ساۋدا مينيسترلىگىنىڭ مالىمدەمەشىسى ەۆروپا وداعىنىڭ جۇڭگونىڭ ەلەكترلى اۆتوموبيلدەرگە ساياتىن قوسىمشا قاراجات بەرۋىنە قارسى تەكسەرۋ جۇرگىزۋدىڭ سوڭعى كەسىم ناتيجەسىن جاريالاعانى جونىندە تىلشىلەردىڭ سۇراۋىنا جاۋاپ قايتاردى 

سۇراۋ: جەرگىلىكتى ۋاقىت بويىنشا 10 – ايدىڭ 29 – كۇنى ەۆروپا وداعى كوميتەتى جۇڭگونىڭ ەلەكترلى اۆتوموبيلدەرگە ساياتىن قوسىمشا قاراجات بەرۋىنە قارسى تەكسەرۋ جۇرگىزۋدىڭ ەڭ سوڭعى ناتيجەسىن جاريالاعان. جۇڭگو جاق بۇعان قانداي پىكىر بىلدىرەدى؟

جاۋاپ: ءبىز ەۆروپا جاقتىڭ جاريالاعان ۇقتىرۋىنا نازار اۋداردىق. جۇڭگو جاقتىڭ تالاي رەت اتاپ كورسەتكەنىندەي، ەۆروپا وداعىنىڭ جۇڭگونىڭ ەلەكترلى اۆتوموبيلدەرگە ساياتىن قوسىمشا قاراجات بەرۋىنە قارسى تەكسەرۋ جۇرگىزۋىنىڭ كوپتەگەن ۇيلەسىمسىز، بەلگىلەمەگە سايكەس كەلمەيتىن تۇستارى بار، بۇل ”ءادىل باسەكە“ دەگەن اتپەن ”ادىلەتسىز باسەكە“ جۇرگىزۋ سىندى قورعانىمپازدىق تاسىلگە جاتادى. جۇڭگو جاق كەسىم ناتيجەسىنە مويىنسال بولمايدى، قابىلدامايدى، وسى تۋرالى دۇنيە جۇزىلىك ساۋدا ۇيىمىنىڭ تالاس – تارتىستى شەشىم ەتۋ مەحانيزمى اياسىندا ارىز – شاعىم كوتەردى. جۇڭگو جاق بارلىق قاجەتتى شارالاردى قولدانىپ، جۇڭگو كاسىپورىندارىنىڭ زاڭدى ۇقىق – مۇددەسىن باتىل قورعايدى.

سونىمەن بىرگە، ءبىز ەۆروپا وداعى جاقتىڭ جۇڭگو جاقپەن باعاعا قاتىستى ۋادە بەرۋ تۋرالى كەڭەس وتكىزۋدى جالعاستىراتىنىن بىلدىرگەنىنە دە نازار اۋداردىق. جۇڭگو جاق ساۋدالىق تالاس – تارتىستى كەڭەسۋ ارقىلى ءبىرجاقتى ەتۋدى باستان – اياق دارىپتەپ كەلەدى ءارى وسىعان بارىنشا قۇلشىنىپ كەلەدى. قازىر ەكى جاقتىڭ تەحنيكالىق ۇجىمى جاڭا كەزەڭدىك كەڭەس وتكىزۋدە، ەۆروپا وداعى جاقتىڭ ىنتالى پوزيتسيادا بولىپ، بۇل ءىستى جۇڭگو جاقپەن بىرگە ىلگەرىلەتۋىن، ”ناقتى ىستەردى تىندىرۋ، تەپە – تەڭدىكتى ساقتاۋ“ پرينسيبى بويىنشا، قارسى جاق كوڭىل ءبولىپ وتىرعان وزەكتى ماسەلە جونىندە ءوزارا كوڭىل ءبولىپ، ەكى جاق تا قابىلداي الاتىن شەشىم ەتۋ جوباسى تۋرالى تەزىرەك ورتاق تانىمعا كەلۋىن، ساۋدالىق قاقتىعىستىڭ ۋشىعۋىنان ساقتانۋىن ءۇمىت ەتەمىز.

كەلۋ قاينارى: حالىق تورابى