8 – ايدا مەملەكەت بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى 23210 ماسەلە تەكسەرىلىپ ءبىرجاقتى ەتىلدى

حالىق گازەتىنىڭ ءتىلشىسى جاۋ چىڭ 9 – ايدىڭ 26 – كۇنى بەيجيڭنەن حابارلايدى. ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ كوميتەتى تورابى 9 – ايدىڭ 26 – كۇنى مەملەكەت بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن ماسەلەلەردى انىقتاپ ءبىرجاقتى ەتۋگە قاتىستى ايلىق ساندى مالىمەتتى جاريالادى. حابارلاندىرۋعا قاراعاندا، بيىل 8 – ايدا مەملەكەت بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن ماسەلەلەردەن 23210 ماسەلە تەكسەرىلىپ ءبىرجاقتى ەتىلگەن، سىن ايتىلعان، ءتالىم – تاربيە بەرىلگەن جانە ءبىرجاقتى ەتىلگەن ادام سانى 33696 ادام (ايماق – مەڭگەرمە دارەجەلى 86 كادر، اۋدان – باسقارما دارەجەلى 1217 كادر قامتىلعان) بولعان، پارتيا ءتارتىبى جانە اكىمشىلىك ىستەر بويىنشا 23113 ادامعا جازا بەرىلگەن.

ۇقتىرۋعا قاراعاندا، بيىل 8 – ايدا ەلىمىز بويىنشا فورماشىلدىققا، تورەشىلدىككە ساياتىن 11203 ماسەلە تەكسەرىلىپ ءبىرجاقتى ەتىلگەن، سىن ايتىلعان، ءتالىم – تاربيە بەرىلگەن جانە ءبىرجاقتى ەتىلگەن ادام سانى 17355 ادام بولعان. مۇنىڭ ىشىندە، ”مىندەتىن اتقارىپ، جاۋاپكەرشىلىگىن ادا ەتۋ، ەكونوميكا مەن قوعام دامۋىنا قىزمەت وتەۋ جانە ەكولوگيالىق ورتانى قورعاۋ جاقتارىندا جاۋاپكەرشىلىگىن اتقارماۋ، شارا قولدانباۋ، الباتى شارا قولدانۋ، جالعان شارا قولدانۋ، جوعارى ساپالى دامۋعا اۋىر ىقپال جاساۋ“ قاتارلى جاقتارداعى ماسەلەلەر ەڭ كوپ بولىپ، 9889 ماسەلە انىقتالىپ ءبىرجاقتى ەتىلگەن، سىن ايتىلعان، ءتالىم – تاربيە بەرىلگەن جانە ءبىرجاقتى ەتىلگەن ادام سانى 15187 ادام بولعان.

ۇقتىرۋعا قاراعاندا، بيىل 8 – ايدا ەلىمىز بويىنشا راقاتقۇمارلىققا سالىنۋعا، ىسىراپشىلدىققا قاتىستى ماسەلەلەردەن 12007 ماسەلە تەكسەرىلىپ ءبىرجاقتى ەتىلگەن، سىن ايتىلعان، ءتالىم – تاربيە بەرىلگەن جانە ءبىرجاقتى ەتىلگەن ادام سانى 16341 ادام بولعان. مۇنىڭ ىشىندە، ايگىلى جەرگىلىكتى ونىمدەر مەن اقشالاي، زاتتاي تارتۋ تارالعى الۋعا، ۇسىنۋعا قاتىستى ماسەلەلەردەن 5704 ماسەلە تەكسەرىلىپ ءبىرجاقتى ەتىلگەن، قامقورلىق قاراجات پەن قوسىمشا قاراجاتتى نەمەسە يگىلىك بۇيىمدارىن بەلگىلەمەگە قايشى تاراتۋعا قاتىستى ماسەلەلەردەن 1951 ماسەلە، بەلگىلەمەگە قايشى جەپ – ءىشۋ ماسەلەلەرىنەن 2856 ماسەلە تەكسەرىلىپ ءبىرجاقتى ەتىلگەن.

كەلۋ قاينارى: حالىق تورابى