لي چياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

«كاسىپورىندارعا ساياتىن اكىمشىلىك تەكسەرۋدى قاتاڭ ارناعا ءتۇسىرۋ جونىندەگى پىكىردى» قاراپ ماقۇلدادى، ءدارى - دارمەك، ەمدەۋ جابدىقتارىن باقىلاۋ - باسقارۋ رەفورماسىن تەرەڭدەتىپ، ءدارى - دارمەك كاسىبىنىڭ جوعارى ساپالى دامۋىن جەبەۋگە قاتىستى شارالاردى ورنالاستىردى، ازىق - تۇلىك حاۋىپسىزدىگىنىڭ تۇتاس جەلىسىن باقىلاۋ - باسقارۋدى كۇشەيتۋگە قاتىستى قىزمەتتەردى اقىلداستى، جوعارى ساپالى دامۋدى جەبەيتىن وتكەرمەلەپ تولەۋگە شابىت بەرۋ، تەجەۋ مەحانيزمىن ورناتۋ جونىندەگى مالىمەتتى تىڭدادى، «مەملەكەتتىك كەڭەستىڭ دانەكەر قۇرىلىمداردىڭ سەرىكتەستىكتەردىڭ جارنا بەلەتىن جاريا تاراتۋىنا قىزمەت وتەۋىن ارناعا ءتۇسىرۋ جونىندەگى بەلگىلەمەسىن (جوبا)» قاراپ ماقۇلدادى

شينحۋا اگەنتتىگى، 12 - ايدىڭ 24 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 12 - ايدىڭ 23 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، «كاسىپورىندارعا ساياتىن اكىمشىلىك تەكسەرۋدى قاتاڭ ارناعا ءتۇسىرۋ جونىندەگى پىكىردى» قاراپ ماقۇلدادى، ءدارى - دارمەك، ەمدەۋ جابدىقتارىن باقىلاۋ - باسقارۋ رەفورماسىن تەرەڭدەتىپ، ءدارى - دارمەك كاسىبىنىڭ جوعارى ساپالى دامۋىن جەبەۋگە قاتىستى شارالاردى ورنالاستىردى، ازىق - تۇلىك حاۋىپسىزدىگىنىڭ تۇتاس جەلىسىن باقىلاۋ - باسقارۋدى كۇشەيتۋگە قاتىستى قىزمەتتەردى اقىلداستى، جوعارى ساپالى دامۋدى جەبەيتىن وتكەرمەلەپ تولەۋگە شابىت بەرۋ، تەجەۋ مەحانيزمىن ورناتۋ جونىندەگى مالىمەتتى تىڭدادى، «مەملەكەتتىك كەڭەستىڭ دانەكەر قۇرىلىمداردىڭ سەرىكتەستىكتەردىڭ جارنا بەلەتىن جاريا تاراتۋىنا قىزمەت وتەۋىن ارناعا ءتۇسىرۋ جونىندەگى بەلگىلەمەسىن (جوبا)» قاراپ ماقۇلدادى.

ءماجىلىس بىلاي دەپ اتاپ كورسەتتى: كاسىپورىندارعا ساياتىن اكىمشىلىك تەكسەرۋ − اكىمشىلىك زاڭ اتقارۋ تۇلعالارىنىڭ اكىمشىلىك باسقارۋ قىزمەت جاۋاپكەرشىلىگىن اتقارۋداعى ماڭىزدى ءتاسىلى، اۋەلگى ماقساتى − كاسىپورىنداردىڭ زاڭ بويىنشا شارۋاشىلىق جۇرگىزۋىن ارناعا ءتۇسىرۋ جانە وعان جەتەكشىلىك ەتۋ. الايدا، اماليات بارىسىندا كەيبىر جەرلەر مەن تاراۋلاردىڭ كاسىپورىندارعا ساياتىن اكىمشىلىك تەكسەرۋدەگى بىلىقپالىق ماسەلەسى كاسىپورىنداردىڭ قالىپتى ءوندىرىس – شارۋاشىلىعى مەن شارۋاشىلىق - ساۋدا ورتاسىنىڭ جاقسارۋىنا ىقپال جاسادى. بازاردىڭ مەجەلى مەرزىمىن ورنىقتىرۋدى، اكىمشىلىكتى زاڭ بويىنشا جۇرگىزۋ ورەسىن جوعارىلاتۋدى كوزدە ۇستاپ، كاسىپورىندارعا ساياتىن اكىمشىلىك تەكسەرۋدى قاتاڭ ارناعا ءتۇسىرىپ، جيىلىگىن ۇيلەسىمدى ورنالاستىرىپ، تەبىندى ۇيلەسىمدى يگەرىپ، دالدىكتى كۇش سالا جوعارىلاتىپ، ءارى قاعىس قالدىرماۋعا، ءارى اسىرىپ جىبەرمەۋگە قۇلشىنۋ كەرەك. اكىمشىلىك تەكسەرۋ نەگىزگى تۇلعاسىن ايقىنداپ، اكىمشىلىك تەكسەرۋ ىستەرىن اداقتاپ جاريالاپ، بەتالدى تەكسەرۋدى تۋ باستان تەجەۋ كەرەك. تەكسەرۋ ءتاسىلىن ۇيلەسىمدى تۇراقتاندىرىپ، تەكسەرۋ ولشەمى مەن ءتارتىبىن قاتايتىپ، اكىمشىلىك تەكسەرۋ زاڭ اتقارۋ باقىلاۋىن كۇشەيتىپ، كاسىپورىنعا كىرىپ تەكسەرۋ جيىلىگىن ازايتىپ، بەتالدى تەكسەرۋدى تيۋ كەرەك. اكىمشىلىك تەكسەرۋدى ارناعا ءتۇسىرۋدى كەلەر جىلعى كاسىپورىندارعا ساياتىن زاڭ اتقارۋ ارناۋلى قيمىلىن ارناعا ءتۇسىرۋدىڭ ماڭىزدى مازمۇنى ەتىپ، اڭىسى كۇشتى بولعان كورنەكتى ماسەلەلەردى دەر كەزىندە شەشىپ، بەتالدى تەكسەرۋدى تەكسەرىپ ءبىر جاقتى ەتۋ تەبىنىن ارتتىرىپ، جاۋاپكەرشىلىكتى قاتاڭ قۋزاۋ كەرەك.

ءماجىلىس بىلاي دەپ اتاپ كورسەتتى: ءدارى - دارمەك، ەمدەۋ جابدىقتارىن باقىلاۋ - باسقارۋدىڭ جالپى بارىستىق رەفورماسىن تەرەڭدەتىپ، دۇنيە جۇزىلىك باسەكەلىك قۋاتقا يە جاڭالىق اشۋ ەكولوگياسىن قالىپتاستىرىپ، ەلىمىزدىڭ ءدارى جاسايتىن ءىرى ەلدەن ءدارى جاسايتىن قۋاتتى ەلگە قاراي قادام تاستاۋىن ىلگەرىلەتىپ، بۇقارانىڭ جوعارى ساپالى ءدارى - دارمەك، ەمدەۋ جابدىقتارىنا بولعان قاجەتىن اناعۇرلىم ويداعىداي قاناعاتتاندىرۋ كەرەك. ءدارى - دارمەك، ەمدەۋ جابدىقتارىن زەرتتەپ اشۋعا، جاڭالىق اشۋعا قولداۋ كورسەتۋدى كۇشەيتىپ، ولشەممەن جەتەكشىلىك ەتۋ رولىن ساۋلەلەندىرىپ، جاڭا دارىلەر مەن ەمدەۋ اسپاپتارىن قولدانۋدى بەلسەنە جالپىلاستىرۋ كەرەك. تەكسەرىپ - باعالاۋدىڭ، تەكسەرىپ - بەكىتۋدىڭ ساپا ونىمدىلىگىن جوعارىلاتىپ، كلينيكادا شۇعىل قاجەت بولىپ وتىرعان ءدارى - دارمەك، ەمدەۋ جابدىقتارىن تەكسەرىپ - بەكىتۋ ارقىلى بازارعا شىعارۋدى جەدەلدەتىپ، شارتقا ۇيلەسەتىن سيرەك كەزدەسەتىن اۋرۋلارعا قولدانىلاتىن جاڭا ءدارى - دارمەك پەن ەمدەۋ اسپاپتارىنا قاراتىلعان كلينيكالىق سىناقتى ازايتۋ جانە كەشىرۋ كەرەك. جوعارى ءونىمدى، قاتاڭ باقىلاۋ - باسقارۋ ارقىلى ءدارى - دارمەك كاسىبىنىڭ ەرەجەگە ۇيلەسۋ دەڭگەيىن جوعارىلاتىپ، ءدارى - دارمەك كاسىبىنىڭ ەسىك اشۋ سەلبەستىگىن كەڭەيتۋىن قولداۋ كەرەك. ەمدەۋ قامسىزداندىرۋى، ەمدەۋ، باعا سياقتى جاقتارداعى ساياساتتارعا دەر كەزىندە ىلەسىپ، ءدارى - دارمەك كاسىپ سالاسىىنىڭ جوعارى ساپالى دامۋىن جەبەۋگە كۇش سالۋ كەرەك.

ءماجىلىس بىلاي دەپ اتاپ كورسەتتى: ازىق - تۇلىك حاۋىپسىزدىگى حالىق بۇقاراسىنىڭ دەنساۋلىعى مەن ءومىرىنىڭ حاۋىپسىزدىگىنە سايادى. تۋ باستان قاتاڭ ساقتانۋعا، بارىسىن قاتاڭ باسقارۋعا، حاۋىپ - قاتەردى قاتاڭ تىزگىندەۋگە تاباندى بولىپ، كۇندەلىكتى باقىلاۋ - باسقارۋدى كۇشەيتىپ، تۇتاس تىزبەكتى باقىلاۋ - باسقارۋ قابىلەتىنىڭ دەڭگەيىن شىنايى جوعارىلاتىپ، ازىق - تۇلىك حاۋىپسىزدىگىنىڭ تومەنگى شەگىن باتىل ساقتاۋ كەرەك.

ءماجىلىس بىلاي دەپ اتاپ كورسەتتى: اۋدارىپ تولەۋدىڭ جەرگىلىكتى ورىنداردىڭ جوعارى ساپالى دامۋىنا جەتەكشىلىك ەتۋ رولىن ساۋلەلەندىرىپ، شابىتتاندىرۋ قارجىسىن سالىق كىرىسى جاعىندا ۇلەسى زور، كىرىستىڭ ارتۋ قارقىنى ءبىرشاما تەز رايوندارعا بەيىمدەۋ كەرەك. مەحانيزمدى اتقارۋ قىزمەتىن عىلمي، جۇيەلى، ويداعىداي يگەرىپ، جەر - جەردى جوعارى ساپالى دامۋ ارقىلى سالىق قاينارىن قورعاۋعا شابىتتاندىرىپ، جەرگىلىكتى ورىنداردىڭ دامۋ ىرىقتىلىعى مەن قازىنانىڭ باياندىلىعىن كۇشەيتۋ كەرەك.

ءماجىلىس «مەملەكەتتىك كەڭەستىڭ دانەكەر قۇرىلىمداردىڭ سەرىكتەستىكتەردىڭ جارنا بەلەتىن جاريا تاراتۋىنا قىزمەت وتەۋىن ارناعا ءتۇسىرۋ جونىندەگى بەلگىلەمەسىن (جوبا)» قاراپ ماقۇلداپ، بىلاي دەپ دارىپتەدى: دانەكەر ورگانداردىڭ كاپيتال بازارىنداعى ”ەسىك اشۋشى“ بولۋ رولىن جاقسى ساۋلەلەندىرىپ، دانەكەر ورگاندار مەن تاراتۋشىلاردىڭ مۇددە جاعىندا قيسىنسىز ماتالۋىنان ساقتانىپ، قازىنادا قارالىق ىستەۋ، تاراتۋدا الدامشىلىق ىستەۋ سياقتى زاڭعا قايشى قىلمىستارعا قاتاڭ سوققى بەرىپ، قارجى قوسۋشىلاردىڭ زاڭدىق ۇقىق - مۇددەسىن شىنايى قورعاپ، كاپيتال بازارىنىڭ اقاۋسىز، ورنىقتى دامۋىن جەبەۋ كەرەك.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى