقتى بۇرعىلاۋدى جەدەلدەتۋ تەحنيكاسى جاعىندا جاڭا ناتيجەگە قول جەتكىزگەنىن كورسەتەدى.

جىل باسىنان بەرى، تارىم مۇناي الابى قۇدىق بۇرعىلاۋ جىلدامدىعىن جەدەلدەتۋ ارقىلى تارىم ويپاتىنداعى ەرەكشە تەرەڭ قاباتتاعى مۇناي مەن تابيعي گازدى بارلاۋ – اشۋ مىندەتىن جاپپاي ىلگەرىلەتىپ، قۇدىق قازۋ پەريودى %20 تەن ارتىق تومەندەگەن، ەلىمىزدىڭ تەرەڭ قۇدىقتى بۇرعىلاۋ رەكوردىن كوپ رەت جاڭالاعان، ەرەكشە تەرەڭ قاباتتاعى مۇناي مەن تابيعي گاز بايلىعىن كادەگە جاراتۋ قادامىن جاپپاي جەدەلدەتكەن. (باس ستانسيا ورتالىق تەلەۆيزيا ءتىلشىسى جاڭ ۋەي، شينجياڭ تەلەۆيزياسى)

كەلۋ قاينارى: حالىق تورابى