ينتەرنەت ينفورماتسياسى تاراۋلارى ويىن – ساۋىق سالاسىنداعى جۇلدىزدارعا قاتىستى ينفورماتسيالاردى انايىلىقپەن دابىرالاعان ءبىر توپ تىركەلگىلەردى زاڭ بويىنشا تەكسەرىپ ءبىر جاقتى ەتتى 

حالىق گازەتىنىڭ ءتىلشىسى جين شين 4 – ايدىڭ 7 – كۇنى بەيجيڭنەن حابارلايدى. ءتىلشىنىڭ 4 – ايدىڭ 7 – كۇنى ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتىنىڭ كەڭسەسىنەن ۇعىسۋىنشا، ينتەرنەت ينفورماتسياسى تاراۋلارى ويىن – ساۋىق سالاسىنداعى ”جانكۇيەرلەر شوعىرىنا“ قاتىستى بىلىققان جاعدايلارعا ۇزدىكسىز سوققى بەرۋ ءۇشىن، جۋىردا ينتەرنەت تەكشەلەرىن ”ەرەكشە قابىلەتتى فوتوگراف ياڭياڭ“، ”فوتوگراف ليۋ داچۇي“، ”قوجايىن ۋاڭ دافا“ قاتارلى جۇلدىزدارعا قاتىستى وسەك – اياڭ مەن ولاردىڭ ماسقارالىقتارىن انايىلىقپەن دابىرالاۋ سىندى زاڭ – تۇزىمگە قايشى ارەكەت وتكىزگەن تىركەلگىلەردى زاڭ بويىنشا توقتاتۋعا جانە ۇزاق ۋاقىت بويى ءسوز قالدىرۋىنا تيىم سالىپ ءبىر جاقتى ەتۋگە بۇيىرعان.

ۇعىسۋعا قاراعاندا، جۋىردان بەرى قاتىستى تىركەلگىلەر جۇلدىزداردىڭ اشىق جاريالاماعان ساپارلارىن ۇرلاپ تارتۋ، ىلەسىپ ءجۇرىپ تارتۋ ارقىلى تەكسەرىپ تۇراقتاندىرىلماعان ”تاڭ قالدىرارلىق“ اقپاراتتاردى تاراتقان؛ نەمەسە ”جاعدايدى بىلەتىن ادام“ دەگەن اتپەن جالعان ينفورماتسيالاردى قۇراستىرعان، جوتكەگەن؛ ياكي، اسىرەلەگەن تاقىرىپ قويۋ جانە جالعاننان بولجام جاساۋ قاتارلى فورمالار ارقىلى زىمياندىق ىستەپ، وسى ارقىلى كورىلىمگە يە بولعان؛ نەمەسە يشارالاۋ، وسپاقتاتۋ قاتارلى تاسىلدەردەن پايدالانىپ، جۇلدىزدارعا قاتىستى وسەك – اياڭداردى ارسىزدىقپەن دابىرالاعان، ينتەرنەت ەكولوگيالىق ورتاسىن اۋىر دارەجەدە بۇلدىرگەن.

كەلۋ قاينارى: حالىق تورابى