مەملەكەتتىك ەمدەۋدى قامسىزداندىرۋ مەڭگەرمەسى: جالعاننان تالون اشتىرۋ، ”ءبىر ءدارىنى ەكى ءتۇرلى باعادا ساتۋ“ قاتارلى ماسەلەلەردى ءبىر – بىرلەپ تەكسەرەدى 

12 – ايدىڭ 20 – كۇنى، مەملەكەتتىك ەمدەۋدى قامسىزداندىرۋ مەڭگەرمەسى قوعام حاۋىپسىزدىگى ورگاندارى تەكسەرۋ ارقىلى انىقتاعان ءدارى – دارمەك سالاسىنداعى جالعان تالون كەسۋ دەلولارى تۋرالى ولكە، اۆتونوميالى رايون، توتە قاراستى قالالارداعى جانە شينجياڭ ءوندىرىس – قۇرىلىس بيڭتۋانىنداعى ەمدەۋدى قامسىزداندىرۋ مەكەمەلەرىنە حات جولداپ، دەلوعا قاتىستى ونىمدەردە وسى تەكتەس ماسەلەلەردىڭ بار – جوقتىعىن ءبىر – بىرلەپ مۇقيات انىقتاۋدى، ينتەرنەتتە جاريالانعان باعاسىنىڭ ءمان – ءجايىن تەزىرەك انىقتاۋدى تالاپ ەتكەن.

حاتتا مىنالار ايقىن تۇراقتاندىرىلعان: ءارقايسى ولكەلەردەگى (اۆتونوميالى رايون، توتە قاراستى قالا) ەمدەۋدى قامسىزداندىرۋ مەكەمەلەرى ءبىرجاقتى ەتۋ ناتيجەسىن دەر كەزىندە تياناقتاندىرۋى، بىرەۋى ارقىلى وزگەسىن تۇسپالداۋى كەرەك. ۇقساس اتپەن شىعارىلعان باسقا ماركاداعى ءدارى – دارمەكتەردىڭ باعاسى قيسىنسىز بولعان جاعدايدا، قاتىستى كاسىپورىنداردى باعاعا قاتىستى ارەكەتىن جۇيەگە تۇسىرۋگە قۋزاپ، ينتەرنەتكە شىعارىلعان باعاسىن ۇيلەسىمدى تومەندەتۋى كەرەك. مۇنان سىرت، وتكەرمەلەپ ساۋدالاۋشىلاردىڭ نەمەسە ۋاكىلدىك ساۋداگەرلەردىڭ باعاسىن قاساقانا جوعارىلاتۋ سىندى ۇيلەسىمسىز وتىمدىلەندىرۋ ارەكەتىنە ءتۇيىندى تۇردە نازار اۋدارۋ كەرەك. ءدارى – دارمەك باعاسىنداعى حاۋىپ – قاتەرلەردى ءبىرجاقتى ەتۋ تەبىنىن ۇزدىكسىز ارتتىرىپ، جۇرتشىلىقتىڭ ساپالى دا ارزان ءدارى – دارمەكتەردەن پايدالانۋىنا كەپىلدىك ەتۋى كەرەك.

كەلۋ قاينارى: حالىق تورابى