9 ساعات! شىنجوۋ 19 – ءنومىرلى الەم كەمەسىندەگى عارىشكەرلەر جۇڭگو عارىشكەرلەرىنىڭ ءبىر رەتتە عارىش بولمەسىنەن شىعىپ ارەكەتتەنگەن ۋاقىت ۇزاقتىعىنىڭ رەكوردىن جاراتتى 

شينحۋا اگەنتتىگىنىڭ ءتىلشىسى لي گولي، حۋاڭ يچىن 12 – ايدىڭ 17 – كۇنى حابارلايدى. شىنجوۋ 19 – ءنومىرلى الەم كەمەسىندەگى عارىشكەرلەر ساي شۇيجى، سۇڭ ليڭدۇڭ، ۋاڭ حاۋزى تىعىز سايكەسىپ، 12 – ايدىڭ 17 – كۇنى تۇڭعىش رەت عارىش بولمەسىنەن شىعۋ مىندەتىن ورىندادى، بۇل مىندەتتى ورىنداۋعا 9 ساعات ۋاقىت جۇمساپ، جۇڭگو عارىشكەرلەرىنىڭ ءبىر رەتتە عارىش بولمەسىنىڭ سىرتىندا ارەكەتتەنگە ۋاقىت ۇزاقتىعىنىڭ رەكوردىن جاڭالادى.

وسىنىڭ الدىنداعى رەكوردتىق كورسەتكىش 8.5 ساعات بولىپ، بۇل رەكوردتى شىنجوۋ 18 – ءنومىرلى الەم كەمەسىندەگى عارىشكەرلەر جاراتقان بولاتىن.

شىنجوۋ 19 – ءنومىرلى الەم كەمەسىندەگى عارىشكەرلەردىڭ وسى رەتكى عارىش بولمەسىنىڭ سىرتىندا ارەكەتتەنۋى بارىسىندا، عارىشكەر سۇڭ ليڭدۇڭ ەلىمىزدەگى 90 – جىلدان كەيىن ومىرگە كەلگەن عارىشكەرلەر اراسىندا تۇڭعىش رەت عارىش بولمەسىنىڭ سىرتىندا ارەكەتتەنگەن عارىشكەر بولدى. قازىرگە دەيىن، جۇڭگونىڭ عارىشكەرلەرى 18 رەت عارىش بولمەسىنىڭ سىرتىندا ارەكەتتەنۋدى تابىسپەن ورىندادى.

كەلۋ قاينارى: حالىق تورابى