اۋىل – قىستاقتاعى وقۋشىلاردى ءنارلى تاماقپەن قامداۋداعى ماسەلەلەردى رەتتەۋ جانە رەفورمالاۋعا ساياتىن سوما 4 ميلليارد يۋاننان استى 

بيىل 6 – ايدا جاريالانعان قازىنالىق تەكسەرۋ قىزمەتى جونىندەگى مالىمدەدە قوعامداعىلار ءبىرشاما كوڭىل ءبولىپ وتىرعان اۋىل – قىستاقتاعى وقۋشىلاردى ءنارلى تاماقپەن قامداۋ جاعىنداعى ماسەلەلەرگە باعىتتاي وتىرىپ 12 – ايدىڭ 22 – كۇنى شىعارىلعان قازىنالىق تەكسەرۋدەگى رەتتەۋ جانە رەفورمالاۋ مالىمەتىنە قاراعاندا، 2024 – جىلى 9 – ايدىڭ سوڭىنا دەيىن، اۋىل – قىستاقتاعى مىندەتتى وقۋ – اعارتۋ كەزەڭىندەگى وقۋشىلاردىڭ ءنارلى تاماقتانۋىن جاقسارتۋ جوسپارىنا ارنالعان قاراجاتتىڭ ەسەبىن تەكسەرۋ جاعىنداعى رەتتەۋ جانە رەفورمالاۋعا ساياتىن قاراجات سوماسى 4 ميلليارد 39 ميلليون يۋاننان اسىپ، 248 ءتۇزىم كەمەلدەندىرىلىپ، 1200 دەن استام ادام ءبىرجاقتى ەتىلگەن جانە جازالانعان.

سونىمەن بىرگە، سول كۇنى جاريالانعان قازىنالىق تەكسەرۋ جاعىنداعى رەتتەۋ جانە رەفورمالاۋ مالىمەتىنە قاراعاندا، بيىل 9 – ايدىڭ سوڭىنا دەيىن، 2023 – جىلى ەسەپ تەكسەرۋ بارىسىندا تەكسەرىلىپ انىقتالعان ماسەلەلەر جونىندە قاتىستى جەرلەر، تاراۋلار جانە ورىندار رەتتەگەن جانە رەفورمالاعان ماسەلەلەرگە ساياتىن سوما جيىنى 538 ميلليارد يۋاننان اسقان، 1300 دەن استام ءتۇزىم جاسالعان جانە كەمەلدەندىرىلگەن، 2800 دەن استام ادامنىڭ جاۋاپكەرشىلىگى قۋزاستىرىلعان. كەلەلى ماسەلەلەردى رەتتەۋ جانە جونگە سالۋدىڭ جالپى ءۇردىسى ءساتتى بولىپ، جوعارى ساپالى دامۋ جانە ەكونوميكا مەن قوعام ورنىقتىلىعىنا ءتيىمسىز ءتۇزىلىس جانە مەحانيزم جاعىنداعى ءبىرقىدىرۋ ماسەلەلەر شەشىم ەتىلگەن.

كەلۋ قاينارى: حالىق تورابى