شي جينپيڭ سىن حاۋحۇيمەن كەزدەستى

12 - ايدىڭ 20 - كۇنى تۇستەن بۇرىن مەملەكەت ءتوراعاسى شي جينپيڭ اۋمىندا ەندى عانا مىندەتكە وتىرعان اۋمىن ەرەكشە اكىمشىلىك رايونىنىڭ اكىمى سىن حاۋحۇيمەن كەزدەستى

سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن

«حالىق گازەتى»، 12 - ايدىڭ 20 – كۇنى، اۋمىن (تىلشىلەر ياڭ شۋەبو، چاي ي - فەي). مەملەكەت ءتوراعاسى شي جينپيڭ 12 - ايدىڭ 20 - كۇنى تۇستەن بۇرىن اۋمىندا ەندى عانا مىندەتكە وتىرعان اۋمىن ەرەكشە اكىمشىلىك رايونىنىڭ اكىمى سىن حاۋحۇيمەن كەزدەستى.

شي جينپيڭ سىن حاۋحۇيدىڭ اۋمىن ەرەكشە اكىمشىلىك رايونىنىڭ 6 - كەزەكتى اكىمى بولىپ مىندەتكە وتىرعاندىعىن قۇتتىقتادى. ول مىنالاردى ءبىلدىردى: سىن حاۋحۇي اكىمنىڭ مىندەتىن ادا ەتىپ، ماڭىزدى تاپسىرمانى ورىنداپ، جاڭا كەزەكتى ەرەكشە اكىمشىلىك رايون ۇكىمەتىن جانە قوعامنىڭ ءار سالاسىن ىنتىماقتاستىرىپ، باستاپ ”ءبىر ەل، ەكى ءتۇزىم“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جاپپاي، دالمە - ءدال، بۇلجىماي دايەكتىلەندىرىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، ەكونوميكانىڭ ۇيلەسىمدى، كوپ نەگىزدى دامۋىن زور كۇشپەن جەبەپ، حالىق تۇرمىسىنىڭ قۇت - ىرىسىن ۇزدىكسىز ارتتىرىپ، اۋمىننىڭ وزگەشە ورنىن جانە ابزالدىعىن تولىق ساۋلەلەندىرىپ، مەملەكەتتىڭ دامۋ كەلەلى جاعدايىمەن اناعۇرلىم ويداعىداي توعىسىپ، ءار ەلمەن، وڭىرلەرمەن بارىس - كەلىستى، سەلبەستىكتى تەرەڭدەتىپ، اۋمىننىڭ اناعۇرلىم ويداعىداي دامۋىنا ءتىپتى دە زور ۇلەس قوساتىندىعىنا سەنەمىن. ورتالىق ۇكىمەت سىن حاۋحۇي اكىمنىڭ جانە ەرەكشە اكىمشىلىك رايون ۇكىمەتىنىڭ مىندەت وتەۋىن زور كۇشپەن قولدايدى.

سىـن حـاۋحـۇي ءتـوراعا شي جينپيڭنىڭ جانە ورتالىق ۇكىمەتتىڭ سەنىم ارتقاندىعىنا العىس ايتتى. ول بىلاي دەدى: مەن جاڭا كەزەكتى ەرەكشە اكىمشىلىك رايون ۇكىمەتىن باستاپ ەكپىندەي ىلگەرىلەپ ءىس تىندىرىپ، قاجىرلىلىقپەن جاڭالىق اشىپ، قوعامنىڭ ءار سالاسىن ىنتىماقتاستىرىپ، اۋمىننىڭ ”ءبىر ەل، ەكى ءتۇزىم“ تابىستى امالياتىنىڭ جاڭا جاعدايىن قۇلشىنا اشامىن.

ساي چي، شيا باۋلۇڭ قاتارلىلار كەزدەسۋدە بىرگە بولدى.

كەلۋ قاينارى: حالىق تورابى