مەملەكەتتىك راديو – تەلەۆيزيا باس مەڭگەرمەسى: سىمدى تەلەۆيزور مەن IPTV دى اشقان كەزدە شىعاتىن جارنامالار جاپپاي كۇشىنەن قالدىرىلدى 

مەملەكەتتىك كەڭەستىڭ اقپارات كەڭسەسى 9 – ايدىڭ 27 – كۇنى وتكىزگەن ”جوعارى ساپالى دامۋدى ىلگەرىلەتۋ“ جەلىلەس نەگىزگى تاقىرىپتىق اقپار جاريالاۋ ماجىلىسىندە، مەملەكەتتىك راديو – تەلەۆيزيا باس مەڭگەرمەسىنىڭ قاتىستى جاۋاپتىسىنىڭ تانىستىرۋىنشا، بىلتىر تەلەۆيزورداعى ”ءۇستى – ۇستىنە“ اقى الۋدى جانە مەڭگەرۋدىڭ كۇردەلى بولۋىن جونگە سالۋ ارەكەتى ىشكەرىلەي ورىستەتىلگەننەن بەرى، حالىق جۇرتشىلىعىنىڭ ”تەلەۆيزور كورۋدىڭ قيىن بولۋى، تەلەۆيزور كورۋدەن جالىعۋ“ ماسەلەسى ءونىمدى شەشىم ەتىلدى.

بۇكلى ەلىمىزدەگى وتباسىلىق سىمدى تەلەۆيزور مەن IPTV قولدانۋشىلاردىڭ 80 پايىزدان استامى تەلەۆيزوردى اشقان كەزدە تىكە تاراتىلىمدى كورە الۋدى ىسكە اسىردى، 200 مىڭنان استام قوناق ۇيدەگى 11 ميلليوننان استام قوناق بولمەسىندە ”تەلەۆيزور كورۋدىڭ قولايلى بولۋى“ ىسكە اسىرىلدى.

سىمدى تەلەۆيزور، IPTV جانە ينتەرنەتتىك تەلەۆيزور تەرمينالدارىنان 560 ميلليونىندا اقى الىناتىن نىسانداردىڭ %50 تەن استامىن ازايتۋ نىساناسى ىسكە اسىرىلىپ، تەگىن كورۋگە بولاتىن باعدارلامالار زور مولشەردە ارتتى.

سىمدى تەلەۆيزور مەن IPTV دى اشقان كەزدە شىعاتىن جارنامالار جاپپاي كۇشىنەن قالدىرىلدى.

تەلەۆيزور پايدالانۋشىلاردىڭ 200 ميلليوننان استامى ءبىر عانا الىستان مەڭگەرگىشپەن تەلەۆيزور كورۋدى العاشقى قادامدا ىسكە اسىردى.

بيىل 8 – ايدا ەلىمىز بويىنشا تەلەۆيزورداعى تىكە تاراتىلىم ارنالارىن پايدالانۋشىلاردىڭ قىزعىندىلىق مولشەرى بىلتىرعى وسى مەزگىلدەگىمەن سالىستىرعاندا 10 پايىز جوعارىلاپ، ءۇش جىلدان بەرگى ەڭ جوعارى ورەگە جەتتى. (باس ستانسيا ورتالىق تەلەۆيزيا ءتىلشىسى جاۋ جيجى، ساۋ شياۋجىڭ)

كەلۋ قاينارى: حالىق تورابى