بازاردى باقىلاۋ – باسقارۋ باس مەڭگەرمەسى ”قوس 11“ مەزگىلىندەگى تاۋاردى وتىمدىلەندىرۋ ارەكەتىنىڭ بەلگىلەمەگە ۇيلەسىمدى بولۋى جونىندە ەسكەرتۋ جاريالادى

جۇمىسشىلار گازەتىنىڭ ءتىلشىسى ياڭ جاۋكۇي 10 – ايدىڭ 29 – كۇنى بەيجيڭنەن حابارلايدى. بازاردى باقىلاۋ – باسقارۋ باس مەڭگەرمەسى جۋىردا باستى ەلەكتروندىق ساۋدا تەكشەلەرىنە باعىتتاي وتىرىپ، «”قوس 11“ مەزگىلىندە ينتەرنەت ارقىلى تاۋاردى شوعىرلى وتىمدىلەندىرۋدىڭ بەلگىلەمەگە ۇيلەسىمدى بولۋى جونىندەگى ەسكەرتۋدى» (تومەندە قىسقارتىلىپ «ەسكەرتۋ» دەپ اتالادى) جاريالادى، باستىسى، سەگىز ءتۇرلى جاقتاعى مازمۇنداردى قامتيدى، ”ەكەۋىنىڭ ءبىرىن تاڭداۋعا ماجبۇرلەۋگە“ (تەكشەلەردىڭ باسىمدىلىق ورنىنان جانە ساۋدا دۇكەندەرىنىڭ وزىنە ارقا سۇيەيتىنىنەن پايدالانىپ، تيجارات جۇرگىزۋشىلەردى ۇيلەسىمسىز تاسىلدەر ارقىلى ”ەكى تەكشەنىڭ بىرەۋىن تاڭداۋعا ماجبۇرلەۋىن“ كورسەتەدى) قاتاڭ تيىم سالۋ، تىكە تاراتىلىم ارقىلى تاۋاردى وتىمدىلەندىرۋ ارەكەتىن قاتاڭ جۇيەگە ءتۇسىرۋ قاتارلىلارعا سايادى.

«ەسكەرتۋدە» مىنالار ايقىن تۇراقتاندىرىلعان: ”ەكىنىڭ ءبىرىن تاڭداۋعا ماجبۇرلەۋ» سىندى زاڭعا قايشى ارەكەتتەرگە قاتاڭ تيىم سالىنادى، بازارداعى باسەكەگە ءادىل دە ءتارتىپتى تۇردە قاتىناسۋ كەرەك. تاۋاردى وتىمدىلەندىرۋ قۇرالى، باعانىڭ ارزانداتىلعان مولشەرىن كورسەتۋ، تيىمدىلىكتى تاراتۋ، ەسەپ جاساپ، اقى تولەۋ قاتارلى شەشۋشى تۇيىندەردە تاۋاردى وتىمدىلەندىرۋدىڭ ەرەجەلەرىن تۇتاس تىزبەك بويىنشا جاقسارتىپ، قيمىلدىڭ جۇيەلى دە اشىق وتكىزىلۋىنە كەپىلدىك ەتۋ كەرەك. باعانى بەلگىلەمە بويىنشا اشىق جازباۋ، باعاعا ساياتىن الدامكوستىك ىستەۋ قاتارلى تۇتىنۋشىلاردىڭ ۇقىق – مۇددەسىنە زيان جەتكىزەتىن ارەكەتتەرگە قاتاڭ تيىم سالىنادى.

سونىمەن بىرگە، تىكە تاراتىلىم ارقىلى تاۋاردى وتىمدىلەندىرۋ ارەكەتى قاتاڭ جۇيەگە تۇسىرىلەدى. ەلەكتروندىق ساۋدا تەكشەلەرى تىكە تاراتىلىم ارقىلى تاۋاردى وتىمدىلەندىرۋ ارەكەتىن باسقارۋ ولشەمىن ورناتۋى ءارى كەمەلدەندىرۋى، تەكشەدەگى باعدارلاما جۇرگىزۋشىلەردى جانە ولاردىڭ تيجارات قيمىلدارىن تەكسەرۋدى، باقىلاۋدى كۇشەيتۋى، تىكە تاراتىلىم ارقىلى ساتىلاتىن تاۋارلاردىڭ ساپاسىن ءتۇيىندى تۇردە مەڭگەرۋى، تىكە تاراتىلىمعا زات تاڭداۋ، تىكە تاراتىلىمداعى لايىقتى ساتىلىم باعاسى قاتارلى تۇيىندەردى تەكسەرۋدى جانە باقىلاۋدى كۇشەيتۋى، تىكە تاراتىلىم ارقىلى تاۋاردى وتىمدىلەندىرۋ بارىسىندا زاڭ – تۇزىمگە قايشى ارەكەتتەر تۋىلسا ونى دەر كەزىندە ءبىرجاقتى ەتۋى كەرەك. جارناما مازمۇنىن تەكسەرۋدى قاتاڭ كۇشەيتىپ، مەديتسينالىق اجارلاندىرۋ، جۇلدىزداردىڭ جارشى بولۋى قاتارلى جارنامالىق ارەكەتتەردى ءتۇيىندى تۇردە جۇيەگە ءتۇسىرىپ، زاڭعا قايشى جارناما جاساۋدان ساقتانۋى ءارى وعان تيىم سالۋى كەرەك.

كەلۋ قاينارى: حالىق تورابى