مەملەكەتتىك باقىلاۋ – تەكسەرۋ كوميتەتى ”قىزمەت ناتيجەسى ينجەنەرياسىن“، ”وبىراز ينجەنەرياسىن“ قاتاڭ تەكسەرىپ، قاتاڭ تۇزەتتى 

12 – ايدىڭ 22 – كۇنى، 14 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 13 – ماجىلىسىندە مەملەكەتتىك باقىلاۋ كوميتەتىنىڭ مەڭگەرۋشىسى ليۋ جينگو جاساعان «مەملەكەتتىك باقىلاۋ كوميتەتىنىڭ جۇرتشىلىقتىڭ ماڭىنداعى بۇرىس ستيلدەر مەن شىرىكتەسۋ ماسەلەسىن جونگە سالۋ قىزمەتىنىڭ جاعدايى جونىندەگى بايانداما» تىڭدالدى.

باياندامادا مىنالار اتاپ كورسەتىلگەن: مەملەكەتتىك باقىلاۋ كوميتەتى فورماشىلدىق، تورەشىلدىك ماسەلەلەرىن قاتاڭ تۇزەتىپ، نەگىزگى ساتىداعىلاردىڭ اۋىرتپالىعىن جەڭىلدەتتى. مەملەكەتتىك باقىلاۋ كوميتەتى جازالاپ ساقتاندىرۋ مەحانيزمىن كەمەلدەندىرۋدى، باقىلاۋ مەن تۇزەتۋدى كۇشەيتۋدى، تيپتىك دەلولاردى جالپىعا حابارلاندىرۋدى ءبىرتۇتاس ىلگەرىلەتىپ، 13 ولكە، اۆتونوميالى رايون، توتە قاراستى قالاعا بارىپ اشىق جانە جاسىرىن باقىلاۋ جۇرگىزىپ، ”باقىلاۋ، تەكسەرۋ، باعالاۋدىڭ“ شەكتەن تىس ءجيى بولۋى، ”قىزمەت ناتيجەسى ينجەنەرياسى“، ”وبىراز ينجەنەرياسى“، ”بارماق جۇزىندەگى فورماشىلدىق“ قاتارلى ماسەلەلەردى قاتاڭ تەكسەرىپ، قاتاڭ تۇزەتىپ، 32 دەلو جونىندە جالپىعا اشىق حابارلاندىرۋ شىعاردى. ءار دارەجەلى باقىلاۋ ورگاندارى كوزسىزدىكپەن ”كورىنىس جاساۋعا“ ساياتىن نىسانداردان 700 دەن استامىن توقتاتقان، وزگەرتۋگە بۇيىرعان.

حىنان ولكەسى شينياڭ قالاسى شيشيان اۋدانى اۋىل – قىستاقتاعى قونىستانۋ ورتاسىن جونگە سالۋ بارىسىندا، نەگىزگى جولدىڭ ەكى جاعىنداعى بۇتا – بۇرگەن مەن شوپتەردى 10 سانتيمەتردەن اسىرماي قىرقىپ شىعۋدى تالاپ ەتىپ، جۇرتشىلىقتى ”شوپپەن شايقاسۋعا“ ۇيىمداستىرىپ، جۇرتشىلىقتىڭ اڭىسىن قوزعاعان. مەملەكەتتىك باقىلاۋ كوميتەتى قىزمەتكەر جىبەرىپ جاسىرىن تەكسەرىپ، سول جەرگە بارىپ قۋزاۋشىلىق ىستەپ، شينياڭ قالاسىنىڭ ورىنباسار قالا باستىعى، شيشيان اۋداندىق پارتكومنىڭ شۋجيى قاتارلى 9 ادامدى قاتاڭ ءبىرجاقتى ەتكەن ءارى بۇكىل ەلىمىز كولەمىندە جالپىعا حابارلاندىرۋ شىعارعان.

شينجياڭ ۇيعۇر اۆتونوميالى رايونى حىجيڭ اۋداندىق پارتكومنىڭ بۇرىنعى شۋجيى ليۋ كىۋىن حالىقتى قالجىراتىپ، اقشانى بوسقا شاشىپ، اۋىل – قىستاقتاعى جولدىڭ ەكى جاعالاۋىنداعى داۋالدى ”اعارتقان“، چۇڭچيڭ قالاسى جياڭجين رايوندىق پارتكومنىڭ بۇرىنعى شۋجيى چىڭ جى – ي قالاشىق پەن قىستاقتاعى اۋىز سۋدىڭ ساپاسى ولشەمگە تولماۋ ماسەلەسىن كەشەۋىلدەتىپ، كەيىنگە قالدىرعاندىقتان، سۋ ساپاسىنىڭ جىلدان – جىلعا ناشارلاۋى قاتارلى تيپتىك ماسەلەلەردى قاتاڭ تەكسەرىپ ءبىرجاقتى ەتىپ، ءار دارەجەلى باسشى – كادرلاردىڭ قىزمەت ناتيجەسى جونىندە دۇرىس كوزقاراس تىكتەۋىن جانە ونى امالياتتا ايگىلەۋىن ىلگەرىلەتكەن.

كەلۋ قاينارى: حالىق تورابى