تياناقتاندىرىلدى! ءۇي ساتىپ الۋعا بانكەدەن العان قارىزدىڭ قالعان بولىگىنىڭ ءوسىمىن تومەندەتەتىن ۋاقىت ايقىن تۇراقتاندىرىلدى 

جۇڭگو حالىق بانكەسىنىڭ بازارداعى ءوسىم مولشەرىن بەلگىلەۋ جانە تەجەمدىلىك مەحانيزمىنىڭ 9 – ايدىڭ 29 – كۇنى دارىپتەمە جاريالاۋىنا جەتەكشىلىك ەتكەن، ءارقايسى ساۋدالىق بانكەلەر ءۇي ساتىپ الۋعا بانكەدەن العان قارىزدىڭ (ءبىرىنشى، ەكىنشى ۇيگە جانە ونان كوپ ۇيگە) قالعان بولىگىنىڭ ءوسىم مولشەرىن 2024 – جىلى 10 – ايدىڭ 31 – كۇنىنەن بۇرىن ءبىرتۇتاس توپتىق رەتتەۋى كەرەك، تومەندەتۋ مولشەرى LPR دان كەمىندە 30 نەگىزدىك نۇكتە تومەن بولۋى كەرەك. مەملەكەتتىك سيپاتتاعى 18 ساۋدالىق بانكەنىڭ ەگجەي – تەگجەيلى اتقارۋ ەرەجەسىن جاريالاۋى پرينسيپتىك جاقتان 10 – ايدىڭ 12 – كۇنىنەن كەشەۋىلدەمەۋى كەرەك.

ءتىلشىنىڭ ءوسىم مولشەرىندەگى تەجەمدىلىك مەحانيزمىنەن ۇعىسۋىنشا، قازىر ءۇي ساتىپ الۋعا جاڭادان تاراتىلعان قارىزدىڭ ءوسىم مولشەرىنە قاتىستى ساياساتتىڭ ەڭ تومەنگى شەگىن بەلگىلەگەن بەيجيڭ، شاڭحاي، شىنجىن قاتارلى قالالاردا رەتتەۋ جۇرگىزىلگەننەن كەيىنگى ءوسىم رەتتەۋ مولشەرى جەرگىلىكتى ورىننىڭ ەڭ تومەنگى ءوسىم رەتتەۋ شەگىنەن تومەن بولماۋى كەرەك.

وسىنىڭ الدىندا، جۇڭگو حالىق بانكەسىنىڭ باستىعى پان گۇڭشىڭنىڭ 9 – ايدىڭ 24 – كۇنى وتكىزىلگەن مەملەكەتتىك كەڭەستىڭ اقپار جاريالاۋ ماجىلىسىندە جاريالاۋىنشا، ءۇي ساتىپ الۋعا بانكەدەن العان قارىزدىڭ قالعان بولىگىنىڭ ءوسىم مولشەرى تومەندەتىلىپ، ساۋدا بانكەلەرىنىڭ ءۇي ساتىپ الۋعا بانكەدەن العان قارىزدىڭ قالعان بولىگىنىڭ ءوسىم مولشەرىن ءۇي ساتىپ الۋعا جاڭادان العان قارىزدىڭ ءوسىم مولشەرىنىڭ دەڭگەيىنە تاياۋ مولشەرگە دەيىن تومەندەتۋىنە جەتەكشىلىك ەتەدى، مەجەمەن ورتا ەسەپپەن تومەندەتۋ مولشەرى 0.5 پايىز اينالاسىندا بولادى.

كەلۋ قاينارى: حالىق تورابى