حالىق ىستەرى مينيسترلىگى قاتارلى بەس تاراۋ قوعامدىق ۇيىمداردى جۇيەگە ءتۇسىرىپ باسقارۋدى كۇشەيتەدى

حالىق گازەتىنىڭ ءتىلشىسى سۇڭ زىجيە، ۋىن لۋ 10 – ايدىڭ 10 – كۇنى بەيجيڭنەن حابارلايدى. ءتىلشىنىڭ بۇگىن حالىق ىستەرى مينيسترلىگىنەن ۇعىسۋىنشا، قوعامدىق ۇيىمدار سالاسىنداعى رەفورمانى اناعۇرلىم جالپى بەتتىك ىشكەرىلەي ورىستەتۋ، قازىرگى قوعامدىق ۇيىمداردا ساقتالىپ وتىرعان كورنەكتى ماسەلەلەردى كۇش سالا شەشىم ەتۋ ءۇشىن، حالىق ىستەرى مينيسترلىگى جۋىردا ورتالىق كوميتەتتىڭ قوعامدىق قىزمەت ءبولىمى، اۋىل شارۋاشىلىعى جانە اۋىل – قىستاق مينيسترلىگى، بازاردى باقىلاۋ – باسقارۋ باس مەكەمەسى، مەملەكەتتىك ونەركاسىپ – ساۋدا بىرلەستىگى قاتارلى ورىندارمەن بىرگە «قوعامدىق ۇيىمداردىڭ قۇرىلىسىن جۇيەگە ءتۇسىرۋدى كۇشەيتىپ، قوعامدىق ۇيىمداردىڭ جوعارى ساپالى دامۋىن ىلگەرىلەتۋ جونىندەگى پىكىردى» (تومەندە قىسقارتىلىپ «پىكىر» دەپ اتالادى) باسىپ تاراتقان.

تانىستىرۋعا قاراعاندا، قازىر ەلىمىزدە قوعامدىق ۇيىمداردىڭ جالپى سانى 882 مىڭنان اسادى، مەملەكەتكە قىزمەت وتەۋ، قوعامعا قىزمەت وتەۋ، جۇرتشىلىققا قىزمەت وتەۋ، كاسىپ سالاسىنا قىزمەت وتەۋ قاتارلى جاقتاردا ماڭىزدى رول اتقارۋدا. الايدا، سونىمەن بىرگە، قوعامدىق ۇيىمدار سالاسىندا ءالى دە كوپتگەن كورنەكتى ماسەلەلەر مەن حاۋىپ – قاتەرلەر ساقتالۋدا، قاتىستى تۇزىمدىك قۇرىلىس پەن باقىلاۋ – باسقارۋ تاسىلدەرىن اناعۇرلىم كۇشەيتۋ قاجەت. «پىكىردە» تىزىمگە الۋ جانە قىزمەت وتەۋدى اناعۇرلىم جۇيەگە ءتۇسىرۋ، باقىلاۋ – باسقارۋدى اناعۇرلىم كۇشەيتۋ، بەلسەندىلىكپەن ىنتالاندىرۋ، جەتەكشىلىك ەتۋ، جۇيەگە ءتۇسىرىپ باسقارۋ ارقىلى قوعامدىق ۇيىمداردىڭ جوعارى ساپالى دامۋىن ىلگەرىلەتۋ ورتاعا قويىلعان.

«پىكىردە» زاڭ بويىنشا تىزىمگە الۋ مەن تەكتەۋدى قاتاڭداستىرۋ، قوعامدىق ۇيىمداردىڭ وزىندىك قۇرىلىسىن كۇشەيتۋ، باسقارۋ مەن باقىلاۋدى كۇشەيتۋ، بەلسەندىلىكپەن جەتەكشىلىك ەتىپ دامىتۋ، ۇيىمدىق باسشىلىقتى كۇشەيتۋ قاتارلى جاقتاردا ناقتى شارالار ورتاعا قويىلعان. «پىكىردە» ىستەن بۇرىن حابارلاپ ەسكەرتۋدى اتقارۋ، جاۋاپتى ادامدى تاڭداۋدى قاتاڭ تەكسەرۋ، ىشكى قۇرىلىمدىق فۋنكتسياسى مەن رولىن كۇشەيتۋ، ىشكى جاقتاعى تالاس – تارتىستى شەشىم ەتۋ مەحانيزمىن كەمەلدەندىرۋ قاتارلى تالاپتار قامتىلعان.

حالىق ىستەرى مينيسترلىگىنىڭ قوعامدىق ۇيىمداردى باسقارۋ مەڭگەرمەسىنىڭ جاۋاپتىسى «پىكىردى» تۇسىندىرگەن كەزدە بىلاي دەدى: حالىق ىستەرى مينيسترلىگى «پىكىردى» اتقارۋمەن ۇشتاستىرا وتىرىپ، قاتىستى تاراۋلارمەن بىرگە قاتىستى زاڭ – تۇزىمدەردى، ساياساتتارى ءتۇسىندىرۋدى ويداعىداي ىستەپ، بارشا قوعامدىق ۇيىمداردى زاڭدى بىلۋگە، زاڭدى تۇسىنۋگە، زاڭعا بويسۇنۋعا جەتەلەپ، جۇيەلىلەندىرىپ باسقارۋ تانىمى مەن قۋاتىن اناعۇرلىم جوعارىلاتادى. سونىمەن بىرگە، قوعامدىق ۇيىمداردىڭ قۇرىلىسىن جۇيەگە ءتۇسىرۋ جاعىنداعى ارناۋلى ارەكەتپەن ۇشتاستىرا وتىرىپ، تاراۋلاردىڭ، ورتالىقتاعى ورىندار مەن جەرگىلىكتى ورىنداردىڭ سايكەسۋىن كۇشەيتىپ، ۇگىت جۇرگىزۋ، كۋرس ۇيىمداستىرۋ، ءماجىلىس اشۋ قاتارلى تاسىلدەردەن پايدالانىپ، جەر – جەردەگى حالىق ىستەرى تاراۋلارىنىڭ قىزمەتىنە جەتەكشىلىك ەتۋدى ويداعىداي ىستەپ، ءتۇرلى شارالاردى بىرتىندەپ دايەكتى تياناقتاندىرادى.

كەلۋ قاينارى: حالىق تورابى