2025 – جىلعى جۇمىستانۋعا كومەكتەسۋ ايى ەلىمىز بويىنشا باستالدى 

شينحۋا اگەنتتىگىنىڭ ءتىلشىسى جياڭ لين 12 – ايدىڭ 22 – كۇنى بەيجيڭنەن حابارلايدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ 12 – ايدىڭ 22 – كۇنى جاريالاۋىنشا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەن جۇڭگو مۇگەدەكتەر بىرلەستىگى بىرگە ۇيىمداستىرعان 2025 – جىلعى جۇمىستانۋعا كومەكتەسۋ ايى ارناۋلى قيمىلى جۋىردا ەلىمىز بويىنشا باستالعان.

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتىسىنىڭ تانىستىرۋىنشا، وسى رەتكى قيمىل ”جۇمىستانۋعا كومەكتەسۋ، شىن نيەتپەن ءوزارا كومەكتەسۋ“ تاقىرىبىندا وتكىزىلىپ، جۇمىستانۋى قيىن بولعاندار، وتباسىندا جۇمىستانعان ادام جوقتار، جۇمىسسىز قالعانىن تىزىمدەتكەندەر قاتارلىلاردىڭ جۇمىستانۋىنا، شارۋاشىلىق قۇرۋىنا شوعىرلى تۇردە كومەكتەسەدى. قيمىل مەزگىلىندە، جەر – جەر ءبىر – بىرلەپ تەكسەرۋ مەن جاعداي ۇعىسا بارۋدى ورىستەتىپ، جان -جاقتى بايلانىس جاساۋدى جانە حابارلاسۋدى ۇيىمداستىرىپ، ءتۇيىندى تۇردە كومەكتەسەتىن وبيەكتىلەردىڭ تىزىمدىگىن جاساپ، قاتىستى ادامداردىڭ سانىن انىقتاۋعا، جۇمىسسىزدىق جاعدايىن انىقتاۋعا، جۇمىستانۋ قالاۋىن انىقتاۋعا، قىزمەت وتەۋدەن يگىلىكتەنۋ سۇرانىسىن انىقتاۋعا كەپىلدىك ەتەدى.

اتالعان جاۋاپتى ادامنىڭ ايتۋىنشا، جەر – جەر ءبىر توپ ۇيلەسىمدى جۇمىس ورىندارىنىڭ ينفورماتسيالارىن جيناقتاپ، كاسىپورىنداردى شارتى تومەن، تۇرمىستى قامتاماسىزداندىراتىن مەيىرگە تولى جۇمىس ورىندارىن دايىنداۋعا جۇمىلدىرىپ، نەگىزگى ساتىداعى تەكشەلەرگە سۇيەنە وتىرىپ، جاسى ۇلعايعان جۇمىسشىلارعا ۇيلەسىمدى جۇمىس ورىندارىنىڭ ينفورماتسياسىن جيناپ، ءتۇرلى ادام ىستەتۋشى ورىنداردى تەلەفونمەن قىزمەت وتەۋ، ساندى مالىمەت كىرگىزۋ، مەڭگەرۋ جانە قۇراستىرۋ قاتارلى مۇگەدەكتەردى جۇمىستاندىرۋعا ۇيلەسەتىن جۇمىس ورىندارىن دايىنداۋعا شابىتتاندىرادى.

كەلۋ قاينارى: حالىق تورابى