ساۋدا مينيسترلىگى: ا ق ش جاقتى جۇڭگوعا باعىتتالعان بارلىق باجى ۇستەمەلەۋ شارالارىن تەز ارادا بۇكىلدەي كۇشىنەن قالدىرۋعا قۋزايمىز

9 – ايدىڭ 26 – كۇنى تۇستەن كەيىن، ساۋدا مينيسترلىگى كەزەكتى تىلشىلەردى قابىلداۋ ءماجىلىسىن اشتى، اقپارات قۇرالىنىڭ ءتىلشىسى بىلاي دەپ سۇرادى: ا ق ش – نىڭ ساۋدا ۋاكىلى كەڭسەسىنىڭ ايتۋىنشا، جۋىردا ۆولفرام ونىمدەر، كرەمني پارشاسى جانە كوپ كريستالدى كرەمني قاتارلى 5 ءتۇرلى ءونىم تۇرىنە قاتىستى كەدەن باجىسىنىڭ مولشەرىن 301 – تارماققا ساي جوعارىلاتۋ ءارى وسى اپتادان باستاپ قاتىستى ونىمدەردەن الىناتىن كەدەن باجىسىن زور مولشەردە جوعارىلاتۋ جوسپارى جونىندە جۇرتشىلىقتان پىكىر الۋ تۋرالى ۇسىنس بەرگەن، ساۋدا مينيسترلىگى وسى جونىندە قانداي پىكىر بىلدىرەدى؟

وسى تۋرالى ساۋدا مينيسترلىگىنىڭ مالىمدەمەشىسى حى يۇڭچيان مىنانى ءبىلدىردى: جۇڭگو جاق ا ق ش جاقتىڭ 301 – تارماق بويىنشا كەدەن باجىسىن ۇستەمەلەۋ ارەكەتىنە ەجەلدەن بەرى قاسى تۇرىپ كەلەدى، تالاي رەت وسى جايلى قاتاڭ سويلەسكەن. دۇنيە جۇزىلىك ساۋدا ۇيىمى ا ق ش - نىڭ 301 – تارماق بويىنشا كەدەن باجىسىن ۇستەمەلەۋى دۇنيە جۇزىلىك ساۋدا ۇيىمىنىڭ ەرەجەلەرىنە قايشى كەلەدى دەپ الدەقاشان كەسىم شىعارعان، ا ق ش جاقتىڭ جۋىردان بەرگى ارەكەتى قاتە جولمەن بارعان سايىن الىستاعاندىق.

حى يۇڭچيان ءسوزىن بىلاي دەپ تولىقتادى: ”ءبىز ا ق ش جاقتى ءار سالاداعىلاردىڭ ۇنىنە وبيەكتيۆ، بايسالدى تۇردە جاۋاپ قايتارۋعا، دۇنيە جۇزىلىك ونىمدەرمەن قامداۋ تىزبەگىنىڭ حاۋىپسىزدىگىن جانە جۇڭگو مەن ا ق ش ەكى ەلدەگى تۇتىنۋشىلاردىڭ، وندىرۋشىلەردىڭ ءتول مۇددەسىن قورعاۋ تۇرعىسىن شىعار ءتۇيىن ەتىپ، جۇڭگوعا باعىتتالعان كەدەن باجىسىن ۇستەمەلەيتىن بارلىق شارالارىن تەز ارادا كۇشىنەن قالدىرۋعا، ەكى ەلدىڭ ەكونوميكا – ساۋدا سالاسىنداعى سەلبەستىگىنە اقاۋسىز، بولجاۋعا بولاتىن ورتا جاراتۋعا قۋزايمىز“.

كەلۋ قاينارى: حالىق تورابى