اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە اۋمىن ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى

شي جينپيڭ بىلاي دەپ اتاپ كورسەتتى: اۋمىن وتان قۇشاعىنا ورالعان 25 جىلدان بەرى اۋمىن ەرەكشەلىگىنە يە ”ءبىر ەل، ەكى ءتۇزىم“ امالياتى وراسان زور تابىسقا قول جەتكىزدى، اۋمىندا كەرەمەت وزگەرىستەر تۋىلدى، حالىقارالىق ىقپال كۇشى بارىنشا ارتتى. جاڭا كەزەكتى اۋمىن ەرەكشە اكىمشىلىك رايونى ۇكىمەتىنىڭ قوعامنىڭ ءار سالاسىن ىنتىماقتاستىرىپ جانە باستاپ، ورايدى مىقتى يگەرىپ، قايراتتانا رەفورما جاساپ، جاۋاپكەرشىلىك ارقالاپ، ىسكەرلىك كورسەتىپ، ”ءبىر ەل، ەكى ءتۇزىم“ سىندى ءتۇزىم ابزالدىعىن اناعۇرلىم ويداعىداي ساۋلەلەندىرىپ، ”ءبىر ەل، ەكى ءتۇزىم“ ىستەرىنىڭ جوعارى ساپالى دامۋىندا ۇزدىكسىز جاڭا جاعداي اشۋىن ءۇمىت ەتەمىن

12 - ايدىڭ 20 - كۇنى تۇستەن بۇرىن اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە اۋمىن ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى اۋمىن شىعىس ازيا سپورت جينالىسى دەنە تاربيە سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناستى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

12 - ايدىڭ 20 - كۇنى تۇستەن بۇرىن اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە اۋمىن ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى اۋمىن شىعىس ازيا سپورت جينالىسى دەنە تاربيە سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناستى ءارى ماڭىزدى ءسوز سويلەدى. سۋرەتتە: شي جينپيڭنىڭ سەرت بەرۋدى باقىلاۋىندا اۋمىن ەرەكشە اكىمشىلىك رايونىنىڭ 6 - كەزەكتى اكىمى سىن حاۋحۇي سەرت بەرىپ مىندەتكە وتىردى.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

«حالىق گازەتى»، 12 - ايدىڭ 20 – كۇنى، اۋمىن (تىلشىلەر فۋ زىمەي، شۇي جۇن). اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە اۋمىن ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى 12 - ايدىڭ 20 - كۇنى تۇستەن بۇرىن اۋمىن شىعىس ازيا سپورت جينالىسى دەنە تاربيە سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناستى ءارى ماڭىزدى ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار). ول بىلاي دەپ اتاپ كورسەتتى: اۋمىن وتان قۇشاعىنا ورالعان 25 جىلدان بەرى اۋمىن ەرەكشەلىگىنە يە ”ءبىر ەل، ەكى ءتۇزىم“ امالياتى وراسان زور تابىسقا قول جەتكىزدى، اۋمىندا كەرەمەت وزگەرىستەر تۋىلدى، حالىقارالىق ىقپال كۇشى بارىنشا ارتتى. ول جاڭا كەزەكتى اۋمىن ەرەكشە اكىمشىلىك رايونى ۇكىمەتىنىڭ قوعامنىڭ ءار سالاسىن ىنتىماقتاستىرىپ جانە باستاپ، ورايدى مىقتى يگەرىپ، قايراتتانا رەفورما جاساپ، جاۋاپكەرشىلىك ارقالاپ، ىسكەرلىك كورسەتىپ، ”ءبىر ەل، ەكى ءتۇزىم“ سىندى ءتۇزىم ابزالدىعىن اناعۇرلىم ويداعىداي ساۋلەلەندىرىپ، ”ءبىر ەل، ەكى ءتۇزىم“ ىستەرىنىڭ جوعارى ساپالى دامۋىندا ۇزدىكسىز جاڭا جاعداي اشۋىن ءۇمىت ەتتى.

جيىن الاڭى سالتاناتتى دا مەرەيلى كۇيگە شومدى. ءتوراعالار مىنبەسىندە جۇڭحۋا حالىق رەسپۋبليكاسىنىڭ مەملەكەت تۋى، مەملەكەت گەربى جانە اۋمىن ەرەكشە اكىمشىلىك رايونىنىڭ رايون تۋى ەرەكشە كوز تارتادى. شي جينپيڭ مەن حانىمى پىڭ لييۋان اۋمىن ەرەكشە اكىمشىلىك رايونىنىڭ 6 - كەزەكتى اكىمى سىن حاۋحۇي مەن حانىمى حۋاڭ كىپيڭنىڭ سەرىك بولۋىندا جيىن الاڭىنا كىرگەندە، الاڭداعىلار ورىندارىنان تۇرىپ، قىزۋ شاپالاق سوقتى.

تۇستەن بۇرىن ساعات 10 دا قۇتتىقتاۋ جينالىسى جانە مىندەتكە وتىرۋ سالتى باستالدى. بارلىق ادام ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن ورىندادى.

شي جينپيڭ ءتوراعالار مىنبەسىنە شىعىپ سەرت بەرۋدى باقىلادى. سىن حاۋحۇي الدىمەن سەرت بەرىپ مىندەتكە وتىردى، ول جۇڭحۋا حالىق رەسپۋبليكاسىنىڭ مەملەكەت تۋى، مەملەكەت گەربى جانە اۋمىن ەرەكشە اكىمشىلىك رايونىنىڭ رايون تۋى الدىندا تۇرىپ، وڭ قولىن كوتەرىپ، اۋمىن ەرەكشە اكىمشىلىك رايونىنىڭ ءتۇبىرلى زاڭىنىڭ بەلگىلەمەسى بويىنشا سالتاناتتى سەرت بەردى. سەرت بەرۋ اياقتاعاننان كەيىن شي جينپيڭ سىن حاۋحۇيمەن ىقىلاسپەن قول الىستى.

ىلە - شالا شي جينپيڭنىڭ سەرت بەرۋدى باقىلاۋىندا اۋمىن ەرەكشە اكىمشىلىك رايونى 6 - كەزەكتى ۇكىمەتىنىڭ نەگىزگى ءمانساپتىلارى سىن حاۋحۇيدىڭ باستاۋىندا سەرت بەرىپ مىندەتكە وتىردى. سەرت بەرۋ اياقتاعاننان كەيىن شي جينپيڭ ولارمەن ءبىر - بىردەن قول الىسىپ قۇرمەت ءبىلدىردى.

وسىدان سوڭ سىن حاۋحۇيدىڭ سەرت بەرۋدى باقىلاۋىندا اۋمىن ەرەكشە اكىمشىلىك رايونى اكىمشىلىك كەڭەسىنىڭ مۇشەلەرى سەرت بەرىپ مىندەتكە وتىردى.

قىزۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول الدىمەن ورتالىق ۇكىمەت جانە بۇكىل ەلدەگى ءار ۇلت حالقى اتىنان تۇتاس اۋمىن تۇرعىندارىنا شىنايى سالەم جولدادى؛ جاڭادان مىندەتكە تاعايىندالعان اۋمىن ەرەكشە اكىمشىلىك رايونىنىڭ 6 - كەزەكتى اكىمى سىن حاۋحۇي مىرزا مەن 6 - كەزەكتى ۇكىمەتتىڭ نەگىزگى ءمانساپتىلارىن، اكىمشىلىك كەڭەسىنىڭ مۇشەلەرىن قىزۋ قۇتتىقتادى؛ ۇزاق ۋاقىتتان بەرى ”ءبىر ەل، ەكى ءتۇزىم“ ىستەرىنە جانە اۋمىننىڭ گۇلدەنۋىنە، ورنىقتىلىعىنا، دامۋىنا كوڭىل ءبولىپ، قولداۋ كورسەتىپ كەلگەن ەل ءىشى - سىرتىنداعى باۋىرلاستارعا جانە حالىقاراداعى دوستارعا شىن جۇرەكتەن العىس ايتتى.

شي جينپيڭ بىلاي دەپ اتاپ كورسەتتى: اۋمىن وتان قۇشاعىنا ورالعان 25 جىلدان بەرى، ”ءبىر ەل، ەكى ءتۇزىم“ ءتۇزىم جۇيەسى ۇزدىكسىز كەمەلدەنىپ، مەملەكەتتىڭ يەلىك ۇقىعى، حاۋىپسىزدىگى، دامۋ مۇددەسى ءونىمدى قورعالدى؛ ەكونوميكالىق، قوعامدىق دامۋىندا تاريحي قارىشتاۋ جۇزەگە اسىپ، تۇرعىنداردىڭ تابىس سەزىمى، باقىت سەزىمى، حاۋىپسىزدىك سەزىمى بارىنشا كۇشەيدى؛ سىرتپەن سەلبەستىگى ۇزدىكسىز ۇلعايىپ، ”ءبىر ورتالىق، ءبىر تۇعىر، ءبىر بازا“ رولى كۇن سايىن كورنەكتىلەندى.

شي جينپيڭ بىلاي دەپ باسا دارىپتەدى: اۋمىن وتان قۇشاعىنا ورالعاننان كەيىن قول جەتكىزگەن شۇعىلالى جەتىستىگى ادامدارعا مىنانى دالەلدەدى: ”ءبىر ەل، ەكى ءتۇزىم“ − كورنەكتى ءتۇزىم ابزالدىعىنا جانە قۇدىرەتتى ومىرشەڭ كۇشكە يە، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن ساقتايتىن جاقسى ءتۇزىم، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە قىزمەت وتەيتىن جاقسى ءتۇزىم، تۇرلىشە قوعامدىق تۇزىمدەردىڭ بەيبىت قاتار تۇرۋىن، سەلبەسىپ تەڭ يگىلىككە كەنەلۋىن جۇزەگە اسىراتىن جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك. ”ءبىر ەل، ەكى تۇزىمدە“ قامتىلعان بەيبىتشىلىك، سيىسىمدىلىق، اشىق بولۋ، بىرگە يگىلىكتەنۋ سىندى قۇن ۇستانىمى جۇڭگونىكى ءارى دۇنيە جۇزىنىكى، بىرگە قورعاۋعا تاتيدى.

شي جينپيڭ بىلاي دەپ اتاپ كورسەتتى: شياڭگاڭنىڭ، اۋمىننىڭ وتان قۇشاعىنا ورالعاننان بەرگى اماليات تاجىريبەلەرى بىزگە شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن ساقتاپ، ”ءبىر ەل، ەكى ءتۇزىم“ امالياتىنىڭ ورنىقتى قاداممەن الىسقا جەتۋىن ۇزدىكسىز ىلگەرىلەتۋدە مىناداي 4 ءىستى ويداعىداي يگەرۋ كەرەكتىگىن ءتۇسىندىردى: ءبىرىنشى، ”ءبىر ەل“ ءتۇپ نەگىزىن بەرىك ساقتاپ، ”ەكى ءتۇزىم“ تيىمدىلىگىنەن ۇتىمدى پايدالانۋ كەرەك. مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن بارىنەن جوعارى قويۋعا باستان - اياق تاباندى بولىپ، ورتالىقتىڭ جاپپاي باسقارۋ ۇقىعىن تياناقتاندىرۋدان ءارقانداي ۋاقىتتا اۋىتقۋعا بولمايدى. سونىمەن بىرگە، ”ەكى ءتۇزىمنىڭ“ ايىرماشىلىعىنا قۇرمەت ەتىپ، ەرەكشە اكىمشىلىك رايوننىڭ وسكەلەڭ اۆتونوميا ۇقىعىن تولىق قامتاماسىز ەتىپ، ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن ۇزدىكسىز جاپپاي، دالمە - ءدال، بۇلجىماي دايەكتىلەندىرىپ، وزگەرمەۋىنە، اۋىتقىماۋعا شىنايى كەپىلدىك ەتۋ، وزگەرمەۋىنە، قۇبىلماۋىنا شىنايى كەپىلدىك ەتۋ كەرەك. ەكىنشى، جوعارى دەڭگەيدەگى حاۋىپسىزدىكتى قورعاۋ، جوعارى ساپالى دامۋدى ىلگەرىلەتۋ كەرەك. حاۋىپسىزدىك − دامۋدىڭ العى شارتى، دامۋ − حاۋىپسىزدىكتىڭ قامتاماسىزدىعى، حاۋىپسىزدىكتى قورعاۋ مەن دامۋدى ىلگەرىلەتۋگە بۇلجىماي تاباندى بولۋ كەرەك. قول جەتكىزۋ وڭايعا تۇسپەگەن قازىرگى تىنىش تا بەرەكەلى جاعدايدى قاستەرلەپ، زەيىن - زەردەنى شوعىرلاندىرىپ ەكونوميكانى دامىتىپ، دامۋدى جوسپارلاپ، قۇرىلىس جۇرگىزىپ، جاڭا قوزعالىس قۋاتىن، جاڭا ابزالدىقتى ۇزدىكسىز سومداۋ كەرەك. ءۇشىنشى، وزگەشە ابزالدىقتى ساۋلەلەندىرىپ، ىشپەن بىرلەسىپ، سىرتپەن تۇتاسۋدى كۇشەيتۋ كەرەك. اناعۇرلىم اشىق، سيىسىمدى بەينەمەن حالىقارالىق بايلانىستى جاپپاي كەڭەيتىپ، دۇنيە جۇزىلىك ىقپال كۇشى مەن باۋراۋ قۋاتىن جوعارىلاتۋ كەرەك. مەملەكەتتىڭ دامۋ ستراتەگياسىمەن تەرەڭ ءتۇيىلىسىپ، مەملەكەتتىڭ دامۋ كەلەلى جاعدايىمەن جەدەل توعىسىپ، جاڭا دامۋ ارناسىن قالىپتاستىرۋ بارىسىندا كوپىرلىك رولدى اناعۇرلىم ويداعىداي اتقارۋ كەرەك. ءتورتىنشى، وزەكتى قۇندى اسقاقتاتۋ، سيىسىمدىلىقتى، جاراسىمدىلىقتى جەبەۋ كەرەك. وتاندى ءسۇيۋ، شياڭگاڭدى ءسۇيۋ، وتاندى ءسۇيۋ، اۋمىندى ءسۇيۋ وزەكتى قۇنىن جالعاستىرىپ، كوپ نەگىزدى مادەنيەتتىڭ اۋىس - كۇيىسىن، توعىسۋىن كۇشەيتىپ، بارلىق بەلسەندى كۇشتەردى ۇيىستىرىپ، ەل ءىشى - سىرتىندا ”ءبىر ەل، ەكى ءتۇزىم“ ىستەرىن قولدايتىن ەڭ ۇلكەن سەنترلەس شەڭبەردى سىزۋ كەرەك.

شي جينپيڭ جاڭا كەزەكتى اۋمىن ەرەكشە اكىمشىلىك رايونى ۇكىمەتىنە مىناداي 4 ءتۇرلى ءۇمىتتى العا قويدى: ءبىرىنشى، ەكونوميكانىڭ ۇيلەسىمدى، كوپ نەگىزدى دامۋىن كۇش سالا ىلگەرىلەتۋ، ەكىنشى، ەرەكشە اكىمشىلىك رايوندى باسقارۋ قۋاتىن كۇش سالا جوعارىلاتۋ، ءۇشىنشى، اناعۇرلىم جوعارى دەڭگەيدەگى سىرتقا ەسىك اشۋ تۇعىرىن كۇش سالا تۇلعالاۋ، ءتورتىنشى، قوعامنىڭ جاراسىمدىلىعىن، ورنىقتىلىعىن كۇش سالا قورعاۋ كەرەك.

شي جينپيڭ مىنالاردى ءبىلدىردى: جاستار − اۋمىننىڭ ءۇمىتى جانە بولاشاعى، اۋمىندى كوركەيتۋدىڭ، مەملەكەتتى كوركەيتۋدىڭ جالىندى كۇشى. قالىڭ جاستاردىڭ اۋمىندى كوكەيدە ساقتاپ، مەملەكەتتى كوكەيدە ساقتاپ، اسقاق مۇرات ورناتىپ، ىجداعاتتىلىقپەن ىستەپ، ”ءبىر ەل، ەكى ءتۇزىم“ ءىسىنىڭ جاقسى قۇرۋشىلارى مەن ءىزباسارلارى بولىپ، قۇدىرەتتى وتان جانە كوركەم اۋمىن قۇرۋدىڭ كەڭ ورىسىندە جاستىق ورالىن جالىنداتۋىن ءۇمىت ەتەمىن.

شي جينپيڭ بىلاي دەپ اتاپ كورسەتتى: بيىل − جۇڭحۋا حالىق رەسپۋبىليكاسى قۇرىلعاندىعىنىڭ 75 جىلدىعى، جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە جۇيەلى ورنالاستىرۋ جاسادى، مەملەكەتتى قۇدىرەتتەندىرۋ قۇرىلىسىنىڭ ايبىندى كارتيناسى جايىلدى ءارى تەڭدەسسىز نۇرلى بولاشاعىن ايگىلەدى، جۇڭحۋا ۇلتى بوگەۋ بەرمەس قاداممەن ۇلى گۇلدەنۋگە قادام تاستاۋدا. تەك ”ءبىر ەل، ەكى ءتۇزىم“ باعىتىن جاپپاي، دالمە - ءدال، بۇلجىماي دايەكتىلەندىرگەندە، ەرەكشە اكىمشىلىك رايون ۇكىمەتى مەن قوعامنىڭ ءار سالاسىنىڭ ورتاق قۇلشىنىسى، ۇلى وتاننىڭ كۇشتى تىرەگى بولسا بولعانى، اۋمىن، ءسوز جوق، دامۋدىڭ جاڭا ءورىسىن اشىپ، جاڭا شۇعىلانى ۇزدىكسىز جاراتا الادى، ءسوز جوق، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە اناعۇرلىم زور ۇلەس قوسا الادى.

سىن حاۋحۇي ارناۋ سوزىندە بىلاي دەدى: اۋمىن ەرەكشە اكىمشىلىك رايونىنىڭ 6 - كەزەكتى اكىمى رەتىندە جاۋاپكەرشىلىگىمنىڭ اۋىر، بورىشىمنىڭ داڭقتى ەكەندىگىن تەرەڭ سەزىندىم. ءبىز ”قايراتتانا بىرگە ىلگەرىلەۋ، تۋراشىلدىقپەن جاڭالىق جاساۋ“ سىندى بيلىك جۇرگىزۋ ۇستانىمىنان جازباي، ءبىر نيەتپەن سەلبەسىپ، تۋراشىلدىقتان اينىماي جاڭالىق اشىپ، ”ءبىر ەل، ەكى ءتۇزىم“ باعىتىن جاپپاي، دالمە - ءدال، بۇلجىماي دايەكتىلەندىرىپ، نەگىزگى زاڭ مەن ءتۇبىرلى زاڭدا بەلگىلەنگەن ەرەكشە اكىمشىلىك رايوننىڭ نەگىزگى زاڭدىق ءتۇزىم ءتارتىبىن باتىل قورعاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، ”وتانشىلدار اۋمىندى باسقارۋ“ پرينسيبىن تاباندىلىقپەن تياناقتاندىرىپ، اۋمىن ەرەكشەلىگىنە يە ”ءبىر ەل، ەكى ءتۇزىم“ امالياتىنىڭ جاڭا جاعدايىن ۇزدىكسىز اشامىز. ۇلى وتان پارمەندى تىرەك بولىپ تۇرعاندا، بارلىق اۋمىن قالا تۇرعىندارى ىنتىماقتاسا كۇرەس جۇرگىزگەندە، مەملەكەتتىڭ اۋمىن سىندى ”مەرۋەرتىن“ ونان ارى جارقىراتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە رولىمىزدى اناعۇرلىم ويداعىداي ساۋلەلەندىرىپ، اناعۇرلىم زور ۇلەس قوسۋعا سەنىمىمىز بار، قۋاتىمىز جەتەدى دەپ سەنەمىز.

ساي چي، لي حۇڭجۇڭ، حى ۋەيدۇڭ، حى ليفىڭ، ۋاڭ شياۋحۇڭ، ۋاڭ دۇڭفىڭ، شيا باۋلۇڭ قاتارلىلار قاتىناستى.

مەملەكەتتىك ساياسي كەڭەس ءتوراعاسىنىڭ ورىنباسارى حى حوۋحۋا، شياڭگاڭ ەرەكشە اكىمشىلىك رايونىنىڭ اكىمى لي جياچاۋ، اۋمىن ەرەكشە اكىمشىلىك رايونىنىڭ بۇرىنعى اكىمدەرى سۇي شى - ان، حى ي - چىڭ، سونداي - اق اۋمننىڭ ءار سالا ۋاكىلدەرى جانە ۇسىنىس ەتىلگەن سيلى قوناقتار دا قۇتتىقتاۋ جينالىسىنا جانە مىندەتكە وتىرۋ سالتىنا قاتىناستى.

كەلۋ قاينارى: حالىق تورابى