ۋاكىلدىك قىزمەت جاۋاپكەرشىلىگىن ويداعىداي اتقارىپ، حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتۋ كەرەك

«حالىق گازەتى»، 12 - ايدىڭ 24 – كۇنى، بەيجيڭ (ءتىلشى پىڭ بو). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 12 - ايدىڭ 24 - كۇنى تۇستەن كەيىن 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 13 - ماجىلىسىنە سىرتتاي قاتىناسقان مەملەكەتتىك حالىق قۇرىلتايىنىڭ ۋاكىلدەرىمەن اڭگىمە ءماجىلىسىن وتكىزدى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ۋاكىلدىك قىزمەت جاۋاپكەرشىلىگىن ويداعىداي اتقارىپ، حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتۋ كەرەك.

اڭگىمە ماجىلىسىندە ۋاكىلدەر مەملەكەتتىك حالىق قۇرىلتايى تۇراقتى كوميتەتىنىڭ قىزمەتى مەن تۇراقتى كوميتەتتىڭ قىزمەت بايانداماسىنىڭ نۇسقاسىن دايىنداۋ توڭىرەگىندە ۇسىنىس - پىكىر بەردى. جاۋ لىجي مۇقيات تىڭداپ، كوپشىلىكپەن ىشكەرىلەي اڭگىمەلەستى. ول بىلاي دەدى: بيىل − جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى ءارى مەملەكەتتىك حالىق قۇرىلتايى قۇرىلعاندىعىنىڭ 70 جىلدىعى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ رۋحىن دايەكتىلەندىرىپ، تياناقتاندىرىپ، پارتيا مەن مەملەكەت قىزمەتىنىڭ جالپى جاعدايىن مىقتاپ ارقاۋ ەتىپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرشىلىگىن مۇقيات اتقارىپ، شىنايى يگەرىپ، ناقتى ىستەپ، ورنىقتىلىق بارىسىندا ىلگەرىلەپ، نەگىزگى زاڭ، زاڭ شىعارۋ، باقىلاۋ، ۋاكىلدەر، سىرتپەن بارىس – كەلىس جاساۋ، وزىندىك قۇرىلىس سياقتى جاقتارداعى قىزمەتتەردە تىڭ ىلگەرىلەۋشىلىككە، تىڭ ونىمدىلىككە قول جەتكىزىپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن جۇزەگە اسىرۋعا، جۇڭگو ۇلگىسىندەگى وسىزامانداندىرۋدى ىلگەرىلەتۋگە تىڭ دا مىعىم قادام تاستاۋ ءۇشىن حالىق قۇرىلتايىنىڭ ۇلەسىن قوستى.

جاۋ لىجي بىلاي دەپ اتاپ كورسەتتى: تۇراقتى كوميتەتتىڭ مىندەت اتقارۋى ۋاكىلدەردىڭ قولداۋى مەن ات سالىسۋىنان ايرىلا المايدى. قالىڭ ۋاكىلدەر حالىقتان شىعۋ، حالىققا تامىر تارتۋ ەرەكشەلىكتەرىن، ابزالدىقتارىن ساۋلەلەندىرىپ، وزدەرىنىڭ كاسىپتىك ەرەكشەلىكتەرىن ساۋلەلەندىرىپ، حالىق بۇقاراسىمەن تىعىز بايلانىس ورناتىپ، قوعام جاعدايى مەن حالىق تىلەگىن تىڭداپ، اڭىس ەتىپ، تۇراقتى كوميتەتتىڭ، ارناۋلى كوميتەتتەردىڭ ماجىلىستەرىنە سىرتتاي قاتىناسىپ، زاڭ شىعارۋ جونىنەن تەكسەرۋ - زەرتتەۋ، زاڭنىڭ اتقارىلۋىن تەكسەرۋ، ارناۋلى تاقىرىپتا تەكسەرۋ - زەرتتەۋ، مەجە ەسەپتى، سوڭعى ەسەپتى تەكسەرۋ - باقىلاۋ، سىرتپەن بارىس - كەلىس جاساۋ سياقتى قيمىلدارعا قاتىناسىپ، پىكىر - ۇسىنىستار قويىپ، ماڭىزدى رولدارىن ساۋلەلەندىردى.

جاۋ لىجي بىلاي دەپ اتاپ كورسەتتى: تۇراقتى كوميتەتتىڭ قۇرامىنداعىلار مەن مەملەكەتتىك حالىق قۇرىلتايىنىڭ ۋاكىلدەرى مىندەت اتقارۋ امالياتىمەن ۇشتاستىرىپ، مۇقيات وي جۇگىرتىپ، تاجىريبەلەردى قورىتىندىلاپ، جاڭا داۋىردە حالىق قۇرىلتايى قىزمەتىن جاقسى ىستەۋدىڭ زاڭدىلىعى جونىندەگى تانىمدى اناعۇرلىم تەرەڭدەتتى، ۇزدىكسىز ويداعىداي يگەرۋى، ويداعىداي تاباندى بولۋى كەرەك. پارتيانىڭ حالىق قۇرىلتايى قىزمەتىنە جاپپاي باسشىلىعىنا، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيانىڭ نازارياسىنىڭ، لۋشيانىنىڭ، باعىت - ساياساتىنىڭ جانە شەشىمدەرىنىڭ، ورنالاستىرۋلارىنىڭ حالىق قۇرىلتايى قىزمەتىندە جاپپاي دايەكتىلەنۋىنە كەپىلدىك ەتۋ كەرەك. وزەكتى ارقاۋ ەتۋگە، جالپى جاعدايعا قىزمەت وتەۋگە، ماڭىزدى ءتۇيىندى كورنەكتىلەندىرۋگە تاباندى بولىپ، حالىق قۇرىلتايىنىڭ جۇڭگو ۇلگىسىندەگى وسىزامانداندىرۋ قۇرىلىسىنداعى فۋنكتسيالىق رولىن ويداعىداي ساۋلەلەندىرۋ كەرەك. جالپى بارىستىق حالىق دەموكراتياسىنا تاباندى بولىپ جانە ونى دامىتىپ، حالىق تىلەگىن تولىق قابىلداپ، حالىقتىڭ اقىل - پاراساتىن شوعىرلاندىرىپ، ءتۇرلى قىزمەتتەردى حالىق رايى نەگىزىندە بەرىك ورناتۋ كەرەك. شىندىقتى ءىس جۇزىنەن ىزدەۋگە، شىندىققا جۇگىنىپ، ناقتى ءىس ىستەۋگە تاباندى بولىپ، تەكسەرۋ - زەرتتەۋدى ىشكەرىلەي ورىستەتىپ، وبيەكتيۆ زاڭدىلىققا بويسۇنىپ جانە ونى يگەرىپ، فورماشىلدىقتان، تورەشىلدىكتەن بارىنشا ساقتانۋ كەرەك. جۇيە كوزقاراسىنا، تۇتاس تۇلعا كوزقاراسىنا تاباندى بولىپ، قىزمەتتى ءبىر تۇتاس جوسپارلاپ، ءتارتىپتى، سايكەستى جوسپارلاپ جانە ورىستەتىپ، تياناقتاندىرۋدى يگەرۋدىڭ بىرىككەن كۇشىن قالىپتاستىرۋدى ىلگەرىلەتۋ كەرەك.

جاۋ لىجي بىلاي دەپ باسا دارىپتەدى: وسى رەتكى تۇراقتى كوميتەت ءماجىلىسى 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسىن اشۋ جونىندەگى قاۋلىنى قارادى. ءماجىلىس بۇكىل ەلدەگى ءار ۇلت حالقىن زەيىن - زەردەنى، كۇش – قۋاتتى شوعىرلاندىرىپ پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋگە، تياناقتاندىرۋعا اتتانىسقا كەلتىرىپ، تۇتاس جىلداعى ءتۇرلى قىزمەتتەردى تىڭعىلىقتى جاقسى ىستەۋدە ماڭىزدى مانگە يە. ۋاكىلدەر ساياسي دەڭگەيدى جوعارىلاتىپ، ءماجىلىستىڭ كەڭەستىك تارتىبىمەن بىرلەستىرىپ ىشكەرىلەي تەكسەرۋ - زەرتتەۋ ورىستەتىپ، ءماجىلىس الدىنداعى دايىندىق قىزمەتتەردى مۇقيات ويداعىداي ىستەۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ اڭگىمە ءماجىلىسىن باسقاردى.

كەلۋ قاينارى: حالىق تورابى