بۇقارا ەڭ كوڭىل ءبولىپ وتىرعان ماسەلەلەرگە نازار اۋداردى (رەفورمانى تاعى دا تەرەڭدەتىپ، ەكپىندەي ىلگەرىلەۋدىڭ جاڭا ساپارى − ۋاكىلدەردىڭ، مۇشەلەردىڭ مىندەت وتەۋ حيكاياسى)

”نەگىزگى ساتىداعى سۋديالاردىڭ سانىن ارتتىرۋدى ءۇمىت ەتەمىن“، ”كومەكشى سۋديالاردىڭ قاتىستى تاربيەلەۋ مەحانيزمىن اقاۋسىزداندىرۋدى، كەمەلدەندىرۋدى ءۇمىت ەتەمىن“... 2 - ايدىڭ 21 - كۇنى ىشكى موڭعۇل اۆتونوميالى رايونى كوكحوت قالاسى سايحان رايوندىق حالىق سوتى مەكەمەسىندە نەگىزگى ساتى سۋديالار قوسىنى قۇرىلىسى جونىندەگى تەكسەرۋ - زەرتتەۋ اڭگىمە ءماجىلىسى اشىلدى، مەملەكەتتىك ساياسي كەڭەستىڭ مۇشەسى، ىشكى موڭعۇل داشۋەسى زاڭ شۋەيۋانىنىڭ پروفەسسورى ى شياۋمەي ماجىلىسكە قاتىناسقانداردىڭ ءسوزىن تىڭداي وتىرىپ، مۇقيات ەستەلىك الدى.

ى شياۋمەي جايشىلىقتاعى تەكسەرۋ - زەرتتەۋگە توتەنشە ءمان بەرەدى. ”مەنىڭ كوپتەگەن وقۋشىم − نەگىزگى ساتى سۋديالارى نەمەسە كومەكشى سۋديالار، ولارمەن اڭگىمەلەسۋ، سونداي - اق كۇندەلىكتى تەكسەرۋ - زەرتتەۋ جۇرگىزۋ ارقىلى بيىل مەن نەگىزگى ساتى سۋديالار قوسىنى قۇرىلىسىن كۇشەيتۋدى ارقاۋ ەتە وتىرىپ سىندارلى اقىل - كەڭەس بەرىپ، مەملەكەتتىڭ زاڭمەن جونگە سالۋ قۇرىلىسى ءۇشىن كۇش قوسامىن“ دەدى ى شياۋمەي.

زاڭ شۋەيۋانىنىڭ پروفەسسورى رەتىندە ى شياۋمەي ەلىمىزدىڭ قاتىستى سالالارداعى زاڭمەن باسقارۋ قۇرىلىسىنا ەرەكشە نازار اۋداردى. ”ەلىمىزدىڭ شەكارا تۇرعىندارى ءوزارا بازار ساۋداسىن باسقارۋ ءادىسىن كەمەلدەندىرۋگە تۋرا كەلىپ وتىر، وتكەن جىلعى مەملەكەتتىك ەكى ماجىلىستە مەن ۇسىنىس جوبا قويۋ بارىسىندا جاڭالاۋ، وزگەرىس ەنگىزۋ جونىندە ۇسىنىس قويدىم، قاتىستى مازمۇندارعا ساۋدا مينيسترلىگى بەلسەندى جاۋاپ قايتاردى“ دەدى ى شياۋمەي.

از ۇلت سالاسىنداعى مەملەكەتتىك ساياسي كەڭەستىڭ مۇشەسى رەتىندە داعۇر ۇلتىنان شىققان ى شياۋمەي دە جۇڭحۋا ۇلتى ورتاق تۇلعا تانىمىن بەكەمدەۋ جاعىنداعى قىزمەتتەرگە ايرىقشا ءمان بەردى. بىلتىر ول مەملەكەتتىك ساياسي كەڭەستىڭ تەكسەرۋ - زەرتتەۋ گرۋپپاسىمەن بىرگە ىشكى موڭعۇلدىڭ باياننۇر، باۋتوۋ، ۇلانچاب، حۋلۇنبەير،ھينگان ايماعى سياقتى جەرلەرگە بارىپ قاتىستى تەكسەرۋ - زەرتتەۋ جۇرگىزدى، كۇندىز سول ورىندا جاعداي ۇعىسىپ، كەشتە ءار ۇلت كادر - بۇقاراسىمەن بىرگە وتىرىپ سۇحباتتاسىپ، پىكىر تىڭدادى ءارى قاتىستى تاراۋلارمەن بەلسەنە بايلانىس جاسادى.

”بىلتىر مەن از ۇلتتاردىڭ بايىرعى شىعارمالارىن قورعاۋدى كۇشەيتۋ جونىندە ءبىر ۇسىنىس جوبا تاپسىرعاننان كەيىن اۆتونوميالى رايوندىق مۇراجاي، بايىرعى شىعارمالار كەڭسەسى، كىتاپحانا، سونداي - اق ارحيۆحانا سياقتى ورىندارمەن بىرگە ىشكەرىلەي تەكسەرۋ - زەرتتەۋ جۇرگىزىپ، پىكىر اۋىستىرىپ، ءتىپتى دە كوپ جاڭا ماسەلەلەر مەن ۇسىنىستاردى بايقاپ، بايانداما دايىنداعاننان كەيىن قاتىستى تاراۋلارعا تاپسىردىم“ دەدى ى شياۋمەي.

”مەملەكەتتىك ساياسي كەڭەستىڭ مۇشەسى رەتىندە كۇندەلىكتى توپتاۋعا جانە تەكسەرۋ - زەرتتەۋگە، ءسوز جوق، ءمان بەرىپ، ۇيرەنۋگە بەلسەنە قاتىناسىپ، مىندەت اتقارۋ قابىلەتىن ۇزدىكسىز جوعارىلاتىپ، بۇقارا ەڭ كوڭىل ءبولىپ وتىرعان ماسەلەلەرگە نازار اۋدارعاندا عانا، اقىل - كەڭەس بەرىپ، ءادىس - امال كورسەتىپ، شەشۋشى تۇيىندەرگە اقىل - كەڭەس بەرۋگە بولادى“ دەدى ى شياۋمەي.

ءتىلشى ەستەلىگى

تىڭعىلىقتى تەكسەرۋ - زەرتتەۋ جۇرگىزىپ، سالعىرتسىماۋ كەرەك

ى شياۋمەيدىڭ قاراۋىنشا، مەملەكەتتىك ساياسي كەڭەستىڭ مۇشەسى رەتىندە مىندەتىن اتقارۋ قابىلەتىن ۇزدىكسىز جوعارىلاتۋ كەرەك.

بۇقارا كوڭىل ءبولىپ وتىرعان سالالار جونىندە ءتىپتى دە ۇزدىكسىز توپتاپ، قاتىستى ءبىلىم قورىن كەمەلدەندىرىپ، اناعۇرلىم تەرەڭ تانىممەن وي جۇگىرتۋ كەرەك. سونىمەن بىرگە، مۇقيات تەكسەرۋ - زەرتتەۋ جۇرگىزىپ، تەكسەرۋ - زەرتتەۋ بارىسىندا شەشۋشى ماسەلەلەردى ءداپ باسىپ تاۋىپ، تىڭعىلىقتى فاكتىلەر مەن ساندى مالىمەتتەر ارقىلى سويلەۋ كەرەك.

سوندىقتان ى شياۋمەي قاجىماي - تالماي، تاباندىلىقپەن ىستەپ، بۇقارامەن ىشكەرىلەي ارالاسىپ، قوعام جاعدايى مەن حالىق رايىن ۇعىسىپ، تىڭعىلىقتى تەكسەرۋ - زەرتتەۋ جۇرگىزۋ ارقىلى ۇزدىك جاۋاپ قايتارۋعا قۇلشىندى.