ەتتى سيىر مەن ءسۇتتى سيىر ءوسىرۋ كاسىبىن ورنىقتىرادى

شينحۋا اگەنتتىگىنىڭ ءتىلشىسى يۇي ۋىنجيڭ 9 – ايدىڭ 26 – كۇنى بەيجيڭنەن حابارلايدى. ءتىلشىنىڭ 9 – ايدىڭ 26 – كۇنى اۋىل شارۋاشىلىعى جانە اۋىل – قىستاق مينيسترلىگىنەن ۇعىسۋىنشا، اۋىل شارۋاشىلىعى جانە اۋىل – قىستاق مينيسترلىگى، مەملەكەتتىك دامۋ – رەفورما كوميتەتى قاتارلى جەتى تاراۋ جۋىردا ەتتى سيىر مەن ءسۇتتى سيىر ءوسىرۋ كاسىبىن ورنىقتى دامىتۋدى ىلگەرىلەتۋ تۋرالى ۇقتىرۋدى باسىپ تاراتتى، ەتتى سيىر مەن ءسۇتتى سيىر ءوسىرۋ كاسىبىن ورنىقتىرۋ جونىندە ورنالاستىرۋ جاساپ، باعىمشىلىق الاڭدارىنىڭ قيىنشىلىق قىسپاعىنان وتۋىنە كومەكتەسەدى.

ۇقتىرۋداعى ورنالاستىرۋلارعا ساي، ەلىمىز ەتتى سيىر مەن ءسۇتتى سيىر بازالارىنىڭ وندىرىستىك قۋاتىن ورنىقتىرۋعا كۇش سالىپ، جەر – جەردەن ەنەلىك سيىر شوعىرىنىڭ نەگىزىن كەڭەيتۋ جانە ساپاسىن جوعارىلاتۋ نىسانىن جەدەل اتقارىپ، ءسۇتتى سيىر باعاتىن وتباسىلىق مال شارۋاشىلىعى الاڭدارى مەن ءسۇتتى سيىر باعاتىن سەلبەستىك كوپەراتيۆتەرى قاتارلى جاڭا تيپتەگى تيجارات نەگىزگى تۇلعالارىن جەتىلدىرۋدى؛ استىقتى جەم – شوپكە اينالدىرۋعا قولداۋ كورسەتۋ ساياساتىن ويداعىداي، جەتكىلىكتى پايدالانۋدى، ساپالى جەم – ءشوپتى جيناۋ - ساقتاۋ ءۇردىسىن جەدەل ىلگەرىلەتۋدى؛ ءسۇت شارۋاشىلىعى سالاسىنداعى باعىمشىلىق پەن مانەرلەۋدى ءبىرتۇلعالاندىرىپ دامىتۋدى ىلگەرىلەتىپ، شيكى ءسۇتتى ساتىپ الۋ – ساۋدالاۋ ءتارتىبىن ورنىقتىرىپ، مانەرلەنگەن سۇتكە قوسىلاتىن قوسپالار مەن بەلگىلەردى باسقارۋدى ىلگەرىلەتۋدى تالاپ ەتەدى.

ۇقتىرۋدا مىنالار تالاپ ەتىلگەن: قارىزعا قاتىستى قامسىزداندىرۋ ساياساتىمەن قولداۋ كورسەتۋدى كۇشەيتىپ، ەتتى سيىر مەن ءسۇتتى سيىر باعىمشىلىعى الاڭدارىنىڭ اق تىزىمدىگى ءتۇزىمىن ورناتىپ، ۋاقىتشا قيىنشىلىققا ۇشىراعان باعىمشىلىق وتباسىلارعا ۇيلەسىمدى تۇردە قارىز قايتارۋدى كەشەۋىلدەتۋ مەرزىمى، جالعاستى قارىز بەرۋ قاتارلى تاسىلدەر ارقىلى قولداۋ كورسەتىپ، قارىزدى كوزسىزدىكپەن قايتارىپ الماۋ، قارىزدى توقتاتپاۋ، قارىزدىڭ مەرزىمىن شەكتەمەۋ كەرەك. ءتىرى ەتتى سيىر مەن ءسۇتتى سيىر، باعىمشىلىق قوراسى قاتارلىلاردى كەپىلگە قويۋعا بولاتىن زاتتار كولەمىنە ەنگىزىپ، بانكە قۇرىلىمدارىن ”سۇرلەم قارىزى“ قاتارلى ارناۋلى فينانستىق ونىمدەرگە قاتىستى جاڭالىق اشۋىنا شابىتتاندىرۋ كەرەك. جەرگىلىكتى جاعدايعا قاراي ەتتى سيىر باعىمشىلىعى مەن ەنەلىك سيىردىڭ نەگىزدىك شوعىرىنا ساياتىن باعىمشىلىقتى دامىتۋدى قامسىزداندىرۋعا قولداۋ كورسەتۋ كەرەك.

ۇقتىرۋدا مىنالار ايقىن تۇراقتاندىرىلعان: كەدەيلىكتەن ارىلعان وڭىرلەر مەن كەدەيلىكتەن ارىلعان جۇرتشىلىقتىڭ ەتتى سيىر جانە ءسۇتتى سيىر شارۋاشىلىعىمەن شۇعىلدانۋىنا قولداۋ كورسەتۋ كۇشەيتىلەدى؛ ەتتى سيىر مەن ءسۇتتى سيىر شارۋاشىلىعىنا قاتىستى تۇتىنۋ ىلگەرىلەتىلەدى، سيىردىڭ شيكى ەتىنىڭ، سيىردىڭ شيكى ءسۇتىنىڭ ساپاسىن جانە قورەكتىك قۇنىن عىلىمي ۇگىتتەۋ، ايگىلەۋ ىلگەرىلەتىلەدى، ”وقۋشىلاردىڭ ءسۇت ءىشۋى“ جالپىلاستىرىلادى، شارت – جاعدايى بار جەرلەردىڭ تۇتىنۋ بەلەتىن تاراتۋ قاتارلى تاسىلدەر ارقىلى سيىر ءسۇتىن تۇتىنۋدى ىلگەرىلەتۋىنە شابىت بەرىلەدى؛ ءوندىرىس جاعدايىنا تالداۋ جاساۋ، تۇجىرىم جاساۋ جانە دابىل قاعىپ، جەتەكشىلىك ەتۋ كۇشەيتىلەدى؛ ءبىر توپ جوعارى ءونىمدى قولدانىلمالى تەحنيكالار شوعىرلى تۇردە جالپىلاستىرىلىپ، وزىندىك قۇندى ۇنەمدەپ، ساپاسىن جوعارىلاتۋدى، ونىمدىلىگىن ارتتىرۋدى ىسكە اسىرادى.

كەلۋ قاينارى: حالىق تورابى