ينتەرنەتتە استارلاپ سويلەۋ، الباتى قالجىڭداۋ سياقتى كورنەكتى ماسەلەلەردى جونگە سالۋ جونىندە ەكى تاراۋ ارناۋلى ارەكەت ورىستەتۋدى ورنالاستىردى

10 - ايدىڭ 11 – كۇنى، ءتىلشىنىڭ ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىنەن ۇعىسۋىنشا، 2024 - جىلعى ”چيڭلاڭ“ جەلىلەس ارناۋلى ارەكەت جوسپارىنىڭ ورنالاستىرۋىنا ساي، ينتەرنەتتە مەملەكەتتە ءبىرتۇتاس قولدانىلاتىن ءتىل - جازۋدىڭ جۇيەسىز قولدانىلۋىن جونگە سالىپ، ازامات جاسىنا تولماعانداردىڭ اقاۋسىز ەسەيىپ – ەرجەتۋىنە ءتيىمدى توراپ ورتاسىن جانە ادام تاربيەلەۋ ەكولوگياسىن قالىپتاستىرۋ ءۇشىن، تاياۋدا، ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى، وقۋ - اعارتۋ مينيسترلىگى ۇقتىرۋ باسىپ تاراتىپ، ”چيڭلاڭ. ينتەرنەتتەگى ءتىل - جازۋدى قولدانۋدى ارناعا ءتۇسىرۋ“ ارناۋلى قيمىلىن ورىستەتۋ جونىندە ورنالاستىرۋ جاسادى.

ارناۋلى ارەكەت ءىشىنارا توراپ تەكشەلەرىنىڭ قىزۋ تالقە ءتىزىمى، باس بەتتەگى باس ەكران، سۇرىپتاۋدان بايقالعان قاتارلى ءتۇيىندى بۋىنداردا جارىققا شىققان ءتىل - جازۋ ولشەمسىز بولۋ، مادەنيەتسىز بولۋ قۇبىلىستارىنا نازار اۋدارىپ، دىبىسىن، فورماسىن، مازمۇنىن بۇرمالاۋ ارقىلى استارلاپ سويلەۋ،  الباتى قالجىڭداۋ، جاسىرىن بەينەلەۋ سياقتى كورنەكتى ماسەلەلەردى ءتۇيىندى تۇردە جونگە سالادى.

ارناۋلى ارەكەتتە مىنالار تالاپ ەتىلدى: جەر ـ جەر ينتەرنەت حاۋىپسىزدىگى جانە ينفورماتسيالاندىرۋ، وقۋ ـ اعارتۋ تاراۋلارى سايكەسە بىرلەسىپ قيمىلداۋدى كۇشەيتىپ، زاڭ بويىنشا باسقارۋ مەن ۇنامدى جاقتان جەتەكشىلىك ەتۋدىڭ بىرىككەن كۇشىن قالىپتاستىرىپ، ماسەلەنى نىشان ەتۋدەن جازباي، بۇقارانىڭ اڭىسى كۇشتى ماسەلەلەرگە نازار اۋدارىپ، نازاردى ازامات جاسىنا تولماعاندار سياقتى ەرەكشە توپتاردىڭ ۇقىق ـ مۇددەسىن قورعاۋعا شوعىرلاندىرىپ، اشكەرەلەۋ ارناسىن ىركىلىسسىزدەندىرىپ، ينتەرنەتتەگى ارناعا تۇسپەگەن، مادەنيەتسىز ءتىل - جازۋعا قاتىستى ينفورماتسيالاردى شوعىرلى اداقتاپ، رەتتەۋ - وڭاۋ مىندەتىن قاتاڭ تياناقتاندىرۋ كەرەك. جەر - جەردى قىزمەت امالياتىمەن ۇشتاستىرىپ، ءتىل - جازۋعا قاتىستى زاڭدار مەن زاڭدىق ەرەجەلەردى جالپىلاستىرۋ ۇگىتىن كۇشەيتىپ، مادەنيەتتى ءتىل - جازۋدى قولدانۋدى دارىپتەپ، بۇكىل قوعان ءمان بەرەتىن جانە ات سالىساتىن تاماشا اۋقىم قالىپتاستىرۋعا شابىتتاندىرۋ كەرەك.

كەلۋ قاينارى: حالىق تورابى