شي جينپيڭ اۋمىننان اتتانىپ، بەيجيڭگە قايتىپ كەلدى

«حالىق گازەتى»، 12 - ايدىڭ 20 – كۇنى، اۋمىن. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اۋمىنداعى ءتۇرلى قيمىلداردى تابىسپەن اياقتاتىپ، 12 - ايدىڭ 20 - كۇنى تۇستەن كەيىن اۋمىننان ارناۋلى ۇشاقپەن بەيجيڭگە قايتىپ كەلدى.

شي جينپيڭ 12 - ايدىڭ 18 – كۇنى تۇستەن كەيىن اۋمىنعا باردى. اۋمىنداعى كەزىندە شي جينپيڭ اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا جانە اۋمىن ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىنا، سونداي - اق اۋمىن ەرەكشە اكىمشىلىك رايونى ۇكىمەتىنىڭ قارسى الۋ كەشكى قوناعاسىنا جانە اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ ادەبيەت - كوركەمونەر ساۋىق كەشىنە قاتىناستى؛ حى حوۋحۋامەن، سۇي شى - انمەن، حى ي - چىڭمەن، سىن حاۋحۇيمەن، سونداي - اق اۋمىن ەرەكشە اكىمشىلىك رايونىنىڭ اكىمشىلىك، زاڭ شىعارۋ، ءادىليا قۇرىلىمدارىنىڭ جاۋاپتىلارىمەن، اۋمىن ەرەكشە اكىمشىلىك رايونى ءتارتىپ قوسىندارىنىڭ ۋاكىلدەرىمەن، اۋمىن قوعامىنىڭ ءار سالاسىنداعى ۋاكىل قايراتكەرلەرمەن كەزدەستى؛ ورتالىقتىڭ اۋمىندا تۇراتىن قۇرىلىمدارى مەن جۇڭگو قارجىلاندىرعان نەگىزگى قۇرىلىمداردىڭ جاۋاپتىلارىمەن امانداستى؛ اۋمىندا تۇراتىن اسكەري ءبولىمدى كوزدەن كەشىردى؛ اۋمىن عىلىم - تەحنيكا داشۋەسى مەن حىڭچين گۋاڭدۇڭ - اۋمىن تەرەڭدەي سەلبەستىك جاساۋ رايونىن كوزدەن كەشىرىپ، اۋمىن بۇقاراسىمەن كەڭ كولەمدە ارالاستى جانە اۋىس - كۇيىس جاسادى. شي جينپيڭ تاعى قۇتتىقتاۋ قيمىلىنا قاتىناسۋعا كەلگەن شياڭگاڭ ەرەكشە اكىمشىلىك رايونىنىڭ اكىمى لي جياچاۋمەن كەزدەستى.

اتتاندىرۋ سالتىندا اۋمىندىق ورەندەر شي جينپيڭ مەن حانىمى پىڭ لييۋانعا گۇل ۇسىندى. شي جينپيڭ مەن حانىمى پىڭ لييۋان اتتاندىرۋعا كەلگەن ادامدارمەن ءبىر - بىرلەپ قول الىسىپ، اتتاندىرۋشى قوسىنعا قول بۇلعاپ قوش ايتتى.

ساي چي، لي حۇڭجۇڭ، حى ۋەيدۇڭ، حى ليفىڭ، ۋاڭ دۇڭفىڭ قاتارلىلار وسى ۇشاقپەن اۋمىننان اتتاندى.

كەلۋ قاينارى: حالىق تورابى